ວັນເສົາ, ວັນທີ 07 ມີນາ 2026
ກອງບັນຊາການທະຫານແຂວງຫຼວງພະບາງ ເປັນເຈົ້າພາບຈັດກອງປະຊຸມ ເຜີຍແຜ່ເຊື່ອມຊຶມເອກະສານວຽກງານການເງິນ ໃນທົ່ວກອງທັບ
ເວລາອອກຂ່າວ: 2026-02-13 09:10:44 | ຜູ້ຂຽນ : admin1 | ຈຳນວນຄົນເຂົ້າຊົມ: 119 | ຄວາມນິຍົມ: 
ກອງປະຊຸມເຜີຍແຜ່ເຊື່ອມຊຶມເອກະສານວຽກງານການເງິນ ໃນທົ່ວກອງທັບ, ໄດ້ຈັດຂຶ້ນໃນວັນທີ 9 ກຸມພາ 2026 ນີ້, ຢູ່ສະໂມສອນກອງບັນຊາການທະຫານແຂວງຫຼວງພະບາງ. ໂດຍການເປັນປະທານຂອງສະຫາຍ ພັນເອກ ວັນດີ ຄຳໄຊຫົງ ຮອງຫົວໜ້າກົມການເງິນ ກົມໃຫຍ່ພະລາທິການກອງທັບ, ມີ
ຫົວໜ້າຫ້ອງພະລາທິການ, ອົງ ການ 5 ຫ້ອງ, ພະແນກການເງິນຈາກກອງບັນຊາການທະຫານແຂວງຫຼວງພະບາງ, ວຽງຈັນ, ໄຊຍະບູລີ, ອຸດົມໄຊ, ຜົ້ງສາລີ, ຫຼວງນ້ຳທາ, ບໍ່ແກ້ວ, ກອງພົນທີ 1, ກອງພົນທີ 2, ກອງພົນທີ 3, ໂຮງໝໍບໍລິເວນ 107, ໂຮງງານປະສານເຫຼົ່າຫຼວງພະບາງ ແລະ ໂຮງຮຽນກໍ່ສ້າງນາຍສິບ ເລກ l ເຂົ້າຮ່ວມ.
ໂອກາດນີ້, ສະຫາຍ ພັນໂທ ດາວເຮືອງ ວົງດາວັນ ຫົວໜ້າພະແນກຄົ້ນຄວ້າວິທະຍາສາດການເງິນ ກົມໃຫຍ່ພະລາທິການກອງທັບ ໄດ້ຜ່ານຄຳແນະນຳການຈັດຕັ້ງປະຕິບັດເງິນເດືອນຂອງນາຍ ແລະ ພົນທະຫານ ຢູ່ກອງທັບປະຊາຊົນລາວ, ຂໍ້ຕົກລົງ ວ່າດ້ວຍການກຳນົດເງິນອຸດໜູນ, ເງິນກິນເພີ່ມ ແລະ ເງິນນະໂຍບາຍຊ່ວຍໜູນຢູ່ໃນກອງທັບປະຊາຊົນລາວ ແລະ ຂໍ້ຕົກລົງເລກທີ 362 ຂອງກະຊວງປ້ອງກັນປະເທດ ວ່າດ້ວຍການກຳນົດການໃຊ້ຈ່າຍງົບປະມານບໍລິຫານ ຢູ່ໃນກອງທັບປະຊາຊົນລາວ ອີງຕາມ ຂໍ້ຕົກລົງຂອງກະຊວງການເງິນ ວ່າດ້ວຍການກຳນົດການໃຊ້ຈ່າຍງົບປະມານຂອງລັດ, ການປະຢັດ ແລະ ຕ້ານການຟູມເຟືອຍ ແລະ ຂໍ້ຕົກລົງຂອງກະຊວງການເງິນ ເພື່ອຫັນເຂົ້າສູ່ລະບຽບແບບແຜນ, ຫຼັກການດ້ານງົບປະມານແຫ່ງລັດ ເປັນການປັງປຸງ ແລະ ຈັດຕັ້ງ
ປະຕິບັດໃຫ້ມີຄວາມເປັນເອກະພາບ ແລະ ໃຫ້ຖືກຕ້ອງ, ເຂັ້ມງວດໃນຂອບເຂດກອງທັບ. ຈຸດປະສົງກໍເພື່ອຮັບປະກັນໃຫ້ການສ້າງແຜນການຂໍອະນຸມັດງົບ ປະມານຕ່າງໆ ຂອງບັນດາກົມໃຫຍ່, ຫ້ອງວ່າການກະຊວງ, ກອງບັນຊາການທະຫານອາກາດ, ກອງບັນຊາການທະຫານຊາຍແດນ, ບັນດາກົມເຫຼົ່າຮົບ, ກົມກອງກຳລັງຫຼວງ ແລະ ກຳລັງທ້ອງຖິ່ນ ທີ່ຂຶ້ນກັບກະຊວງປ້ອງກັນປະເທດ, ຖືກຕ້ອງຕາມກົດໝາຍງົບປະ ມານ, ຖືກຕ້ອງຕາມລະບຽບຫຼັກການ, ມີລັກສະນະລວມສູນດ້ານງົບປະມານເຂົ້າ-ອອກປະຕູດຽວ ແລະ ສາມາດກວດສອບໄດ້, ຮັບ ປະກັນໃຫ້ການຈັດຕັ້ງປະ ຕິບັດມີຄວາມເປັນເອກະພາບ ແລະ ມີປະສິດທິຜົນດີ.
ໂດຍ: ທອງລິດ ແກ້ວທຸມມາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
