ວັນອາທິດ, ວັນທີ 12 ເມສາ 2026
ໂຮງຮຽນທະຫານຊາຍແດນ 712 ຈັດພິທີເຄົາລົບທຸງຊາດ ປະຈຳເດືອນມີນາ 2026
ເວລາອອກຂ່າວ: 2026-03-06 08:54:11 | ຜູ້ຂຽນ : admin1 | ຈຳນວນຄົນເຂົ້າຊົມ: 218 | ຄວາມນິຍົມ: 
ວັນທີ 2 ມີນາ 2026, ໂຮງຮຽນທະຫານຊາຍແດນ 712 ໄດ້ຈັດຕັ້ງ
ເຄົາລົບທຸງຊາດປະຈຳເດືອນມີນາ 2026, ໂດຍການເປັນປະທານຂອງ ສະຫາຍ ພັນເອກ ຂຽນທອງ ໄຊສົມບູນ ຫົວໜ້າການທະຫານ ໂຮງຮຽນທະຫານຊາຍແດນ, ມີຄະນະພັກ-ຄະນະບັນຊາ ພະແນກການ, ກອງພັນນັກຮຽນ, ພະນັກ ງານ-ນັກຮົບ ແລະ ນັກຮຽນທົ່ວໂຮງຮຽນ ເຂົ້າຮ່ວມ.
ສະຫາຍ ພັນເອກ ຂຽນທອງ ໄຊສົມບູນ ໄດ້ຜ່ານບົດລາຍງານ ການຈັດຕັ້ງປະຕິບັດເຄື່ອນໄຫວວຽກງານພາຍໃນເດືອນກຸມພາ 2026 ທີ່ຜ່ານມາ ແລະ ທິດທາງແຜນການເດືອນຕໍ່ໜ້າ, ໄດ້ຍົກໃຫ້ເຫັນດ້ານດີ ແລະ ດ້ານຄົງຄ້າງ ໃນການປະຕິບັດໜ້າທີ່ວຽກງານຕ່າງໆ ຂອງກົມກອງໃນໄລຍະຜ່ານມາ; ພ້ອມທັງໄດ້ເນັ້ນໜັກໃຫ້ ເອົາໃຈໃສ່ເພີ່ມທະວີສຶກສາອົບຮົມການເມືອງ-ນຳພາແນວຄິດ, ຍົກສູງຄຸນທາດການເມືອງ, ຄຸນສົມບັດສິນທຳປະຕິວັດ, ເພີ່ມທະວີຄວາມຮັບຜິດຊອບໜ້າທີ່ການເມືອງຂອງຕົນ, ເອົາໃຈໃສ່ປະຕິບັດຂໍ້ກຳນົດ-ກົດລະບຽບຂອງກອງທັບ ແລະ ຂອງໂຮງ ຮຽນວາງອອກຢ່າງເຂັ້ມງວດ ແລະ ເປັນຮູບປະທຳຕົວຈິງ, ສືບຕໍ່ປັບປຸງໂຄງການຫຼັກສູດການຮຽນ-ການສອນໃຫ້ມີການຫັນ
ປ່ຽນດ້ານຄຸນນະພາບຢ່າງໜັກແໜ້ນ, ປະຕິບັດແຜນການອົບ ຮົມ-ຫັດແອບໃຫ້ເປັນລະບົບ ຮັບ ປະກັນໄດ້ຄຸນນະພາບ, ສືບຕໍ່ເຄື່ອນໄຫວສ້າງຂະບວນການດ້ານຕ່າງໆ ອອກແຮງແຂ່ງຂັນສ້າງຜົນງານຕ້ອນຮັບວັນບຸນປະຫວັດສາດສຳຄັນຂອງຊາດ, ຂອງພັກ ແລະ ຂອງກອງທັບ, ສືບຕໍ່ປົກປັກຮັກສາ ແລະ ນຳໃຊ້ວັນຖຸປະກອບ, ລະບົບນ້ຳ-ລະບົບໄຟ ແນໃສ່ປະຢັດມັດທະຍັດ ແລະ ນຳໃຊ້ໃຫ້ຍາວນານ.
ທັງນີ້ ກໍເພື່ອປະຕິບັດຕາມລະບຽບການເຄົາລົບທຸງປະຈຳເດືອນ ທີ່ຂັ້ນເທິງໄດ້ກຳນົດໄວ້ ໃຫ້ມີຄວາມເຂັ້ມແຂງ, ປະຕິບັດດ້ານລະບຽບວິໃນຕາມ 7 ລະບອບ 18 ວຽກໃນມື້ໜຶ່ງຂອງກອງທັບ.
ໂດຍ: ພິລະສອນ ວັນວິໄຊ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
