POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 08 ກຸມພາ 2026

ຈັດກິດຈະກຳແຂ່ງຂັນຍິງລູກປືນແທ້ ມິດຕະພາບ ລະຫວ່າງ ໂຮງຮຽນກໍ່ສ້າງນາຍສິບ ເລກ 1 ກັບ ບັນດາເມືອງ ແລະ ນັກທຸລະກິດອ້ອມຂ້າງ
ເວລາອອກຂ່າວ: 2026-01-19 12:19:30 | ຜູ້ຂຽນ : admin2 | ຈຳນວນຄົນເຂົ້າຊົມ: 191 | ຄວາມນິຍົມ:

ເນື່ອງໃນໂອກາດຕ້ອນຮັບວັນສ້າງຕັ້ງກອງທັບປະຊາຊົນລາວ ຄົບຮອບ 77 ປີ ທີ່ໃກ້ຈະມາເຖິງນີ້ໃຫ້ເຕັມໄປດ້ວຍຄວາມໝາຍ ແລະ ບັນຍາກາດເບີກບານມວ່ນຊື່ນ. ມາໃນວັນທີ 15 ມັງກອນ 2026 ນີ້, ໂຮງຮຽນກໍ່ສ້າງນາຍສິບ ເລກ 1 ໄດ້ຈັດກິດຈະກໍາແຂ່ງຂັນຍິງລູກປືນແທ້ຂຶ້ນ ໂດຍການເປັນປະທານຂອງສະຫາຍ ພັນເອກ ພົງສຸລິຍາ ເພັງຄູນ ຫົວໜ້າການທະຫານໂຮງຮຽນກໍ່ສ້າງນາຍສິບເລກ1, ມີສະຫາຍ ພົນຈັດຕະວາ ສີລາວົງ ບຸນມີໄຊ ຫົວໜ້າການເມືອງໂຮງຮຽນກໍ່ສ້າງນາຍສິບເລກ1, ສະຫາຍ ສົມຫັວງ ພອນຄຳວົງສາ ຄະນະບໍລິຫານງານພັກ ເມືອງນ້ຳບາກ, ສະຫາຍ ສົມສະນິດ ແກ່ນມະນີ ປະທານຄະນະກຳມະການປົກຄອງ ເມືອງງອຍ, ມີນັກທຸລະກິດ, ພະນັກງານການນຳຂັ້ນໂຮງຮຽນ, ທີມງານຂອງແຕ່ລະຄະນະ ແລະ ພາກສ່ວນຮັບຜິດຊອບເຂົ້າຮ່ວມ. ກ່ອນການແຂ່ງຂັນຍິງລູກປືນແທ້, ຄະນະຮັບຜິດຊອບພາກສວນສະໜາມໄດ້ອະທິບາຍກ່ຽວກັບວິທີບາດກ້າວ, ຂັ້ນຕອນຕ່າງໆຂອງການຍິງປືນໃຫ້ແຕ່ລະສະຫາຍນັກກິລາໄດ້ຮັບຮູ້ ເພື່ອເຮັດໃຫ້ການແຂ່ງ ຂັນມີຜົນສຳເລັດສູງ ແລະ ຮັບປະກັນຄວາມປອດໄພ 100%, ໃນນີ້ມີຜູ້ເຂົ້າຮ່ວມແຂ່ງຂັນທັງໝົດ 60 ສະ ຫາຍ, ແບ່ງອອກເປັນ 12 ທີມ, ມີ 2 ປະເພດປືນຍິງຄື: ປືນ AKM ຍິງເປົ້າຈານ ໄລຍະ 100 ແມັດ, ປືນ K59 ຍິງເປົ້າເຈ້ຍ ໄລຍະ 25 ແມັດ. ຜ່ານການແຂ່ງຂັນຕົວຈິງເຫັນວ່າແຕ່ລະທີມກໍ່ໄດ້ເອົາໃຈໃສ່ປະຕິບັດລະບຽບຂອງການແຂ່ງຂັນໄດ້ດີ, ເຂົ້າຮ່ວມຢ່າງມີບັນຍາກາດ, ຮັກສາໄດ້ດ້ານຄວາມສາມັກຄີ ແລະ ດັບສູນເປົ້າໝາຍໄດ້ຕາມຈຸດປະສົງ. ສະແດງອອກຜົນຂອງການແຂ່ງຂັນປະເພດປືນ AKM ປະເພດ1 ໄດ້ແກ່ທີມຂອງຄະນະປົກຄອງເມືອງງອຍ, ປະເພດ2 ທີມຂອງຄະນະພັກ-ຄະນະອໍານວຍການໂຮງຮຽນກໍ່ສ້າງນາຍສິບເລກ1, ປະເພດ3 ທີມຂອງຄະນະບໍລິຫານງານພັກເມືອງນ້ຳບາກ, ປະເພດປືນ K59 ປະ ເພດ1ໄດ້ແກ່ ທີມຂອງຄະນະພັກ-ຄະນະອຳນວຍການໂຮງຮຽນກໍ່ສ້າງນາຍສິບເລກ1, ປະເພດ2 ທີມຄະນະບໍລິຫານງານພັກເມືອງນ້ຳບາກ ແລະ ປະເພດ3 ແມ່ນທີມນັກທຸລະກິດ. ໃນໂອກາດເຂົ້າຮ່ວມການແຂ່ງຂັນຍິງລູກປືນແທ້ໃນຄັ້ງນີ້ ສະຫາຍ ພົນຈັດຕະວາ ສີລາວົງ ບຸນມີໄຊ ຫົວໜ້າການເມືອງໂຮງຮຽນກໍ່ສ້າງນາຍສິບເລກ1 ກໍ່ໄດ້ສະແດງຄວາມຂອບໃຈມາຍັງທຸກພາກສ່ວນທີ່ໄດ້ເຂົ້າຮ່ວມແຂ່ງຂັນມິດຕະພາບໃນຄັ້ງນີ້ ແລະ ເປັນການຜູກແໜ້ນຄວາມສາມັກຄີ ບົນຈິດໃຈເພີ່ມພູນຄູນສ້າງ ແລະ ສົ່ງເສີມສາຍສໍາພັນໄມຕີຈິດມິດຕະພາບລະຫວ່າງໂຮງຮຽນກໍ່ສ້າງນາຍສິບເລກ1 ກັບຄະນະບໍລິງານພັກເມືອງນ້ຳບາກ, ຄະນະປົກ ຄອງເມືອງງອຍ ແລະ ນັກທຸລະກິດອ້ອມຂ້າງ ທີ່ເຫັນໄດ້ຄວາມສຳຄັນຂອງວັນດັ່ງກ່າວ ພ້ອມທັງອວຍພອນໃຫ້ທຸກສະຫາຍຈົ່ງມີພາລະນາໄມແຂງແຮງ ສຳເລັດທຸກໜ້າທີ່ການງານ ແລະ ດໍາເນີນທຸລະກິດຈະເລີນຮຸ່ງເຮືອງ, ພ້ອມກັນຮັກສາແໜ້ນຄວາມສາມັກຄີໃຫ້ແໜ້ນແຟ້ນ ດັ່ງຄຳສຸພາສິດທີວ່າ: ປະຊາຊົນປຽບດັ່ງປາກັບນ້ຳທີ່ແຍກອອກຈາກກັນບໍ່ໄດ້. ໂດຍ: ນ້ອຍຈັນໄພ ແກ້ວວັນເຮືອງ

news to day and hot news