POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 14 ກຸມພາ 2026

ສ້າງເສດຖະກິດມະຫາພາກໃຫ້ຂະຫຍາຍຕົວຕໍ່ເນື່ອງ ແລະ ຍືນຍົງ
ເວລາອອກຂ່າວ: 2026-01-14 09:12:59 | ຜູ້ຂຽນ : admin3 | ຈຳນວນຄົນເຂົ້າຊົມ: 222 | ຄວາມນິຍົມ:

ໃນໄລຍະ 5 ປີຜ່ານມາ, ພາຍໃຕ້ການນຳພາ-ຊີ້ນຳຂອງກົມການເມືອງສູນກາງພັກ, ຄະນະບໍລິຫານງານສູນກາງພັກ, ກະຊວງການເງິນ ກໍຄືຂະແໜງ ການຕ່າງໆທີ່ກ່ຽວຂ້ອງໄດ້ຕັດສິນໃຈສູງໃນການເລັ່ງແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ແລະ ຟື້ນຟູເສດຖະກິດແຫ່ງຊາດ ຫຼັງຜົນກະທົບຈາກ ການລະບາດພະຍາດໂຄວິດ-19 ພ້ອມທັງຜັນຂະຫຍາຍມະຕິ 04/ກມສພ ວ່າດ້ວຍການສ້າງເສດຖະກິດເອກະລາດ ເປັນເຈົ້າຕົນເອງ (ສອຈ) ໃນໄລຍະໃໝ່ ໄດ້ສ້າງເງື່ອນໄຂໃຫ້ເສດຖະກິດມີການຂະຫຍາຍຕົວຢ່າງຕໍ່ເນື່ອງ (ສະເລ່ຍ 4,2% ຕໍ່ປີ), ຄວາມບອບບາງດ້ານເສດຖະກິດມະຫາພາກໄດ້ຮັບການແກ້ໄຂເປັນກ້າວໆ ເປັນຕົ້ນອັດຕາເງິນເຟີ້ຫຼຸດລົງຢູ່ໃນລະດັບ 1 ໂຕເລກ (ເດືອນພະຈິກ 2025 ຢູ່ໃນລະດັບ 4,8%), ອັດຕາແລກປ່ຽນມີສະຖຽນລະພາບ, ສຳລັບຂະແໜງການເງິນ, ສາມາດຂະຫຍາຍຖານລາຍຮັບງົບປະມານເພີ່ມຂຶ້ນຢ່າງພົ້ນເດັ່ນ (ຈາກລະດັບ 15,1% ໃນປີ 2021 ມາເປັນປະມານ 20% ຂອງ GDP ໃນປີ 2025) ແລະ ປະຕິບັດລາຍຮັບເກີນແຜນທຸກປີ. ພ້ອມກັນນັ້ນ, ໄດ້ເຂັ້ມງວດປະຕິບັດລາຍຈ່າຍຕາມທິດປະຢັດ ແລະ ມີປະສິດທິຜົນ ເຮັດໃຫ້ສະພາບການຂາດດຸນງົບປະມານກ້າວໄປສູ່ການສົມດຸນ ແລະ ເກີນດຸນທີ່ຕັ້ງໜ້າກວ່າເກົ່າ. ພ້ອມນີ້, ສາມາດຊຳລະໜີ້ສິນໃຫ້ຫຼຸດລົງເທື່ອລະກ້າວ, ຍົກລະດັບຄວາມໜ້າເຊື່ອຖືດີຂຶ້ນ ເຮັດໃຫ້ໜີ້ສິນຢູ່ໃນລະດັບຄຸ້ມຄອງໄດ້ (ຫຼຸດຈາກ 112% ໃນປີ 2022 ມາເປັນ 88% ຂອງ GDP ໃນປີ 2025). ສະຫາຍ ສັນຕິພາບ ພົມວິຫານ ກຳມະການສູນກາງພັກ, ລັດຖະມົນຕີກະຊວງການເງິນໄດ້ປະກອບຄຳເຫັນໃນຫົວຂໍ້: “ສ້າງເສດຖະກິດມະຫາພາກໃຫ້ຂະຫຍາຍຕົວຕໍ່ເນື່ອງ ແລະ ຍືນຍົງ” ຕໍ່ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກເມື່ອບໍ່ດົນມານີ້ວ່າ: ເຖິງວ່າມີຜົນສຳເລັດຫຼາຍດ້ານ, ແຕ່ກໍຍັງມີຂໍ້ຄົງຄ້າງ-ສິ່ງທ້າທາຍຈຳນວນໜຶ່ງ ທີ່ສາມາດຖອດຖອນເປັນບົດຮຽນ ເພື່ອສ້າງຄວາມເຂັ້ມແຂງເສດຖະກິດມະຫາພາກໃນຕໍ່ໜ້າຄື: ການຂະຫຍາຍຕົວເສດຖະກິດທີ່ຕໍ່ເນື່ອງ ແລະ ຍືນຍົງ ໂດຍນຳໃຊ້ຂະແໜງເສດຖະກິດທີ່ມີທ່າແຮງບົ່ມຊ້ອນ ໄປຄຽງຄູ່ກັບການຄຸ້ມຄອງທີ່ມີປະສິດທິຜົນ ແລະ ເຂັ້ມງວດ ປະຕິບັດນິຕິກຳທີ່ກ່ຽວຂ້ອງຕາມທິດ ສອຈ, ມີການດຶງດູດການລົງທຶນທີ່ມີຄຸນນະພາບ ແລະ ນຳໃຊ້ວິທະຍາສາດເຕັກໂນໂລຊີ ເພື່ອຊຸກຍູ້ການຜະລິດ ແລະ ບໍລິການພາຍໃນໃຫ້ເຂັ້ມແຂງ, ການປັບປຸງນິຕິກຳ, ກົນໄກ ແລະ ເຄື່ອງມືການຄຸ້ມຄອງວຽກງານການເງິນ-ເງິນຕາ ທີ່ເຂັ້ມງວດ ແລະ ທັນສະໄໝ ແມ່ນປັດໄຈຍົກສູງການຄຸ້ມຄອງເສດ ຖະກິດມະຫາພາກທີ່ມີປະສິດທິຜົນ, ຕ້ອງເປັນເຈົ້າໃນການຜັນຂະຫຍາຍມະຕິ, ຄຳສັ່ງຂອງສູນກາງພັກ-ລັດຖະບານໃຫ້ເປັນແຜນງານ ແລະ ໂຄງການໃນແຕ່ ລະດ້ານຢ່າງເປັນຮູບປະທຳ, ປັບປຸງກົນໄກການປະສານງານ, ເຮັດວຽກຮ່ວມກັນຢ່າງແທ້ຈິງ, ມີການນຳໃຊ້ລະບົບສະຖິຕິ ແລະ ລະບົບທັນສະໄໝໃນການຕິດຕາມ ແລະ ຄຸ້ມຄອງໃນແຕ່ລະວຽກງານ. ສະນັ້ນ, ເພື່ອສ້າງເສດຖະກິດມະຫາພາກໃຫ້ຂະຫຍາຍຕົວຢ່າງຕໍ່ເນື່ອງ ແລະ ຍືນຍົງ. ຮຽກຮ້ອງໃຫ້ສືບຕໍ່ສ້າງການຫັນປ່ຽນໃໝ່ຢ່າງຕັ້ງໜ້າຕາມທິດ ສອຈ, ຈະໄດ້ສຸມໃສ່ສ້າງການຂະຫຍາຍຕົວເສດຖະກິດຮູບແບບໃໝ່ທີ່ຕັ້ງໜ້າກວ່າເກົ່າ ໂດຍເລັ່ງປັບປຸງກຳລັງແຮງງານໃຫ້ມີຄຸນນະພາບສູງ, ສົ່ງເສີມການນຳໃຊ້ເຕັກໂນໂລຊີ ແລະ ການຫັນເປັນດີຈີຕອນ ເພື່ອຍົກປະສິດທິພາບຖານການຜະລິດ ແລະ ບໍລິການພາຍໃນໃຫ້ສູງຂຶ້ນ, ເພີ່ມທະວີການລະດົມທຸກແຫຼ່ງກຳລັງຈາກພາກສ່ວນເສດຖະກິດ ໂດຍສຸມໃສ່ການພັດທະນາເສດຖະກິດພາກເອກະຊົນທີ່ເຂັ້ມແຂງຕາມທິດ ສອຈ, ຫັນເຂົ້າສູ່ລະບົບທາງການ, ສ້າງສະພາບແວດລ້ອມ ແລະ ສິ່ງອຳນວຍຄວາມສະດວກການລົງທຶນທີ່ດີຕາມທິດເລືອກເຟັ້ນ, ຄຸນນະພາບ ແລະ ຍືນຍົງ, ເລັ່ງປັບປຸງລັດວິສາຫະກິດທີ່ສຳຄັນໃຫ້ສາມາດເຄື່ອນໄຫວມີຜົນກຳໄລ ແລະ ປະກອບສ່ວນຕໍ່ງົບປະມານລັດ, ເລັ່ງຂະຫຍາຍຖານລາຍຮັບງົບປະມານ ໂດຍການຄົ້ນຄວ້າເພີ່ມອັດຕາພາສີ-ອາກອນຈຳນວນໜຶ່ງທີ່ເປັນທ່າ ແຮງ ແລະ ຊຸກຍູ້ໃຫ້ມີການປຸງແຕ່ງວັດຖຸດິບພາຍໃນ, ຂະຫຍາຍຖານລາຍຮັບໃຫ້ເຂົ້າສູ່ລວງເລິກ, ເລັ່ງຫັນຫົວໜ່ວຍວິສາຫະກິດທັງໝົດໃຫ້ເຂົ້າສູ່ລະບົບອາກອນມູນຄ່າເພີ່ມ, ຢຸດຕິການຍົກເວັ້ນ ແລະ ເຂັ້ມງວດຕໍ່ການຫຼຸດຜ່ອນພາສີ-ອາກອນທີ່ນອກເໜືອກົດໝາຍກຳນົດ, ສືບຕໍ່ປັບປຸງປະສິດທິຜົນດ້ານລາຍຈ່າຍງົບປະມານ ໂດຍການປັບປຸງນິຕິກຳທີ່ກ່ຽວຂ້ອງຈຳນວນໜຶ່ງ, ປັບປຸງການຕິດຕາມ ແລະ ປະເມີນປະສິດທິຜົນດ້ານລາຍຈ່າຍ ໂດຍອີງໃສ່ຜົນໄດ້ຮັບຕົວຈິງຕໍ່ເສດຖະກິດ, ເພີ່ມງົບປະມານໃຫ້ໂຄງການດ້ານຊັບພະຍາກອນມະນຸດ ແລະ ການແກ້ໄຂຄວາມທຸກຍາກໃຫ້ຫຼາຍຂຶ້ນ, ເພີ່ມທະວີການຄຸ້ມຄອງ ແລະ ແກ້ໄຂໜີ້ສິນຢ່າງມີແຜນການ ຈຸດສຸມ ແລະ ມີປະສິດທິຜົນ, ເຂັ້ມງວດປະຕິບັດວິໄນແຜນການ ແລະ ການ ເງິນແຕ່ຂັ້ນສູນກາງຮອດທ້ອງຖິ່ນ, ສືບຕໍ່ເລັ່ງການຫັນເປັນທັນສະໄໝໃນຂະແໜງການເງິນ, ສ້າງຖານຂໍ້ມູນ ແລະ ເຊື່ອມຕໍ່ລະບົບເຂົ້າກັບທຸກຂະແໜງການທີ່ ມີລາຍຮັບ-ລາຍຈ່າຍໃຫ້ທົ່ວເຖິງແລະ ວ່ອງໄວ, ຍົກລະດັບລະບົບຂໍ້ມູນສະຖິຕິເປັນທັນສະໄໝ, ສືບຕໍ່ປັບປຸງນະໂຍບາຍ ແລະ ກົນໄກດ້ານເງິນຕາໃຫ້ສອດຄ່ອງ, ຄຸ້ມຄອງຕະຫຼາດເງິນຕາໃຫ້ເຂົ້າສູ່ລະບົບ, ຮັດກຸມ ແລະ ເຂັ້ມງວດ, ຄຸ້ມຄອງກະແສໄຫຼເຂົ້າ-ອອກຂອງເງິນຕາຕ່າງປະເທດ, ເພີ່ມທະວີການສ້າງເຄື່ອງມື ແລະ ມາດຖານໃນການຄຸ້ມຄອງລະບົບທະນາຄານທຸລະກິດ, ສ້າງຄວາມເຂັ້ມແຂງ ແລະ ຂະຫຍາຍໂຄງການສິນເຊື່ອ ເພື່ອຊຸກຍູ້ຂະແໜງການຜະລິດ ແລະ ບໍລິການພາຍໃນທີ່ເປັນບຸລິມະສິດ. ໂດຍ: ສົມພອນ

news to day and hot news