POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 12 ເມສາ 2026

ຫ້ອງການເມືອງທະຫານແຂວງສາລະວັນ ຖືເອົາການປະຕິບັດ ຂໍ້ແຂ່ງຂັນຮັກຊາດ ແລະ ພັດທະນາ ເປັນສຳຄັນ
ເວລາອອກຂ່າວ: 2026-03-05 09:55:15 | ຜູ້ຂຽນ : admin1 | ຈຳນວນຄົນເຂົ້າຊົມ: 253 | ຄວາມນິຍົມ:

ສະຫາຍ ພັນເອກ ວິໄລ ພິມມະວົງ ກຳມະການຄະນະປະ ຈຳພັກ, ຫົວໜ້າຫ້ອງການເມືອງ ກອງບັນຊາການທະຫານແຂວງສາລະວັນ ໃຫ້ຮູ້ວ່າ: ການຈັດຕັ້ງປະຕິບັດວຽກງານດ້ານຕ່າງໆ ໃນໄລຍະຜ່ານມາ ຂອງຫ້ອງການ ເມືອງ ກອງບັນຊາການທະຫານແຂວງສາລະວັນ ແມ່ນມີຜົນສຳ ເລັດຫຼາຍດ້ານເປັນຕົ້ນແມ່ນການ ປະຕິບັດຂໍ້ແຂ່ງຂັນຮັກຊາດ ແລະ ພັດທະນາ; ເຊິ່ງຄະນະພັກ-ຄະນະຫ້ອງ ໄດ້ນຳພາ-ຊີ້ນຳເຮັດວຽກ ງານສຶກສາອົບຮົມການເມືອງ-ນຳພາແນວຄິດໃຫ້ນາຍ ແລະ ພົນ ທະຫານພາຍໃນຫ້ອງການເມືອງຍົກສູງຄວາມຮັບຜິດຊອບສູງຕໍ່ ໜ້າທີ່ວຽກງານວິຊາສະເພາະ; ໃນນັ້ນ, ໄດ້ຈັດຕັ້ງປະຕິບັດຕາມຄຳສັ່ງແນະນຳຂອງກົມໃຫຍ່ການ ເມືອງກອງທັບ ສະບັບເລກທີ 150/ກມທ ລົງວັນທີ 13/1/ 2025 ວ່າດ້ວຍການເປີດຂະ ບວນການແຂ່ງຂັນສ້າງຜົນ ງານຂໍ່ານັບຮັບຕ້ອນ ວັນສຳຄັນຂອງຊາດ, ຂອງພັກ, ຂອງກອງທັບ ຕິດພັນກັບການແຂ່ງຂັນຮັກ ຊາດ ແລະ ພັດທະນາ, ເພື່ອເປັນ ການສະຫຼຸບການຈັດຕັ້ງປະຕິບັດຂະບວນການຂໍ້ແຂ່ງຂັນໃນທົ່ວກອງບັນຊາການທະຫານແຂວງສາລະວັນ ປະຈຳປີ 2025 ແລະ ວາງຂໍ້ແຂ່ງຂັນປະຈຳປີ 2026 ທັງເປັນການປະກອບສ່ວນເຂົ້າໃນການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ XII ຂອງສູນກາງພັກ, ມະຕິ X ຂອງອົງຄະນະພັກແຂວງສາລະວັນ, ມະຕິ VI ຂອງອົງຄະນະພັກກະຊວງປ້ອງກັນປະເທດ, ມະຕິ VI ຂອງອົງຄະນະພັກ ກອງບັນ ຊາການທະຫານແຂວງສາລະ ວັນວາງອອກ ຕິດພັນກັບການປະ ຕິບັດ 4 ໜ້າທີ່ໃຫຍ່ 26 ແຜນງານຂອງຄະນະພັກກະຊວງປ້ອງ ກັນປະເທດໃຫ້ປະກົດຜົນເປັນຈິງ ໃນທົ່ວກົມກອງ ໂດຍຄະນະພັກ-ຄະນະບັນຊາ ແລະ ພະນັກງານ-ນັກຮົບ ຕ່າງກໍໄດ້ຍົກສູງຄວາມຮັບຜິດຊອບດ້ານການເມືອງ-ແນວຄິດໃນການສຶກສາອົບຮົມເປັນປົກກະຕິ ແລະ ຕໍ່ເນື່ອງ, ຂົງ ເຂດວຽກງານປັບປຸງກໍ່ສ້າງພັກ ກໍໄດ້ເອົາໃຈໃສ່ເຄື່ອນໄຫວຢ່າງຕັ້ງໜ້າສຶກສາອົບຮົມສະມາຊິກພັກໃຫ້ມີຄຸນທາດການເມືອງ ໜັກ ແໜ້ນປະຕິບັດລະບອບດຳເນີນ ຊີວິດການເມືອງ, ເສຍເງິນສະຕິ ພັກເປັນປົກກະຕິ ເຮັດໃຫ້ການຈັດ ຕັ້ງພັກມີຄວາມປອດໃສ ເຂັ້ມແຂງ ໜັກແໜ້ນ, ວຽກງານກໍ່ສ້າງພະ ນັກງານແມ່ນໄດ້ປະຕິບັດຕາມທິດຊີ້ນຳຂອງຂັ້ນເທິງບົນພື້ນຖານຕ້ອງມີພະນັກງານ 3 ຮຸ່ນສຶບທອດປ່ຽນແທນໂດຍການຫັນເປັນ ໜຸ່ມປະກອບມີເພດ, ເຜົ່າເພື່ອໃຫ້ ແທດເໝາະກັບແຕ່ລະໜ້າວຽກໃນການນຳພາ-ບັນຊາທັງສ້າງກັບທີ່ ແລະ ສົ່ງໄປກໍ່ສ້າງ-ບຳລຸງຢູ່ວິທະຍາຄານໃນກອງທັບ, ສະຖາບັນການສຶກສາພາກລັດ, ເອ ກະຊົນຕາມຕົວເລກແບ່ງປັນຂອງ ຂັ້ນເທິງ ແລະ ທຶນຂອງຕົນເອງ ເຫັນວ່າ ພະນັກງານເຮົາມີຄວາມ ກະຕືລືລົ້ນໃນການຊອກຮູ້ຮໍ່າ ຮຽນເອົາຄວາມຮູ້ມາພັດທະນາຕົນເອງ ແລະ ກົມກອງ ຕິດພັນກັບຂະບວນການດ້ານຕ່າງໆ ກົມ ກອງພວກເຮົາຍັງໄດ້ຊີ້ນຳອົງ ການຈັດຕັ້ງມະຫາຊົນ ແລະ ວຽກງານອື່ນໆທີ່ປິ່ນອ້ອມກໍໄດ້ຮັບການພັດທະນາດີຂຶ້ນເປັນກ້າວໆ ຜ່ານການຈັດຕັ້ງປະຕິບັດຂໍ້ແຂ່ງ ຂັນຕ່າງໆ ກົມກອງ ແລະ ບຸກຄົນໄດ້ຮັບການຍ້ອງຍໍດັ່ງນີ້: ຄະນະກຳມະການປົກຄອງແຂວງສາ ລະວັນ ໄດ້ຍ້ອງຍໍນາຍ ແລະ ພົນ ທະຫານຫ້ອງການເມືອງກອງ ບັນຊາການທະຫານແຂວງສາ ລະວັນ ຈຳນວນ 58 ສະຫາຍ, ຍິງ 16 ສະຫາຍ, ໄດ້ຮັບໃບຍ້ອງຍໍຂັ້ນກອງບັນຊາການ ຈຳນວນ 22 ສະຫາຍ, ຍິງ 8 ສະຫາຍ. ສະຫາຍ ພັນເອກ ວິໄລ ພິມມະວົງ ຍັງກ່າວຕື່ມອີກວ່າ: ໃນຕໍ່ໜ້າແມ່ນຈະໄດ້ເພີ່ມທະວີ ວຽກງານສຶກສາອົບຮົມການ ເມືອງ-ນຳພາແນວຄິດໃຫ້ພະ ນັກງານ-ນັກຮົບພາຍໃນກົມກອງ ຂອງຕົນໃຫ້ເປັນປົກກະຕິ ແລະ ຕໍ່ເນື່ອງ ຮັກສາມູນເຊື້ອອັນດີ ງາມຂອງກອງທັບ, ສຸມໃສ່ການ ຈັດຕັ້ງປະຕິບັດເນື້ອໃນຂໍ້ແຂ່ງຂັນຮັກຊາດ ແລະ ພັດທະນາປະຈຳປີ 2026 ໃຫ້ມີບັນຍາກາດຟົດຟື້ນ ເປັນເຈົ້າການປຸກລະດົມໃຫ້ພະນັັກງານ-ນັກຮົບ ມີຄວາມຫ້າວຫັນເຂົ້າຮ່ວມທຸກຂະບວນການຂອງກົມກອງຢ່າງຕໍ່ເນື່ອງ. ໂດຍ: ວັນໄຊ

news to day and hot news