POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 15 ກຸມພາ 2026

1 ປີຜ່ານມາ ຫ້ອງການເມືອງ ກອງພົນທີ 3 ຍາດໄດ້ຜົນງານຫຼາຍດ້ານ
ເວລາອອກຂ່າວ: 2026-01-15 08:54:05 | ຜູ້ຂຽນ : admin1 | ຈຳນວນຄົນເຂົ້າຊົມ: 211 | ຄວາມນິຍົມ:

ສະຫາຍ ພັນເອກ ຄຳຕັນ ແສງມາລາພອນ ຫົວໜ້າຫ້ອງການເມືອງ ກອງພົນທີ 3 ໃຫ້ຮູ້ວ່າ: ໃນໄລຍະຜ່ານມາ ໄດ້ເອົາໃຈໃສ່ຊີ້ນຳ-ນຳພາຂົງເຂດວຽກງານພັກ-ວຽກງານການເມືອງໃນການເປັນເສນາທິການໃຫ້ຄະນະພັກກອງພົນ ດ້ານວຽກງານສຶກສາອົບຮົມການເມືອງ-ນຳພາແນວຄິດ, ປັບປຸງກໍ່ສ້າງພັກ-ພະ ນັກງານ, ວຽກງານຍຸດຕິທຳ, ປະກັນສັງຄົມ-ນະໂຍບາຍ, ອົງການຈັດຕັ້ງມະຫາຊົນ ແລະ ອື່ນໆ ໂດຍປີ່ນອ້ອມຕາມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະ ຊວງປ້ອງກັນປະເທດວາງອອກ ເປັນຕົ້ນແມ່ນ ການຈັດຕັ້ງພະນັກ ງານລົງເຜີຍແຜ່ບັນດາເອກະສານມະຕິຕ່າງໆ ຂອງຂັ້ນເທິງຢູ່ແຕ່ລະກົມກອງ, ເພື່ອເຮັດໃຫ້ພະນັກງານ-ນັກຮົບໃນທົ່ວກອງພົນທີ 3 ຮັບຮູ້ເຂົ້າໃຈເຊື່ອມຊຶມຕໍ່ແນວທາງນະໂຍບາຍຂອງພັກ, ຫັນລົງກໍ່ສ້າງຮາກຖານການ ເມືອງໃນຂອບເຂດກົມກອງຮັບຜິດຊອບ ໃນນີ້, ຄະນະພັກຫ້ອງການເມືອງ ຍັງໄດ້ຊີ້ນຳກອງຮ້ອຍປະຕິບັດງານ 205 ເຊິ່ງເຮັດໜ້າທີ່ກໍ່ສ້າງຮາກຖານການເມືອງຢູ່ກຸ່ມບ້ານທົ່ງກາບ ເມືອງຊຽງຮອນ ແຂວງໄຊຍະບູລີ ຕາມການມອບໝາຍຂອງຂັ້ນເທິງ. ວຽກງານກໍ່ສ້າງພັກ ໄດ້ຂະຫຍາຍມະຫາຊົນຜູ້ກ່າວໜ້າເຂົ້າເປັນສະມາຊິກພັກ 3 ສະຫາຍ ແລະ ເລື່ອນສຳຮອງຂຶ້ນສົມບູນ 3 ສະຫາຍ, ວຽກງານພະນັກງານ ໄດ້ຮັບການເລື່ອນ ຊັ້ນທັງໝົດ 29 ສະຫາຍ, ສັບ ຊ້ອນປັບປຸງການຈັດຕັ້ງບາງຂະ ແໜງການ, ສະເໜີປະດັບທຽບຊັ້ນໃຫ້ນັກຮົບທີ່ຮຽນຈົບສາຍລັດ 7 ສະຫາຍ, ເຂົ້າພັກການຮັບບຳນານ 3 ສະຫາຍ, ປິ່ວປົວ ຍາວນານ 2 ສະຫາຍ, ວຽກງານ ການປັບປຸງກໍ່ສ້າງກົມກອງ ແລະ ປູກຝັງ-ລ້ຽງສັດ ເພື່ອແກ້ໄຂ ຊີວິດການເປັນຢູ່ປັດຈຸບັນທົ່ວຫ້ອງການເມືອງ ມີເປັດ-ໄກ່ 210 ໂຕ, ມີໜອງປາ 8 ໜອງ ປ່ອຍປາຈຳນວນ 13.000 ໂຕ ໃນນີ້ອັນຜົນເດັ່ນ ແມ່ນການປະຕິບັດຂໍ້ກຳນົດ, ກົດລະບຽບວ່າດ້ວຍ 7 ລະບອບ 18 ວຽກຢ່າງເຂັ້ມງວດ; ນອກນີ້ ກໍຍັງໄດ້ຖືເອົາວຽກງານໂຄສະນາເປັນບັນຫາສຳຄັນເປັນກະບອກສຽງໃຫ້ແກ່ຄະນະພັກ ກອງພົນທີ 3 ເປັນຕົ້ນແມ່ນການໂຄສະນາແນວທາງແຜນນະໂຍບາຍຂອງພັກ-ລັດ, ລົງເກັບກຳບັນດາຂໍ້ມູນຂ່າວສານ, ຂຽນຂ່າວ-ບົດວຽກດີຄົນເດັ່ນ ຢູ່ບັນດາກົມກອງ, ສົ່ງໃຫ້ກອງວິທະຍຸກະຈາຍສຽງກອງທັບ-ໂທລະພາບກອງທັບ ແລະ ໜັງສືພິມກອງທັບ, ຈັດຕັ້ງລະບົບໂທລະໂຄ່ງອ່ານຂ່າວ, ຖ່າຍທອດວິທະຍຸພາກຂ່າວກອງທັບຢ່າງເປັນປົກກະຕິ ເພື່ອເຮັດໃຫ້ພະນັກງານ-ນັກຮົບ ໃນເຂດອົງການ, ກົມກອງໄດ້ຮັບຮູ້ຂ່າວສານການເຄື່ອນໄຫວຂອງກົມກອງຕະຫຼອດເວລາ. ສະຫາຍ ພັນເອກ ຄຳຕັນ ແສງມາລາພອນ ຍັງໃຫ້ຮູ້ຕື່ມອີກວ່າ: ໃນຕໍ່ໜ້າແມ່ນຈະໄດ້ຊີ້ນຳພະນັກງານ-ນັກຮົບທົ່ວຫ້ອງການເມືອງ ຍົກສູງຄວາມຮັບຜິດຊອບ ຕໍ່ໜ້າທີ່ການເມືອງຂອງຕົນ, ເພີ່ມທະວີຄວາມສາ ມັກຄີພາຍໃນໃຫ້ໜັກແໜ້ນ, ປະ ຕິບັດຫຼັກການລວມສູນປະຊາ ທິປະໄຕ, ມີຄວາມເປັນເອກະພາບໃນໝູ່ຄະນະ, ແບ່ງວຽກໃຫ້ບຸກຄົນຮັບຜິດຊອບ, ຕັ້ງໜ້າເຝິກຝົນຫຼໍ່ຫຼອມຕົນເອງ, ປະຕິບັດຂໍ້ກຳນົດກົດລະບຽບຂອງກອງ ທັບວາງອອກຢ່າງເຂັ້ມງວດ, ຕັ້ງໜ້າອອກແຮງ ປັບປຸບກໍ່ສ້າງກົມກອງ ໃຫ້ກາຍເປັນກົມກອງທີ່ມີແບບແຜນທັນສະໄໝຂຶ້ນເທື່ອລະກ້າວ. ໂດຍ: ທອງເລື່ອນ, ຄຳຜຸຍ

news to day and hot news