ວັນອາທິດ, ວັນທີ 15 ກຸມພາ 2026
ມອບ-ຮັບໜ້າທີ່ຫົວໜ້າການເມືອງ ຫົວໜ້າການທະຫານກອງພັນ 407
ເວລາອອກຂ່າວ: 2026-01-16 08:50:24 | ຜູ້ຂຽນ : admin1 | ຈຳນວນຄົນເຂົ້າຊົມ: 249 | ຄວາມນິຍົມ: 
ວັນທີ 12 ທັນວາ 2026 ນີ້, ກອງພັນ 407 ກອງພົນທີ 3 ໄດ້ຈັດພິທີມອບ-ຮັບໜ້າທີ່ລະຫວ່າງຜູ້ເກົ່າ ແລະ ຜູ້ໃໝ່, ໂດຍການເປັນປະທານຂອງ ສະຫາຍ ພັນເອກ ຄຳຕັນ ແສງມາລາພອນ ຫົວໜ້າຫ້ອງການເມືອງ ກອງພົນທີ 3, ມີພະແນກການທີ່ກ່ຽວຂ້ອງ ແລະ ພະນັກງານຫຼັກແຫຼ່ງພາຍໃນກອງພັນ 407 ເຂົ້າຮ່ວມ.
ໃນພິທີ ສະຫາຍ ພັນໂທ ພອນພະຈັນ ບົວທະວິນ ຫົວໜ້າ ການເມືອງກອງພັນ 407 (ຜູ້ເກົ່າ) ໄດ້ລາຍງານການເຄື່ອນ ໄຫວຈັດຕັ້ງປະຕິບັດໜ້າທີ່ວຽກ ງານໃນຂົງເຂດຄວາມຮັບຜິດ ຊອບໃນໄລຍະຜ່ານມາ ໂດຍຫຍໍ້ຜ່ານການຊີ້ນຳ-ນຳພາ ແລະ ຈັດຕັ້ງປະຕິບັດໜ້າທີ່ວຽກງານຕະຫຼອດໄລຍະຜ່ານມາ, ເປັນຕົ້ນແມ່ນການປະຕິບັດຂໍ້ກຳນົດກົດ ລະບຽບຂອງກອງທັບ, ການ ເຝິກແອບຮ່ຳຮຽນ, ການປັບປຸງກໍ່ສ້າງກົມກອງ, ການປັບປຸງກໍ່ ສ້າງກຳລັງ, ການປັບປຸງກໍ່ສ້າງພັກ-ພະນັກງານໃຫ້ມີຄຸນທາດການເມືອງໜັກແໜ້ນ, ມີຄວາມຈົງຮັກພັກດີຕໍ່ພັກຕໍ່ປະເທດຊາດ, ມີຄວາມອຸ່ນອຽນທຸ່ນທ່ຽງ, ມີຄວາມຮັບຜິດຊອບຕໍ່ໜ້າທີ່ການ ເມືອງ, ການເພີ່ມພູນຜະລິດ ຜົນແກ້ໄຂຊີວິດການເປັນຢູ່ຂອງກົມກອງຕະຫຼອດໄລຍະຜ່ານມາ ໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວ່າງອອກ. ຈາກນັ້ນກໍໄດ້ລົງນາມເຊັນບົດບັນທຶກການມອບ-ຮັບໜ້າທີ່ ລະຫວ່າງ ສະຫາຍ ພັນໂທ ພອນພະຈັນ ບົວທະວິນ ຫົວໜ້າການເມືອງ ກອງພັນ 407 (ຜູ້ເກົ່າ) ມອບໃຫ້ ສະຫາຍ ພັນໂທ ຈັນທະວົງ ໄພວັນທອນ ຫົວໜ້າການເມືອງ ກອງພັນ 407 (ຜູ້ໃໝ່) ແລະ ສະຫາຍ ພັນໂທ ອ້ວນ ທຳມະອິນທາ ຫົວໜ້າການທະຫານກອງພັນ 407 (ຜູ້ເກົ່າ) ມອບໃຫ້ ສະຫາຍ ພັນໂທ ສົມລິດ ສຸກວິໄລ ຫົວໜ້າຫານການທະ ຫານ ກອງພັນ 407( ຜູ້ໃໝ່).
ໂດຍ: ຄຳຜຸຍ ສີວິໄລ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
