ວັນພະຫັດ, ວັນທີ 12 ມີນາ 2026
ສະຖາບັນການເງິນທີ່ຮັບເງິນຝາກ ສິນຊັບເມືອງເໜືອ ອວຍພອນ ໂຮງຮຽນວັດທະນະທຳຊົນເຜົ່າກອງທັບ
ເວລາອອກຂ່າວ: 2026-02-13 09:23:56 | ຜູ້ຂຽນ : admin1 | ຈຳນວນຄົນເຂົ້າຊົມ: 174 | ຄວາມນິຍົມ: 
ໃນຕົ້ນເດືອນກຸມພາຜ່ານມາ, ສະຖາບັນການເງິນທີ່ຮັບເງິນຝາກ ສິນຊັບເມືອງເໜືອ ນຳໂດຍ ສະຫາຍ ໄພວັນ ສິນທະວົງ ຫົວໜ້າພະແນກສິນເຊື້ອ ພ້ອມດ້ວຍຄະນະ ໄດ້ນຳເອົາກະຕ່າຂອງຂວັນເຂົ້າອວຍພອນ ຄະນະອຳນວຍການໂຮງຮຽນວັດທະນະທຳຊົນເຜົ່າກອງທັບ ເນື່ອງໃນໂອກາດຊົມເຊີຍວັນສ້າງຕັ້ງກອງທັບປະຊາຊົນລາວ ຄົບຮອບ 77 ປີ, ໂດຍການຕ້ອນຮັບຂອງ ສະຫາຍ ພັນເອກ ປອ ສະແຫວງ ແດນນາມົນ ຫົວໜ້າການເມືອງ ໂຮງຮຽນວັດທະນະທຳຊົນເຜົ່າກອງທັບ.
ສະຫາຍ ໄພວັນ ສິນທະວົງ ໄດ້ອວຍພອນໄຊອັນປະເສີດມາຍັງ ຄະນະພັກ-ຄະນະອຳນວຍການ, ນາຍ ແລະ ພົນທະຫານ ທົ່ວໂຮງຮຽນວັດທະນະທຳຊົນເຜົ່າກອງທັບ ຈົ່ງມີສຸຂະພາບແຂງແຮງ, ເປັນກຳລັງຫຼັກແຫຼ່ງທີ່ເຂັ້ມແຂງ ແລະ ພ້ອມກັນເຮັດສຳເລັດໜ້າທີ່ການເມືອງ ທີ່ໄດ້ຮັບການມອບໝາຍ
ໂອກາດນີ້, ສະຫາຍ ພັນເອກ ປອ ສະແຫວງ ແດນນາມົນ ໄດ້ຕາງໜ້າຄະນະພັກ-ຄະນະອຳນວຍການ ສະແດງຄວາມຂອບໃຈຕໍ່ສະຖາບັນການເງິນທີ່ຮັບເງິນຝາກ ສິນຊັບເມືອງເໜືອ ທີ່ເຫັນໄດ້ຄວາມໝາຍສຳຄັນຂອງວັນສ້າງຕັ້ງກອງທັບ ຈຶ່ງໄດ້ເຂົ້າມາອວຍພອນໃນຄັ້ງນີ້, ພ້ອມທັງ ອວຍພອນໃຫ້ບັນດາສະຫາຍ ຈົ່ງມີສຸຂະພາບແຂງແຮງ, ມີຄວາມຜາສຸກໃນຊີວິດສ່ວນຕົວ ແລະ ຄອບຄົວ, ຈະເລີນກ້າວໜ້າທາງທຸລະກິດ ແລະ ສືບຕໍ່ຮັດແໜ້ນຄວາມສາມັກຄີ ໃຫ້ແໜ້ນແຟ້ນຍິ່ງຂຶ້ນ.
ໂດຍ: ໂອລິນ ມິ່ງມີໄຊ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
