ວັນພະຫັດ, ວັນທີ 12 ມີນາ 2026
ສຸມໃສ່ເຮັດວຽກງານ ປກຊ-ປກສ ຮັບປະກັນໃຫ້ສະພາບ ທົ່ວແຂວງວຽງຈັນ ມີຄວາມສະຫງົບຢ່າງໜັກແໜ້ນ
ເວລາອອກຂ່າວ: 2026-02-06 10:04:09 | ຜູ້ຂຽນ : admin1 | ຈຳນວນຄົນເຂົ້າຊົມ: 169 | ຄວາມນິຍົມ: 
ວຽກງານປ້ອງກັນຊາດ-ປ້ອງກັນຄວາມສະຫງົບ ເປັນຫົວໃຈຫຼັກທີ່ສຳຄັນຂອງພັກເຮົາ ໃນການປົກປັກຮັກສາ ແລະ ສ້າງສາພັດທະນາປະເທດຊາດ, ການພັດ
ທະນາເສດຖະກິດ-ສັງຄົມ, ທັງເຮັດໃຫ້ການດຳລົງຊີວິດຂອງພໍ່ແມ່ປະຊາຊົນບັນດາເຜົ່າ ໄດ້ຢູ່ດີກິນດີ ແລະ ກໍແມ່ນວຽກງານໜຶ່ງ ທົ່ວປວງຊົນຮອບດ້ານ ຈະຕ້ອງໄດ້ເປັນເຈົ້າການໃນການປະກອບສ່ວນເຂົ້າໃນວຽກງານດັ່ງກ່າວ. ໃນນີ້, ສຳລັບກຳລັງປະກອບອາວຸດທ້ອງຖິ່ນ ທະຫານແຂວງວຽງຈັນ ແມ່ນກົມກອງໜຶ່ງທີ່ຢູ່ໃນລະບົບໂຄງປະກອບການຈັດຕັ້ງຂອງກອງທັບປະຊາຊົນລາວ, ໂດຍຢູ່ພາຍໃຕ້ການນຳພາຂອງພັກປະຊາຊົນປະຕິວັດລາວເດັດຂາດ, ໂດຍກົງ ແລະ ຮອບດ້ານ ໂດຍສະເພາະແມ່ນ ຄະນະພັກແຂວງ ແລະ ຄະນະພັກກະຊວງປ້ອງກັນປະເທດ, ເປັນເສນາທິການໃຫ້ແກ່ກະຊວງປ້ອງກັນປະເທດ ແລະ ຄະນະກຳມະການປ້ອງ
ກັນຊາດ-ປ້ອງກັນຄວາມສະຫງົບແຂວງ ໃນການຈັດຕັ້ງຜັນຂະຫຍາຍແນວທາງປ້ອງກັນຊາດ-ປ້ອງກັນຄວາມສະຫງົບຮອບດ້ານ ແລະ ມີໜ້າທີ່ປັບປຸງກໍ່ສ້າງກຳລັງ ໃຫ້ມີຄວາມເຂັ້ມແຂງ ໜັກແໜ້ນ ທັງຮັບປະກັນເຮັດໃຫ້ແຂວງວຽງຈັນ ມີຄວາມສະຫງົບປອດໄພ.
ຕະຫຼອດໄລຍະ 1 ປີຜ່ານມາ ຄະນະພັກ-ຄະນະບັນຊາ ໄດ້ພ້ອມກັນຕັດສິນໃຈສູ້ຊົນເອົາໃຈໃສ່ປະ ຕິບັດໜ້າທີ່ຂອງຕົນ ຕາມມະຕິຂອງຄະນະພັກກະຊວງປ້ອງກັນປະເທດວາງອອກ ວ່າດ້ວຍ 4 ໜ້າທີ່ໃຫຍ່ 26 ແຜນງານຢ່າງຕັ້ງໜ້າ ໃນນັ້ນ, ໄດ້ສຸມໃສ່ວຽກງານເຮັດໃຫ້ສະພາບມີຄວາມສະຫງົບເປັນຕົ້ນຕໍ ເຊິ່ງໄດ້ປະສານສົມທົບກັບອົງການປົກຄອງແຂວງ, ຈັດຕັ້ງ ແລະ ຊີ້ນຳ ພະນັກງານລົງກໍ່ສ້າງຮາກຖານການເມືອງ ຕາມແບບມູນເຊື້ອຢູ່ຂອບເຂດກົມກອງຕັ້ງທັບ, ຈຸດສຳຄັນຕ່າງໆ ແລະ ລຽບຕາມຊາຍແດນ, ຕິດພັນກັບການສ້າງທ່າສະໜາມສົງຄາມປະຊາຊົນ 3 ຂັ້ນ, ສ້າງບ້ານປ້ອມໝັ້ນ-ກຸ່ມບ້ານສູ້ຮົບຕິດລຽນ, ສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງ, ບ້ານແຮກສ່ຽວ ເຊິ່ງປັດຈຸບັນທົ່ວແຂວງມີຄອບຄົວປ້ອງກັນຊາດ 33.849 ຄອບຄົວ, ມີບ້ານປ້ອງກັນຊາດ 216 ບ້ານ, ບ້ານແຮກສ່ຽວ 4 ບ້ານ, ມີ 4 ກົມກອງ. ນອກນັ້ນ, ຍັງໄດ້ເອົາໃຈໃສ່ປັບປຸງກໍ່ສ້າງກຳລັງກອງຫຼອນ-ກອງປ້ອງກັນຕົວ ໃຫ້ມີຄວາມໜັກແໜ້ນ ເຂັ້ມແຂງ, ຈັດຕັ້ງອົບຮົມ-ຫັດແອບໃຫ້ກຳລັງກອງຫຼອນໄດ້ 9 ກອງຮ້ອຍ, ກຳລັງປ້ອງກັນຕົວ 2 ກອງຮ້ອຍ, ອົບຮົມເປົ້າໝາຍ 3 ຊຸດທີ I ສຳເລັດຕາມແຜນ, ອົບ
ຮົມວຽກງານສຶກສາປ້ອງກັນຊາດໃຫ້ໂຮງຮຽນວິຊາຊີບ 1 ແຫ່ງ, ມັດທະຍົມສຶກສາ 7 ແຫ່ງ ໄປພ້ອມກັນນີ້, ຍັງໄດ້ຊີ້ນຳບັນດາກຳລັງເຄື່ອນໄຫວສາລະເວຂອບເຂດຮັບຜິດຊອບ (ທັງທາງບົກ-ທາງນໍ້າ) ສາມາດສະກັດກັ້ນ ແລະ ແກ້ໄຂຫຼາຍຄະດີທີ່ເກີດຂຶ້ນໄດ້ທັນເວລາ, ວຽກງານກຽມພ້ອມສູ້ຮົບ ແລະ ກ້ອບກູ້ໄພພິບັດ ໄດ້ຈັດຕັ້ງກຳລັງປະຈຳການກຽມພ້ອມສູ້ຮົບ ສູນບັນຊາກອງບັນຊາການ ປະກອບມີອົງການ 5 ຫ້ອງ, ສິດປະຈຳການບໍລິຫານ, ປະຈຳການວິຊາສະເພາະສື່ສານ, ກົດລັບ, ກຳລັງປະຈຳການກຽມພ້ອມສູ້ຮົບຕະຫຼອດ 24 ຊົ່ວໂມງ, ຫັນພາວະປ້ອງກັນ
ກອງປະຊຸມໃຫຍ່ 3 ຂັ້ນຂອງພັກ, ການສະເຫຼີມສະຫຼອງວັນສະຖາປະນາ ສປປ ລາວ ຄົບຮອບ 50 ປີ ພ້ອມທັງກຳແໜ້ນສະພາບການຜັນແປຂອງດິນຟ້າອາກາດ ແລະ ກະກຽມກຳລັງເຂົ້າຊ່ວຍໃນເມື່ອມີກໍລະນີເກີດຂຶ້ນ. ໃນປີ 2025 ໄດ້ສົມທົບກັບອົງການປົກຄອງທ້ອງຖິ່ນ ຊ່ວຍປະຊາຊົນທີ່ຖືກໄພພິບັດນ້ຳຖ້ວມ ມີເມືອງໂພນໂຮງ, ເມືອງວັງວຽງ, ເມືອງວຽງ ຄຳ, ເມືອງເຟືອງ ລວມ 6 ຄັ້ງ, ນຳໃຊ້ກຳລັງ 110 ສະຫາຍ ພ້ອມດ້ວຍພາຫະນະ ລົດ-ເຮືອ ຈຳນວນໜຶ່ງ, ໄດ້ຊີ້ນຳກຳລັງປ້ອງກັນບັນດາເປົ້າໝາຍທີ່ສຳຄັນຕ່າງໆ ເປັນຕົ້ນແມ່ນ ການນຳພັກ-ລັດ, ແຂກພາຍໃນ-ຕ່າງປະເທດ, ກອງປະຊຸມລະດັບຊາດ-ລະດັບທ້ອງຖິ່ນ, ວັນບຸນສຳຄັນຂອງພັກ, ຂອງຊາດ, ຂອງກອງທັບ, ປ້ອງກັນການຊ້ອມຮົບ ລາວ-ຣັດເຊຍ 2025, ປ້ອງກັນທາງລົດໄຟລາວ-ຈີນ, ທິດ 13 ເໜືອ, ທິດຊາຍແດນ ເຫັນວ່າມີຄວາມສະຫງົບປອດໄພ ໂດຍພື້ນຖານ.
ໄປຄຽງຄູ່ກັນນັ້ນ, ຄະນະພັກ-ຄະນະບັນຊາ ຍັງໄດ້ເອົາໃຈໃສ່ສຶກສາອົບຮົມການເມືອງ-ນຳພາແນວຄິດໃຫ້ ນາຍ ແລະ ພົນທະຫານ ຮັບຮູ້ເຊື່ອມຊຶມ, ຕໍ່ມະຕິຄຳສັ່ງຂອງພັກ, ກົດໝາຍຂອງລັດ ແລະ ລະບຽບວິໄນຂອງກອງທັບ, ໂດຍສະເພາະແມ່ນ 7 ລະບອບ 18 ວຽກຂອງກອງທັບຢ່າງເຂັ້ມງວດ, ຊີ້ນຳບັນດາກົມກອງສູ້ຊົນທຳການຜະລິດ ເປັນຕົ້ນແມ່ນປູກເຂົ້າ, ສາລີ, ມັນຕົ້ນ, ກ້ວຍ, ພືດລົ້ມລຸກຕ່າງໆ ປັດຈຸບັນຍັງສືບຕໍ່ບົວລະບັດບຳລຸງຮັກສາສວນໝາກພ້າວ
ນໍ້າຫອມ ທັງໝົດ 23 ເຮັກຕາ ຈຳນວນ 5.993 ຕົ້ນ, ປູກຢາງພາລາ ຈຳນວນ 5.250 ຕົ້ນ ແລະ ລ້ຽງສັດປະເພດຕ່າງໆ ເພື່ອແກ້ໄຂຊີວິດການເປັນຢູ່ຂອງກົມກອງ ດີຂຶ້ນເລື້ອຍໆ. ສັງລວມແລ້ວ 1 ປີ ຜ່ານມາ ກອງບັນຊາການທະຫານ
ແຂວງວຽງຈັນ ສາມາດສ້າງລາຍຮັບຈາກການ ປູກຝັງ-ລ້ຽງສັດ ແລະ ບໍລິການອື່ນໆ ທັງໝົດ 5.545.532.530 ກີບ ພ້ອມນີ້, ຍັງໄດ້ເອົາໃຈໃສ່ປັບປຸງຄ້າຍຄູ-
ທີ່ຢູ່ອາໄສໃຫ້ບັນດາກົມກອງເປັນຕົ້ນ ສຳເລັດ-ມອບຮັບໂຄງການກໍ່ສ້າງຄ້າຍກອງບັນຊາທະຫານເມືອງວັງວຽງ, ກອງບັນຊາການທະຫານເມືອງທຸລະຄົມ, ໂຄງ
ການກໍ່ສ້າງເຮືອນນອນໂຮງຮຽນການທະຫານທ້ອງຖິ່ນ 1 ຫຼັງ, ກຳແພງເຮືອນຮັບແຂກ ຂອງກອງບັນຊາການ, ຫ້ອງນ້ຳ 1 ຫຼັງ, ຕໍ່ເຕີມສະໂມສອນ, ກະລາລົດ, ກໍ່ສ້າງສູນບັນຊາສື່ສານ, ປັບປຸງເຮືອນຄົວ-ຫ້ອງອາຫານ ເພີ່ມຂຶ້ນ 17 ຫຼັງ, ຖາວອນ 10 ຫຼັງ, ເຄິ່ງຖາວອນ 23 ຫຼັງ.
ທິດທາງວຽກງານໃນຕໍ່ໜ້າ ຄະນະພັກ-ຄະນະບັນຊາ ຈະໄດ້ສຸມໃສ່ຈັດຕັ້ງປະຕິບັດຂົງເຂດວຽກງານປິ່ນອ້ອມ 4 ໜ້າທີ່ໃຫຍ່ 26 ແຜນງານຂອງຄະນະພັກກະຊວງປ້ອງກັນປະເທດ, ມະຕິກອງປະຊຸມໃຫຍ່ຂອງອົງຄະນະພັກແຂວງ ກໍຄື ມະຕິກອງປະຊຸມໃຫຍ່ ຂອງຄະນະພັກກອງບັນຊາການທະຫານແຂວງວຽງຈັນວາງອອກ ຕິດພັນກັບ ສອງວາລະແຫ່ງຊາດ ເພື່ອເປັນບ່ອນອີງໃນການເຮັດສຳເລັດໜ້າທີ່ການເມືອງຂອງກົມກອງໃນຕໍ່ໜ້າ ໃຫ້ມີປະສິດທິພາບສູງ ແລະ ຮັບປະກັນເຮັດໃຫ້ສະພາບບໍລິເວນທົ່ວແຂວງ ມີຄວາມສະຫງົບຢ່າງໜັກແໜ້ນ.
ໂດຍ: ສາຍຄຳ ພອນມະນີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
