ວັນພະຫັດ, ວັນທີ 12 ກັນຍາ 2024
ແຂວງໄຊຍະບູລີໄຂສົກຮຽນໃໝ່ 2019-2020
ເວລາອອກຂ່າວ: 2019-09-04 11:50:54 | ຜູ້ຂຽນ : admin3 | ຈຳນວນຄົນເຂົ້າຊົມ: 258 | ຄວາມນິຍົມ: 
ໃນຕອນເຊົ້າຂອງວັນທີ 2 ກັນຍາ 2019 ນີ້, ທີ່ເດີ່ນກີລາໃນ
ຮົ່ມຂອງແຂວງ ໄຊຍະບູລີ, ໄດ້
ຈັດພິທີໄຂສົກຮຽນໃໝ່ 2019-
2020 ຂຶ້ນ, ເປັນກຽດເຂົ້າຮ່ວມ ໂດຍ ທ່ານ ພົງສະຫວັນ ສິດທະ
ວົງ ເຈົ້າແຂວງໆໄຊຍະບູລີ, ມີ
ບັນດາການນໍາຂອງແຂວງ, ເມືອງ, ອໍານາດການປົກຄອງ ບ້ານເທສະບານເມືອງ, ມີສະມາ ຄົມພໍ່ແມ່ນັກຮຽນ ພ້ອມດ້ວຍຄູ- ອາຈານ ແລະ ນ້ອງນັກຮຽນ ເຂົ້າຮ່ວມຢ່າງຫຼວງຫຼາຍ.
ທ່ານ ພັນ ດວງຕາ ຮອງຫົວ
ໜ້າພະແນກສຶກສາທິການ ແລະ ກີລາ ແຂວງໄຊຍະບູລີ ໄດ້ຂຶ້ນ ລາຍງານການກະກຽມໃຫ້ແກ່ ການໄຂສົກຮຽນໃໝ່ໃນປີນີ້ ເຊິ່ງ ທ່ານໄດ້ກ່າວວ່າ: ການກະກຽມ ໃຫ້ແກ່ການໄຂສົກຮຽນໃໝ່
2019-2020 ນີ້ ພະແນກສຶກສາທິການ ແລະ ກີລາແຂວງ
ແມ່ນໄດ້ສົມທົບກັບອໍານາດການ ປົກຄອງແຕ່ລະຂັ້ນເພື່ອປຸກລະ ດົມພໍ່ແມ່ຜູ້ປົກຄອງໃຫ້ເອົາລູກ ຫຼານມາເຂົ້າໂຮງຮຽນໃຫ້ໄດ້ ຕາມຄາດໝາຍ, ພ້ອມທັງບູລະ ນະສ້ອມແປງອາຄານສະຖານທີ່ ຮໍ່າຮຽນທີ່ເປ່ເພໃຫ້ກັບມານໍາໃຊ້ ໄດ້ປົກກະຕິ ແລະ ພຽງພໍ, ໂດຍ ສະເພາະແມ່ນຊັ້ນປະຖົມ, ໄດ້ຂະ ຫຍາຍຊັ້ນມໍຕົ້ນ 2 ແຫ່ງ ແລະ ມັດທະຍົມສົມບູນ 5 ແຫ່ງ, ໄດ້ ຈັດສົ່ງວັດຖຸອຸປະກອນການສຶກ ສາໃຫ້ແຕ່ລະເມືອງເປັນຕົ້ນ ແມ່ນ: ປຶ້ມແບບຮຽນ, ປຶ້ມຄູ່ມື, ໄດ້ຈັດເຝິກອົບອົບຄູສອນຊັ້ນ ປ1 ແລະ ອໍານວຍການຊັ້ນປະຖົມໃນ ທົ່ວແຂວງ, ພ້ອມດຽວກັນກໍໄດ້ວິ ເຄາະ, ວິໄຈສະພາບການສຶກສາ ແລະ ກີລາຕາມ 15 ຄາດໝາຍ, ໄດ້ເຊື່ອມຊຶມມະຕິວ່າດ້ວຍວຽກ ງານພັດທະນາຊັບພະຍາກອນ ມະນຸດ, ໃນນີ້ໄດ້ລົງເລິກ 17 ມາດ
ຕະການແກ້ໄຂບັນຫາຄູເຫຼືອບໍ່ພໍ, ການຊັບຊ້ອນ-ຈັດສັນຄູ ແລະ ແກ້ໄຂບັນຫາຄູອາສາສະໝັກ, ໂອກາດໄຂສົກຮຽນດັ່ງກ່າວ ທ່ານ ພົງສະຫວັນ ສິດທະວົງ ກໍ ໄດ້ຮຽກຮ້ອງມາຍັງການນໍາທຸກ ອົງການຈັດຕັ້ງພັກ-ລັດ, ນັກທຸ ລະກິດ, ຜູ້ປະກອບການ, ຜູ້ປົກ ຄອງນັກຮຽນ, ອໍານາດການ ປົກຄອງບ້ານ, ຄູ-ອາຈານ ແລະ ນັກຮຽນ-ນັກສຶກສາຈົ່ງສືບຕໍ່ ເອົາໃຈໃສ່ໃນການພັດທະນາ ການສຶກສາ ແລະ ກີລາຢ່າງຮອບ ດ້ານ, ສ້າງໃຫ້ມີໂຮງຮຽນຕົວ ແບບ, ສີຂຽວ, ປອດສິ່ງເສບຕິດ ພ້ອມທັງຮັກສາມູນເຊື້ອນັກຮຽນ ເກັ່ງໄວ້ຕະຫຼອດໄປ, ສືບຕໍ່ໃຫ້ ການສະໜັບສະໜູນຊ່ວຍເຫຼືອ ການສຶກສາ ແລະ ກີລາຢູ່ແຕ່ ລະທ້ອງຖິ່ນ, ເພີ່ມທະວີປະສານ ສົມທົບລະຫວ່າງ 3 ສະຖາບັນ ຄື: ໂຮງຮຽນ, ສັງຄົມ ແລະ ຄອບ
ຄົວໃຫ້ແໜ້ນແຟ້ນໂດຍສະເພາະ ແມ່ນຄອບຄົວຕ້ອງເອົາໃຈໃສ່ໃນ ການສຶກສາອົບຮົມລູກຫຼານ ຂອງຕົນ, ເພື່ອສະກັດກັ້ນ ແລະ ຫຼີກລ່ຽງບໍ່ໃຫ້ມີສິ່ງຫຍໍ້ທໍ້ດ້ານ ຕ່າງໆເກີດຂຶ້ນ, ເຮັດໃຫ້ນັກຮຽນ ແຕ່ລະຄົນຮຽນດີ, ຮຽນເກັ່ງ ກາຍເປັນພົນລະເມືອງດີຂອງ ຊາດ ແລະ ຜູ້ສືບທອດພາລະກິດ ປະຕິ ວັດໃນອະນາຄົດ, ສືບຕໍ່ຍູ້
ຂະບວນການສິລະປະ-ວັນນະ
ຄະດີ ແລະ ກີລາໃຫ້ເປັນຂະບວນ ຟົດ ຟື້ນ ແລະ ໃນຕອນທ້າຍຂອງພິ ທີກໍໄດ້ມີການຕັດແຖບຜ້າ ແລະ
ປ່ອຍປຸມເປົ້າເປີດການຮຽນ- ການສອນຢ່າງເປັນທາງການ.
ໂດຍ: ອຸ່ນເຮືອນ ໂພທິລັກ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
