ວັນພຸດ, ວັນທີ 21 ມັງກອນ 2026
ບໍລິສັດ PS ເອັນຈີເນຍລິງມອບເຄື່ອງກິລາ 40 ຊຸດ ໃຫ້ກົມເສນາພະລາກົມໃຫຍ່ພະລາທິການກອງທັບ
ເວລາອອກຂ່າວ: 2025-12-17 08:58:06 | ຜູ້ຂຽນ : admin1 | ຈຳນວນຄົນເຂົ້າຊົມ: 138 | ຄວາມນິຍົມ: 
ວັນທີ 10 ທັນວາ 2025 ນີ້, ທ່ານ ໄຜ່ ສີທອງ ແສນຈົງຮັກ ປະທານບໍລິສັດ PS ເອັນຈີເນຍລິງ ພ້ອມດ້ວຍຄະນະ, ໄດ້ມອບເຄື່ອງກິລາຈຳນວນ 40 ຊຸດ, ລວມມູນຄ່າ 6.300.000 ກີບ ໃຫ້ແກ່ກົມເສນາພະລາກົມໃຫຍ່ພະລາທິການກອງທັບ, ເຊິ່ງໄດ້ໃຫ້ກຽດກ່າວຮັບໂດຍ ສະຫາຍ ພັນເອກ ປອ ສົມຜິດ ແກ້ວວັນທອງຮອງຫົວໜ້າກົມເສນາພະລາກົມໃຫຍ່ພະລາທິການກອງທັບ, ມີຄະນະພັກ-ຄະນະບັນຊາກົມ, ພະແນກການ ແລະ ພະນັກງານທີ່ກ່ຽວຂ້ອງເຂົ້າຮ່ວມ.
ຈຸດປະສົງໃນການມາມອບເຄື່ອງກິລາໃນຄັ້ງນີ້, ເພື່ອເປັນການປະກອບສ່ວນອັນສຳຄັນ ແລະ ຊຸກຍູ້ເຂົ້າໃນວຽກການເມືອງຂອງກົມກອງ, ກໍຄືການເຄື່ອນ
ໄຫວວຽກງານຂະບວນການດ້ານຕ່າງໆ ໃຫ້ມີບັນຍາດທີ່ດີ ແລະ ເຕັມໄປດ້ວຍຄວາມໝາຍສຳຄັນອັນເລິກເຊິ່ງ.
ໂອກາດນີ້, ສະຫາຍ ພັນເອກ ປອ ສົມຜິດ ແກ້ວວັນທອງ ຮອງຫົວໜ້າກົມເສນາພະລາກົມໃຫຍ່ພະລາທິການກອງທັບກໍໄດ້ກ່າວສະແດງຄວາມຍ້ອງຊົມເຊີຍ ແລະ ຂອບໃຈມາຍັງ ທ່ານ ໄຜ່ ສີທອງ ແສນຈົງຮັກ ປະທານບໍລິສັດ PS
ເອັນຈີເນຍລິງ ພ້ອມດ້ວຍຄະນະ, ທີ່ໄດ້ມາມອບເຄື່ອງກິລາຈຳນວນ 40 ຊຸດໃຫ້ໃນຄັ້ງນີ້, ຈາກນັ້ນ ກໍໄດ້ມອບໃບຈາລຶກບຸນຄຸນ ໃຫ້ແກ່ບໍລິສັດ PS ເອັນຈີເນຍລິງ ເພື່ອສະເເດງເຖິງຄຸນງາມຄວາມດີອີກດ້ວຍ ແລະ ໃນວັນທີ 9 ທັນວາ 2025 ຜ່ານມານີ້, ທ່ານ ອານຸສອນໄຊຍະວົງ ກໍໄດ້ອຸປະຖຳມອບວັດຖຸປັດໄຈຈຳນວນ 5.000.000 ກີບ ໃຫ້ກົມເສນາພະລາ ເພື່ອຊຸກຍູ້ເຂົ້າໃນວຽກງານວິຊາສະເພາະອີກດ້ວຍ
ໂດຍ: ຄຳປະສົງ ລາດຊະວົງ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
