ວັນສຸກ, ວັນທີ 13 ມີນາ 2026
ກອງບັນຊາການທະຫານແຂວງຫຼວງນ້ຳທາ ໄດ້ຮັບການອຸປະຖຳ
ເວລາອອກຂ່າວ: 2026-02-13 09:12:06 | ຜູ້ຂຽນ : admin1 | ຈຳນວນຄົນເຂົ້າຊົມ: 144 | ຄວາມນິຍົມ: 
ວັນທີ 10 ກຸມພາ 2026 ນີ້, ຢູ່ທີ່ກອງບັນຊາການທະຫານແຂວງຫຼວງນ້ຳທາ ໄດ້ຮັບການອຸປະຖຳ ໝາກໄມ້ ປະເພດໝາກ ກ້ຽງ ຈຳນວນ 100 ແກັດ. ໂດຍການກ່າວມອບຂອງ ທ່ານ ນາງ ສີມອນ ແກ້ວວົງເພັດ ປະທານ ບໍລິສັດ ສີມອນ ພັດທະນາກະສິກຳ ແລະ ບໍລິການຂາເຂົ້າ-ຂາອອກ ຈຳກັດ ແລະ ໃຫ້ກຽດຮັບໂດຍ ສະຫາຍ ພັນເອກ ຄຳເຫຼັກ ສາຍຄຳພວນ ກຳມະການພັກແຂວງ, ຄະນະປະຈຳພັກກອງບັນຊາການ, ຫົວໜ້າຫ້ອງການ ເມືອງ ກອງບັນຊາການທະຫານແຂວງຫຼວງນ້ຳທາ. ທັງນີ້, ກໍເພື່ອຮັດແໜ້ນຄວາມສາມັກຄີເປັນຈິດໜຶ່ງໃຈດຽວ ລະຫວ່າງ ກອງບັນຊາການທະຫານແຂວງຫຼວງນ້ຳທາ ແລະ ບໍລິສັດ ສີມອນ ພັດທະ ນາກະສິກຳ ແລະ ບໍລິການຂາເຂົ້າ-ຂາອອກ ຈຳກັດ ເພື່ອເປັນການຊຸກຍູ້ໃຫ້ກຳລັງໃຈ ພະນັກງານ-ນັກຮົບ ທີ່ພວມປະຕິບັດໜ້າທີ່ ເນື່ອງໃນໂອກາດກະກຽມການປອນບັດເລືອກຕັ້ງສະມາຊິກສະພາແຫ່ງຊາດ ຊຸດທີ X ແລະ ສະມາຊິກສະພາປະຊາຊົນແຂວງ ຊຸດທີ V ໃຫ້ເປັນຂະບວນຟົດຟື້ນ ແລະ ມີຜົນສຳເລັດອັນຈົບງາມ.
ຕອນທ້າຍ ສະຫາຍ ພັນເອກ ຄຳເຫຼັກ ສາຍຄຳພວນ ກໍໄດ້ສະ ແດງຄວາມຂອບໃຈ ແລະ ຮູ້ບຸນ ຄຸນມາຍັງ ປະທານ ບໍລິສັດ ສີມອນ ພັດທະນາກະສິກຳ ແລະ ບໍລິການຂາເຂົ້າ-ຂາອອກ ຈຳກັດ ທີ່ເຫັນໄດ້ຄວາມສຳຄັນໃນກຳລັງຂອງພວກເຮົາ ແລະ ສັນຍາວ່າຈະນຳເອົາໝາກໄມ້ຈຳນວນດັ່ງກ່າວ ໄປແຈກຢາຍໃຫ້ພະນັກງານ-ນັກຮົບຢ່າງທົ່ວເຖິງ.
ໂດຍ: ບຸນປັນ ປັນຍາລິນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
