ວັນພະຫັດ, ວັນທີ 12 ມີນາ 2026
ວຕກ ເຜີຍແຜ່ຜົນສຳເລັດ ກອງປະຊຸມຜູ້ແທນຊາວໜຸ່ມ ທົ່ວກອງທັບ ຄັ້ງທີ IX
ເວລາອອກຂ່າວ: 2026-02-06 09:51:42 | ຜູ້ຂຽນ : admin1 | ຈຳນວນຄົນເຂົ້າຊົມ: 168 | ຄວາມນິຍົມ: 
ທ້າຍເດືອນ ມັງກອນ 2026 ນີ້, ພະແນກຊາວໜຸ່ມ ວິທະຍາຄານເຕັກນິກການທະຫານ (ວຕກ) ໄດ້ຈັດຕັ້ງເຜີຍແຜ່ຜົນສຳເລັດ ກອງປະຊຸມຜູ້ແທນຊາວໜຸ່ມ ທົ່ວກອງທັບ ຄັ້ງທີ IX, ໂດຍການເປັນປະທານຂອງ ສະຫາຍ ພັນເອກ
ຄຳເຜີຍ ທຳມະນີວົງ ຮອງອຳນວຍການ, ຫົວໜ້າຫ້ອງການເມືອງ ວຕກ, ມີຄະຫ້ອງ, ຄະນະວິຊາ, ສູນເຝີກຫັດ-ທົດລອງ, ກອງພັນນັກສຶກສາ ແລະ ສະ
ມາຊິກຊາວໜຸ່ມ ເຂົ້າຮ່ວມ.
ສະຫາຍ ພັນໂທ ວຽງຄຳ ແສງສະຫວ່າງ ຫົວໜ້າພະແນກຊາວໜຸ່ມ ໄດ້ຜ່ານບົດລາຍງານການເມືອງ ຂອງກອງປະຊຸມຜູ້ແທນຊາວໜຸ່ມ ທົ່ວກອງທັບ ຄັ້ງທີ IX ເຊິ່ງໄດ້ຕີລາຄາສະພາບການຈັດຕັ້ງປະຕິບັດມະຕິກອງປະຊຸມຜູ້ແທນ ຂອງຊາວໜຸ່ມ ທົ່ວກອງທັບ ໃນໄລຍະ 5 ປີຜ່ານມາ ເຫັນໄດ້ຜົນງານໃນຫຼາຍດ້ານທີ
ພົ້ນເດັ່ນ ແລະ ຜົນສຳເລັດໃນວຽກງານຕ່າງໆໃນໄລຍະຜ່ານມາ ພ້ອມທັງ ຍົກໃຫ້ເຫັນດ້ານດີ, ດ້ານອ່ອນ, ຂໍ້ຄົງຄ້າງ, ສາເຫດ ແລະ ບົດຮຽນທີ່ຖອດຖອນໄດ້ ຕະຫຼອດການເຄື່ອນໄຫວວຽກງານຜ່ານມາ ແລະ ຍັງໄດ້ຜັນຂະຫຍາຍຄຳຂວັນ ຂອງຊາວໜຸ່ມກອງທັບ ວ່າ: “ ຊາວໜຸ່ມກອງທັບ ເດັດດ່ຽວ, ອາດຫານ, ນຳໜ້າ, ສາມັກຄີ, ມີວິໄນ ແລະ ປະດິດສ້າງ” ພ້ອມທັງ ເຜີຍແຜ່ບົດໂອລົມຂອງ ສະຫາຍ ພົນໂທ ສຈ ປອ ທອງລອຍ ສີລີວົງ ກຳມະການສູນກາງພັກ, ຮອງລັດທະມົນຕີ ກະຊວງປ້ອງກັນປະເທດ ແລະ ເຜີຍແຜ່ມະຕິກອງປະຊຸມຜູ້ແທນຊາວໜຸ່ມ ທົ່ວກອງທັບ ຄັ້ງທີ IX. ທັງນີ້ ກໍເພື່ອສ້າງຄວາມຮັບຮູ້, ເຂົ້າໃຈ, ເຊື່ອມຊຶມ, ກຳແໜ້ນ ຕໍ່ມະຕິກອງປະຊຸມຜູ້ແທນຊາວໜຸ່ມທົ່ວກອງທັບ ຄັ້ງທີ IX ແລະ ເຮັດໃຫ້ສະມະຊິກຊາວໜຸ່ມມີຄວາມສາມັກຄີກັນຢ່າງແໜ້ນແຟ້ນ ຮັກສາໄດ້ທາດແທ້, ມູນເຊື້ອປະຕິວັດ, ອຸ່ນອຽນ, ຫ້າວຫັ້ນຈັດຕັ້ງປະຕິບັດມະຕິຂອງພັກ, ຂອງຄະນະຊາວໜຸ່ມມີຜົນສຳເລັດຫຼາຍດ້ານເປັນພື້ນຖານ.
ໂອກາດນີ້, ສະຫາຍ ພັນເອກ ຄຳເຜີຍ ທຳມະນີວົງ ໄດ້ເນັ້ນໜັກໃຫ້ສະມາຊິກຊາວໜຸ່ມທຸກສະຫາຍ ຈົ່ງພ້ອມກັນຕັ້ງໜ້າເຝິກຝົນຫຼໍ່ຫຼອມຕົນເອງທາງດ້ານຄຸນສົມບັດສິນທຳປະຕິວັດ, ເອົາໃຈໃສ່ຄົ້ນຄວ້າຮ່ຳຮຽນຫັດແອບວິຊາສະເພາະ, ຍົກສູງຄຸນະພາບການເມືອງ, ຖືເອົາທິດສະດີເປັນພື້ນຖານສຳຄັນ, ເອົາການປະຕິບັດພຶດຕິກຳຕົວຈິງ, ເປັນໜ້າວຽກອັນລະອຽດ ເພື່ອນຳເອົາຄວາມຮູ້ຄວາມສາມາດມາພັດທະນາຕົນເອງ ແລະ ກົມກອງ.
ໂດຍ: ໄຂ່ຄຳ ພົມມະສານ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
