POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 12 ເມສາ 2026

ຫົວໜ້າຫ້ອງການຊາວໜຸ່ມກອງທັບ ລົງຊຸກຍູ້ວຽກງານຊາວໜຸ່ມ ຢູ່ ໂຮງຮຽນນາຍສິບເຫຼົ່າຮົບ
ເວລາອອກຂ່າວ: 2026-03-06 09:02:40 | ຜູ້ຂຽນ : admin1 | ຈຳນວນຄົນເຂົ້າຊົມ: 251 | ຄວາມນິຍົມ:

ໃນວັນທີ 5 ມີນາ 2026 ນີ້, ສະຫາຍ ພັນເອກ ຫົງທອງ ສີຊານົນ ເລຂາທິການສູນກາງຊາວໜຸ່ມປະຊາຊົນປະຕິວັດລາວ, ຫົວໜ້າຫ້ອງການຊາວໜຸ່ມກອງທັບ ພ້ອມດ້ວຍຄະນະ ໄດ້ລົງເຄື່ອນໄຫວຊຸກຍູ້, ກວດກາຂະບວນການ ວຽກງານຊາວໜຸ່ມ ແລະ ຕິດຕາມການຈັດຕັ້ງຜັນຂະຫຍາຍ ມະຕິກອງປະຊຸມຜູ້ແທນຊາວໜຸ່ມທົ່ວກອງທັບ ຄັ້ງທີ IX ຢູ່ໂຮງຮຽນນາຍສິບເຫຼົ່າຮົບ, ໂດຍມີສະຫາຍ ພັນເອກ ພອນສະຫວັນ ສຸລິສັກ ຫົວໜ້າການເມືອງ ໂຮງຮຽນນາຍ ສິບເຫຼົ່າຮົບ, ມີຄະນະພັກ-ຄະນະອຳນວຍການໂຮງຮຽນ, ອົງການ 5 ຫ້ອງ, ພະແນກການທີ່ກ່ຽວຂ້ອງ, ຄະນະຊາວໜຸ່ມ ແລະ ສະມາຊິກຊາວໜຸ່ມ ທົ່ວໂຮງຮຽນ ເຂົ້າຮ່ວມ. ສະຫາຍ ພັນໂທ ແກ້ວອຸດອນ ຈັນທະວົງ ຫົວໜ້າພະແນກຊາວໜຸ່ມ ໂຮງຮຽນນາຍສິບເຫຼົ່າຮົບ ໄດ້ລາຍງານໃຫ້ຊາບໂດຍຫຍໍ້ ກ່ຽວກັບການເຄື່ອນໄຫວວຽກງານຊາວໜຸ່ມຢູ່ໂຮງຮຽນ ໃນໄລຍະຜ່ານມາ, ເຊິ່ງໄດ້ຍົກໃຫ້ເຫັນ ຜົນງານທີ່ພົ້ນເດັ່ນຫຼາຍດ້ານ ແລະ ບາງຂໍ້ຄົງຄ້າງ ທີ່ຈະຕ້ອງໄດ້ສືບຕໍ່ປັບປຸງແກ້ໄຂ ເພື່ອເຮັດໃຫ້ການເຄື່ອນໄຫວວຽກງານຊາວໜຸ່ມໃນຕໍ່ໜ້າ ມີຜົນສຳເລັດສູງກວ່າເກົ່າ. ຈາກນັ້ນ, ສະຫາຍ ພັນໂທ ບຸນມີໄຊ ຄຳພະຈັນ ຫົວໜ້າພະແນກອົບຮົມ-ຈັດຕັ້ງ ຫ້ອງການຊາວໜຸ່ມກອງທັບ ໄດ້ເຜີຍແຜ່ມະຕິກອງປະຊຸມໃຫຍ່ ຜູ້ແທນຊາວໜຸ່ມທົ່ວປະເທດ ຄັ້ງທີ IX ແລະ ມະຕິກອງປະຊຸມຜູ້ແທນຊາວໜຸ່ມ ທົ່ວກອງທັບ ຄັ້ງທີ IX. ເພື່ອແນໃສ່ເຮັດໃຫ້ຄະນະພັກ-ຄະນະອຳນວຍການໂຮງຮຽນ, ຄະນະນຳຊາວໜຸ່ມແຕ່ລະຂັ້ນ ຕະຫຼອດຮອດ ສະມາຊິກຊາວໜຸ່ມ ໄດ້ຮັບຮູ້ເຊື່ອມຊຶມຢ່າງເລິກເຊິ່ງ ເນື້ອໃນມະຕິດັ່ງກ່າວ ເພື່ອເປັນພື້ນຖານບ່ອນອີງ ໃນການນຳໄປສ້າງເປັນໂຄງການ, ແຜນງານ ອັນລະອຽດ ພ້ອມທັງຈັດຕັ້ງຜັນຂະຫຍາຍໃຫ້ສອດຄ່ອງກັບໜ້າທີ່ການເມືອງຂອງກົມກອງ ແລະ ພ້ອມກັນຈັດຕັ້ງປະຕິບັດ ໃຫ້ເປັນຂະບວນການຟົດຟື້ນກວ້າງຂວາງ. ໂອກາດນີ້, ສະຫາຍ ຫົວໜ້າຫ້ອງການຊາວໜຸ່ມກອງທັບ ໄດ້ເນັ້ນໃຫ້ຄະນະນຳຊາວໜຸ່ມ ຕະຫຼອດຮອດ ສະມາຊິກຊາວໜຸ່ມ ເອົາໃຈໃສ່ເຮັດວຽກງານສຶກສາ ອົບຮົມການເມືອງແນວຄິດ, ເປັນເຈົ້າການປະຕິບັດຂໍ້ກຳນົດ, ກົດລະບຽບຂອງກອງທັບ ກໍຄື ຂອງຊາວໜຸ່ມ ໃຫ້ເຂັ້ມງວດ, ຕ້ານ ແລະ ສະກັດກັ້ນ ການຫຼີ້ນກິນຟຸມເຟືອຍ, ຫຼຸດຜ່ອນແນວຄິດເອື່ອຍອີງ, ເພີ່ມທະວີການຊອກຮູ້ຮ່ຳຮຽນສິ່ງໃໝ່ໆ, ປັັບປຸງການຈັດຕັ້ງໃຫ້ໜັກແໜ້ນເຂັ້ມແຂງ, ປັບປຸງແບບແຜນວິທີເຮັດວຽກໃຫ້ສອດຄ່ອງ, ສ້າງຂະບວນການຊາວໜຸ່ມ ຕາມເນື້ອໃນຂໍ້ແຂ່ງຂັນ 4 ບຸກ ຕິດພັນກັບ ຂໍ້ແຂ່ງຂັນຮັກຊາດ ແລະ ພັດທະນາ ແລະ ຂະບວນການປີ່ນອ້ອມຂອງກອງ ທັບ, ເພີ່ມທະວີຄວາມສາມັກຄີໃຫ້ກວ້າງຂວາງແໜ້ນແຟ້ນ ພ້ອມກັນນີ້, ຄະນະພັກ-ຄະນະອຳນວຍການໂຮງຮຽນ ກໍຕ້ອງເອົາໃຈໃສ່ໃກ້ຊິດຕິດແທດ ອຳນວຍຄວາມສະດວກ ໃຫ້ອົງການຈັດຕັ້ງຊາວໜຸ່ມ ໄດ້ເຄື່ອນໄຫວຕາມພາລະບົດບາດຂອງຕົນ ໃຫ້ສົມດັ່ງຄຳຂວັນຊາວໜຸ່ມກອງທັບ ທີ່ວ່າ “ຊາວໜຸ່ມກອງທັບເດັ່ດດ່ຽວອາດຫານ, ນຳໜ້າສາມັກຄີ ແລະ ມີວິໄນປະດິດສ້າງ”. ໂອກາດນີ້, ຫ້ອງການຊາວໜຸ່ມກອງທັບ ຍັງໄດ້ມອບເຄື່ອງຈຳນວນໜຶ່ງ ລວມມູນຄ່າ 5 ລ້ານກວ່າກີບ ໃຫ້ຄະນະອຳນວຍການໂຮງຮຽນ ແລະ ພະແນກຊາວໜຸ່ມ ໂຮງຮຽນນາຍສິບເຫຼົ່າຮົບ ຕື່ມອີກ. ໂດຍ: ເຄນຫຼ້າ ຂູນຈັນທະ + ປານຄຳ ມາກວິໄລ.

news to day and hot news