POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 08 ກຸມພາ 2026

ກອງພັນໃຫຍ່ 301 ປາຖະກະຖາວັນສ້າງຕັ້ງກອງທັບປະຊາຊົນລາວ ຄົບຮອບ 77 ປີ
ເວລາອອກຂ່າວ: 2026-01-15 08:37:07 | ຜູ້ຂຽນ : admin1 | ຈຳນວນຄົນເຂົ້າຊົມ: 201 | ຄວາມນິຍົມ:

ໃນວັນທີ 13 ມັງກອນ 2026 ນີ້, ກອງພັນໃຫຍ່ 301 ທີຂຶ້ນກັບກອງພົນທີ 3 ໄດ້ຈັດພິທີປາຖະກະຖາວັນສ້າງຕັ້ງກອງທັບປະຊາຊົນລາວ ຄົບຮອບ 77 ປີ, ໂດຍການເປັນປະທານ ແລະ ປາຖະກະຖາ ຂອງ ສະຫາຍ ພັນໂທ ບຸນໄຊ ເພັງສຸວັນ ຫົວໜ້າການທະຫານກອງພັນໃຫຍ່ 301, ມີຄະນະພັກ-ຄະນະບັນຊາ 5 ພະແນກການ, ກົມກອງ ຕະຫຼອດຮອດພະນັກງານ ຫຼັກແຫຼ່ງ ທົ່ວກອງພັນໃຫຍ່ເຂົ້າຮ່ວມ. ໃນໂອກາດນີ້ ສະຫາຍ ພັນໂທ ບຸນໄຊ ເພັງສຸວັນ ຫົວໜ້າການທະຫານກອງພັນໃຫຍ່ 301, ໄດ້ຂຶ້ນປາຖະກະຖາ ຫວນຄືນມູນເຊື້ອການກຳເນີດເຕີບໃຫຍ່ຂະຫຍາຍຕົວຂອງກອງທັບປະຊາຊົນລາວ ຕະຫຼອດໄລຍະ 77 ປີ ທີ່ຜ່ານມາ ,ກອງທັບລາວອິດສະຫຼະໄດ້ຮັບການສ້າງຕັ້ງຂຶ້ນຢູ່ເຂດທີ່ໝັ້ນຕາແສງລາວຮຸງພຽງສາໂດຍແມ່ນ ປະທ່ານ ໄກສອນ ພົມວິຫານ ເປັນຜູ້ບັນຊາໂດຍກົງ. ການກຳເນີດເກີດຂຶ້ນຂອງກອງທັບປະຊາຊົນລາວນີ້, ໄດ້ເປັນຂີດໝາຍທາງປະຫວັດສາດໃນການເຕົ້າໂຮມປັບປຸງບັນດາກຳລັງພາກຕ່າງໆ,ຢູ່ພາຍໃນປະເທດໃຫ້ເປັນເອກະພາບສືບຕໍ່ຂະຫຍາຍກຳລັງ, ຈັດຕັ້ງສູ້ຮົບ ພາຍໃຕ້ການນຳພາຂອງພັກປະຊາຊົນປະຕິວັດລາວ ກອງທັບລາວອິດສະຫຼະ ຕໍ່ມາໄດ້ປຽນຊື່ເປັນ ກອງທັບປະຊາຊົນລາວທີ່ໄດ້ເກີດຂຶ້ນ ແລະ ເຕີບໃຫຍ່ຂະຫຍາຍຕົວຈາກການຕໍ່ສູ້ຂອງປະຊາຊົນລາວບັນດາເຜົ່າ, ຍ້ອນການຮຸກຮານຂອງອິດທິພວກລ່າເມືອງຂຶ້ນແບບເກົ່າ ແລະ ແບບໃໝ່, ໄດ້ເສີມສ້າງມະນາຈິດໃຫ້ປະຊາຊົນບັນດາເຜົ່າໃຫ້ມີນ້ຳໃຈຮັກຊາດ ແລະ ຮັກລະບອບໃໝ່ໃຫ້ສູງສົ່ງ, ສືບທອດມູນເຊື້ອອັນອົງອາດກ້າແກ່ນ,ຈາກບັນພະບູລຸດຂອງເຊື້ອຊາດລາວບັນດາເຜົ່າຕ່າງໆ, ບວກກັບການນຳພາອັນປີຊາ ສາມາດຂອງພັກເຮົາ ຫຼັງຈາກໄດ້ຮັບການສ້າງຕັ້ງຂຶ້ນພ້ອມປະເຊີນໜ້າກັບສັດຕູທີ່ມີກຳລັງທາງດ້ານເສດຖະກິດ, ກຳລັງພົນ, ອາວຸດຍຸດໂທປະກອນ ເໜືອກວ່າ ແລະ ແຂງແຮງກວ່າຫຼາຍເທົ່າ ດ້ວຍນ້ຳໃຈຮັກຊາດອັນສູງສົງ ແລະ ການສືບທອດມູນເຊື້ອອັນອົງອາດກ້າຫານ ຂອງບັນພະບູລຸດແຫ່ງເຊື້ອຊາດລາວຊົນເຜົ່າຕ່າງໆ, ບວກກັບການນຳພາອັນປິຊາສາມາດຂອງພັກເຮົາທີ່ໄດ້ເຄື່ອນໄຫວສູ້ຮົບຢ່າງອົງອາດກ້າຫານເດັດດ່ຽວ ຍິ່ງຕີກໍ່ຍິ່ງໄດ້ຮັບໄຊຊະນະຕະຫຼອດມາ ແລະ ໄດ້ຜ່ານພາອຸປະສັກນາໆປະການ, ເຮັດສຳເລັດພາລະກຳປະຫວັດສາດທີ່ພັກ ແລະ ປະຊາຊົນມອບໝາຍໃຫ້,ຈົນສາມາດປົດປ່ອຍປະເທດຊາດໄດ້ຢ່າງສົມບູນ. ພ້ອມນັ້ນ ສະຫາຍ ຍັງໄດ້ເໜັ້ນໜັ້ກໃຫ້ພະນັກງານ - ນັກຮົບ ພາຍໃນກົມກອງ ຈົ່ງພ້ອມກັນເສີມຂະຫຍາຍມູນເຊື້ອຮັກຊາດ,ຮັກປະຊາຊົນ ຮູ້ຈຳແນກມິດສັດຕູ, ຍົກສູງນ້ຳໃຈຮັກຊາດ, ຈົ່ງຮັກພັກດີຕໍ່ປະເທດຊາດ, ຕໍ່ພັກໃຫ້ສູງຂຶ້ນ ແລະ ເຮັດທຸກສິ່ງທຸກຢ່າງເພື່ອຜົນປະໂຫຍດ ຂອງປະເທດຊາດດ້ວຍຄວາມບໍລິສຸດໃຈ. ພາບ: ຄຳນ້ອຍ ຂ່າວ: ຈອມແສງ

news to day and hot news