POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 21 ມັງກອນ 2026

ມອບໝາຍໜ້າທີ່ກະກຽມສ້າງຂະບວນການ ສະເຫຼີມສະຫຼອງວັນສ້າງຕັ້ງກອງທັບຄົບຮອບ 77 ປີ ແລະ ວັນສ້າງຕັ້ງກອງບັນຊາການທະຫານນະຄອນຫຼວງວຽງຈັນ ຄົບຮອບ 50 ປີ
ເວລາອອກຂ່າວ: 2025-12-17 10:45:07 | ຜູ້ຂຽນ : admin2 | ຈຳນວນຄົນເຂົ້າຊົມ: 328 | ຄວາມນິຍົມ:

ກອງບັນຊາການທະຫານນະຄອນຫຼວງວຽງຈັນ ຈັດກອງປະຊຸມມອບໝາຍໜ້າທີ່ ກະກຽມສ້າງຂະບວນການສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 77 ປີ ແລະ ວັນສ້າງຕັ້ງກອງບັນຊາການທະຫານນະຄອນຫຼວງວຽງຈັນ ຄົບຮອບ 50 ປີ ຂຶ້ນໃນວັນທີ 15 ທັນວາ 2025 ນີ້, ໂດຍການເປັນປະທານຂອງ ສະຫາຍ ພົນຈັດຕະວາ ບຸນລິດ ສີສຸພອນ ຫົວໜ້າການທະຫານ ກອງບັນຊາການທະຫານນະຄອນຫຼວງວຽງຈັນ, ມີຄະນະພັກ-ຄະນະບັນຊາ, ພະແນກການ ອົງການ 05 ຫ້ອງ, ຕະຫຼອດຮອດຄະນະບັນຊາກົມກອງຂຶ້ນກັບເຂົ້າຮ່ວມ. ສະຫາຍ ພັນຕີ ຄອນທອງ ລໍວິໄຊ ຫົວໜ້າພະແນກແຜນການສັງລວມ ຫ້ອງການ ກອງບັນຊາການທະຫານນະຄອນຫຼວງວຽງຈັນ ໄດ້ຜ່ານແຜນການກະກຽມສ້າງຂະບວນການສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 77 ປີ ແລະ ວັນສ້າງຕັ້ງກອງບັນຊາການທະຫານນະຄອນຫຼວງວຽງຈັນ ຄົບຮອບ 50 ປີ, ອີງຕາມມະຕິກອງປະຊຸມ ຂອງຄະນະພັກ ກອງບັນຊາການທະຫານນະຄອນຫຼວງວຽງຈັນ ກ່ຽວກັບການຫ້າງຫາກະກຽມຈັດຕັ້ງສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວຄົບຮອບ 77 ປີ ແລະ ວັນສ້າງຕັ້ງກອງບັນຊາການທະຫານນະຄອນຫຼວງວຽງຈັນ ຄົບຮອບ 50 ປີ ໃຫ້ມີຄວາມພ້ອມໃນທຸກດ້ານ ແລະ ເປັນຂະບວນຟົດຟື້້ນ ເພື່ອເປັນການຫວນຄືນ ໃຫ້ພະນັກງານ-ນັກຮົບ ຮັບຮູ້ໄດ້ເຖິງມູນເຊື້ອການສ້າງຕັ້ງ,ກ ານເຕີບໃຫຍ່ຂະຫຍາຍຕົວຂອງກອງທັບປະຊາຊົນລາວ ແລະ ກອງບັນຊາການທະຫານນະຄອນຫຼວງວຽງຈັນ, ນໍ້າໃຈການຕໍ່ສູ້ອັນພິລະອາດຫານ ກໍຄືຜົນງານໄຊຊະນະ ຂອງກອງທັບປະຊາຊົນລາວໃນພາລະກິດປະຕິວັດຕໍ່ສູ້ປົດປ່ອຍຊາດ ກໍຄືໄລຍະປົກປັກຮັກສາ ແລະ ສ້າງສາພັດທະນາປະເທດຊາດ, ຖືເອົາໂອກາດການຈັດຕັ້ງສະເຫຼີມສະຫຼອງວັນດັ່ງກ່າວ ເປັນການທົບທວນຫວນຄືນ ແລະ ສ້າງຂະບວນການຮອບດ້ານ ໃນທົ່ວກອງທັບ ເວົ້າລວມ ເວົ້າສະເພາະ ກໍຄືທົ່ວກອງບັນຊາການທະຫານນະຄອນຫຼວງວຽງຈັນ ໃຫ້ເປັນຂະບວນຟົດຟື້ນຢ່າງແຂງແຮງ ພ້ອມທັງສືບຕໍ່ປະຕິບັດ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກໃຫ້ມີຜົນສໍາເລັດ, ປະກອບສ່ວນເຂົ້າໃນການຈັດຕັ້ງປະຕິບັດ ມະຕິກອງປະຊຸມໃຫຍ່ຄັ້ງທີ XI ຂອງພັກປະຊາຊົນປະຕິວັດລາວ,ມະຕິກອງປະຊຸມໃຫຍ່ຄັ້ງທີ VI ຂອງອົງຄະນະພັກກະຊວງປ້ອງກັນປະເທດ, ມະຕິກອງປະຊຸມໃຫຍ່ຄັ້ງທີ VIII ຂອງອົງຄະນະພັກນະຄອນຫຼວງວຽງຈັນ ແລະ ມະຕິກອງປະຊຸມໃຫຍ່ ຄັ້ງທີ VI ຂອງອົງຄະນະພັກກອງບັນຊາການທະຫານນະຄອນຫຼວງວຽງຈັນ ໃຫ້ປະກົດຜົນເປັນຈິງ, ຈາກນັ້ນໄດ້ຜ່ານຂໍ້ຕົກລົງແຕ່ງຕັ້ງຄະນະຮັບຜິດຊອບການຈັດຕັ້ງສະເຫຼີມສະຫຼອງໃນວັນດັ່ງກ່າວຕື່ມອີກ. ໃນໂອກາດນີ້ ຜູ້ເຂົ້າຮ່ວມກອງປະຊຸມກໍໄດ້ພ້ອມກັນປະກອບຄໍາຄິດຄໍາເຫັນໃສ່ແຜນການຢ່າງກົງໄປກົງມາ, ພ້ອມນັ້ນສະຫາຍປະທານກອງປະຊຸມກໍໄດ້ມີຄໍາເຫັນໂອ້ລົມເນັ້ນໝັກໃຫ້ແຕ່ລະພາກສ່ວນທີ່ເຂົ້າຮ່ວມຈົ່ງພ້ອມກັນນໍາເອົາເນື້້ອໃນຂອງແຜນການໃນຄັ້ງນີ້ ໄປຈັດຕັ້ງປະຕິບັດຢູ່ພາຍໃນກົມກອງຂອງຕົນໃຫ້ຖືກຕ້ອງ, ສອດຄ່ອງກັບສະພາບຄວາມເປັນຈິງ ເພື່ອແນໃສ່ເຮັດໃຫ້ກົມກອງຂອງຕົນມີຜົນງານອັນໃໝ່ ແລະ ເຮັດໃຫ້ວັນສໍາຄັນດັ່ງກ່າວມີຄວາມໝາຍຄວາມສໍາຄັນ ພ້ອມທັງເປັນຂະບວນຟົດຟື້ນຢ່າງແຂງແຮງ. ໂດຍ: ແສງດາລາ ໄຊຍະລາດ

news to day and hot news