POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 14 ກຸມພາ 2026

ຈະນຳເອົາມະຕິກອງປະຊຸມໃຫຍ່ ຄັ້ງທີ XII ໄປພັດທະນາ ແຂວງອຸດົມໄຊ ໃຫ້ກາຍເປັນໃຈກາງບັນດາແຂວງພາກເໜືອ
ເວລາອອກຂ່າວ: 2026-01-13 09:12:16 | ຜູ້ຂຽນ : admin3 | ຈຳນວນຄົນເຂົ້າຊົມ: 176 | ຄວາມນິຍົມ:

ສະຫາຍ ບຸນຄົງ ຫຼ້າຈຽມພອນ ກຳມະການສຳຮອງສູນກາງພັກ, ເລຂາຄະນະບໍລິຫານງານພັກ ແຂວງອຸດົມໄຊ ໄດ້ສະແດງທັດສະນະຕໍ່ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກປະຊາຊົນ ປະຕິວັດລາວ ໃນວັນທີ 7 ມັງກອນ 2026 ຜ່ານມາ ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ ກ່າວວ່າ: ກອງປະຊຸມໃຫຍ່ຄັ້ງນີ້ສຸດທີ່ມີຄວາມໝາຍສຳຄັນ ໃນນາມຕາງ ໜ້າອົງຄະນະພັກແຂວງອຸດົມໄຊຮູ້ສຶກພາກພູມໃຈເປັນຢ່າງຍິ່ງ ແລະ ເປັນກຽດຢ່າງສູງທີ່ເປັນຕົວ ແທນໃຫ້ປະຊາຊົນບັນດາເຜົ່າ, ສະມາຊິກພັກທົ່ວແຂວງເຂົ້າຮ່ວມ ເຊິ່ງໄດ້ເປັນເອກະພາບຕໍ່ກັບໂຄງການການເມືອງ, ຮ່າງລາຍງານການເມືອງ ແລະ ແຜນພັດທະນາເສດຖະກິດ-ສັງຄົມ ແລະ ເຫັນໄດ້ເຖິງຄວາມມຸ່ງຫວັງຂອງປວງຊົນລາວທັງຊາດທີ່ໃຫ້ຄວາມສຳຄັນຕໍ່ກອງປະຊຸມຄັ້ງນີ້. ພ້ອມນັ້ນ, ສະຫາຍ ບຸນຄົງ ຫຼ້າຈຽມພອນ ຍັງໄດ້ຍົກໃຫ້ເຫັນບາງບົດຮຽນການສົ່ງເສີມການລົງທຶນພາຍໃນ ແລະ ຕ່າງປະເທດຢູ່ແຂວງອຸດົມໄຊ ໂດຍອີງໃສ່ທີ່ຕັ້ງ, ຈຸດພິເສດ ແລະ ບັນດາທ່າ ແຮງຂອງແຂວງທີ່ເປັນໃຈກາງທາງຜ່ານເຊື່ອມຈອດ-ເຊື່ອມຕໍ່ຢູ່ເຂດພາກເໜືອຂອງລາວ ແລະ ສປ ຈີນ, ກອງປະຊຸມໃຫຍ່ຄັ້ງທີ IX ຂອງອົງຄະນະພັກແຂວງໄດ້ກຳນົດວິໄສທັດຍຸດທະສາດ ແລະ ແຜນການໃນການພັດທະນາແຂວງອຸດົມໄຊ 5 ປີ (2021-2025) ຕາມທິດ 4 ໃຈກາງຄື: ໃຈກາງທາງດ້ານປ້ອງກັນຊາດ-ປ້ອງກັນຄວາມສະຫງົບ, ໃຈກາງທາງດ້ານເສດຖະກິດ, ໃຈກາງທາງດ້ານວັດທະນະທຳ-ສັງຄົມ ແລະ ໃຈກາງການບໍລິ ການ, ການທ່ອງທ່ຽວ ໂດຍສະ ເພາະດ້ານເສດຖະກິດໄດ້ສຸມໃສ່ພັດທະນາຕາມ 4 ທ່າແຮງຫຼັກຄື: ພັດທະນາດ້ານກະສິກຳຕິດພັນກັບການປຸງແຕ່ງ ແລະ ສົ່ງອອກ, ພັດທະນາດ້ານອຸດສາຫະກຳປຸງແຕ່ງ ແລະ ພະລັງງານສະອາດ, ພັດທະນາດ້ານການບໍລິການ-ການທ່ອງທ່ຽວ ແລະ ພັດທະນາດ້ານການຂົນສົ່ງທາງບົກ ເຊື່ອມຕໍ່ເສັ້ນທາງລົດໄຟ ລາວ-ຈີນ. ພາຍຫຼັງສຳເລັດກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ ສປປ ລາວ ຕາງໜ້າຄະນະພັກແຂວງຈະນຳເອົາມະຕິກອງປະຊຸມໃຫຍ່ ຄັ້ງທີ XII ຂອງພັກ ນຳໄປຈັດຕັ້ງຜັນຂະຫຍາຍພັດທະນາແຂວງໃນ 5 ປີ ຕໍ່ໜ້າ 2026-2030 ໂດຍສະເພາະການລົງທຶນພາກເອກະຊົນພາຍໃນ ແລະ ຕ່າງປະເທດໃຫ້ໄດ້ປະມານ 9.000 ຕື້ກີບຂຶ້ນໄປ ກວມເອົາ 60% ຂອງການລົງ ທຶນລວມ ແລະ ວຽກງານດ້ານອື່ນໆ ທີ່ເປັນທ່າແຮງຂອງແຂວງ ເພື່ອສ້າງໃຫ້ແຂວງອຸດົມໄຊ ກາຍເປັນໃຈກາງຂອງບັນດາແຂວງພາກເໜືອ.

news to day and hot news