POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 14 ກຸມພາ 2026

ກອງບັນຊາການທະຫານເມືອງໝື່ນ ແຮກສ່ຽວ ກັບ ອົງການປົກຄອງ ບ້ານ ນຳແພດ
ເວລາອອກຂ່າວ: 2026-01-19 12:52:26 | ຜູ້ຂຽນ : admin2 | ຈຳນວນຄົນເຂົ້າຊົມ: 686 | ຄວາມນິຍົມ:

ວັນທີ 14 ມັງກອນ 2026 ນີ້, ກອງບັນຊາການທະຫານເມືອງໝື່ນ ແຂວງວຽງຈັນ ໄດ້ຈັດພິທີແຮກສ່ຽວ ກັບ ອົງການປົກຄອງບ້ານ ນຳແພດ ເຊິ່ງເປັນບ້ານ ທີ 7 ຂອງເມືອງ ແລະ ເປັນບ້ານທີ 22ຂອງແຂວງວຽງຈັນ ໂດຍການເຂົ້າຮ່ວມເປັນປະທານຂອງສະຫາຍ ພົນຈັດຕະວາ ສຸດໃຈ ມະຫາວົງ ຫົວໜ້າການເມືອງກອງບັນຊາການທະຫານແຂວງວຽງຈັນ, ມີສະຫາຍ ບຸນເຕັງ ສໍວິໄລວົງ ເລຂາບໍລິຫານງານພັກເມືອງໝື່ນ, ມີຄະນະພັກ-ຄະນະບັນຊາ ກອງບັນຊາການທະຫານເມືອງໝື່ນ, ພະນັກງານ-ນັກຮົບ ຕະຫຼອດຮອດອົງການປົກຄອງບ້ານ, ພໍ່ແມ່ປະຊາຊົນພາຍໃນບ້ານ ນ້ຳແພດ ແລະ ແຂກຖືກເຊີນ ເຂົ້າຮ່ວມ. ສະຫາຍ ລັດຖະກອນ ວົງສອນ ນາຍບ້ານ ນ້ຳແພດ ໄດ້ລາຍງານປະຫວັດຄວາມເປັນມາຂອງບ້ານ ເມືອງໝື່ນເມື່ອກ່ອນເປັນເຂດພັດທະນາຈຸດສຸມນ້ຳຮອນ ຂຶ້ນກັບເມືອງເຟືອງແຂວງວຽງຈັນ, ມີ 508ຄອບຄົວ 517 ຫຼັງຄາເຮືອນ, 3 ຊົນເຜົ່າສາມັກຄີ ມີພົນລະເມືອງທັງໝົດ 3.103 ຄົນ, ຍິງ 1.537ຄົນ, ອາຊີບປະຊາຊົນແມ່ນປູກຝັງລ້ຽງສັດເປັນຕົ້ນ ແລະ ການຄ້າຂາຍເປັນອາຊີບສຳຮອງ. ຈາກນັ້ນ ສະຫາຍ ພັນໂທ ສົມໃຈ ຈັນມະນີ ຫົວໜ້າການເມືອງ ກອງບັນຊາການທະຫານເມືອງໝື່ນ ໄດ້ຜ່ານປະຫວັດຄວາມເປັນມາຂອງກົມກອງ ນັບແຕ່ມື້ສ້າງຕັ້ງກົມກອງໄດ້ຕໍ່ສູ້ຢ່າງລະອິດລະອ້ຽວ ຜ່ານຜ່າອຸປະສັກຫຍຸ້ງຍາກນາໆປະການ ຍອມເສຍສະຫຼະເພື່ອຊາດ ເພື່ອປະຊາຊົນ ກໍ່ຄືພໍ່ແມ່ພີ່ນ້ອງຊາວເມືອງໝື່ນ ທີ່ໄດ້ດຳລົງຊີວິດຢ່າງສະຫງົບປອດໄພ, ການທຳມາຫາກິນສະດວກສະບາຍ. ໃນພິທີຍັງໄດ້ຜ່ານຂໍ້ຕົກລົງຂອງກອງບັນຊາການທະຫານແຂວງວຽງຈັນ ແລະ ຂໍ້ຕົກລົງຂອງທ່ານເຈົ້າເມືອງ ເມືອງໝື່ນວ່າດ້ວຍອະນຸມັດໃຫ້ກອງບັນຊາການທະຫານ ເມືອງໝື່ນແຮກສ່ຽວກັບອົງການປົກຄອງບ້ານນ້ຳແພດ ແລະ ຜ່ານບົດສັນຍາແຮກສ່ຽວ, ຫວນຄືນມູນເຊື້ອຂອງກອງທັບປະຊາຊົນລາວ ແລະ ສືບຕໍ່ລົງກໍ່ສ້າງຮາກຖານການເມືອງເພື່ອພັດທະນາຊົນນະບົດຮອບດ້ານ, ແນ່ໃສ່ເຮັດໃຫ້ທ້ອງຖິ່ນມີຄວາມສະຫງົບ, ປອດໄພ, ພ້ອມກັນສະກັດກັ້ນໄດ້ບັນດາປະກົດການຫຍໍ້ທໍ້ຕ່າງໆ ທີ່ຈະເກີດຂຶ້ນ, ຮັບປະກັນສະຖຽນລະພາບທາງດ້ານການເມືອງ, ສ້າງເງື່ອນໄຂໃຫ້ແກ່ການພັດທະນາເສດຖະກິດ-ສັງຄົມໃນທົ່ວເມືອງ ມີການຂະຫຍາຍຕົວຢ່າງຕໍ່ເນື່ອງ. ຈາກນັ້ນ ທັງສອງຝ່າຍກໍ່ໄດ້ລົງນາມເຊັນບົດບັນທຶກສັນຍາແຮກສ່ຽວຢ່າງເປັນທາງການ ພ້ອມທັງຈັດພິທີບາສີສູ່ຂວັນຕາມຮີດຄອງປະເພນີ ອັນດີງາມອີກດ້ວຍ. ໂດຍ: ເລມ່ອນ ສຸວັນນະວົງ

news to day and hot news