ວັນອາທິດ, ວັນທີ 12 ເມສາ 2026
ກອງພັນໃຫຍ່ 703 ປະກາດມອບໝາຍໜ້າທີ່ ແລະ ປະດັບທຽບຊັ້ນໃຫ້ນາຍ ແລະ ພົນທະຫານ
ເວລາອອກຂ່າວ: 2026-03-06 09:04:46 | ຜູ້ຂຽນ : admin1 | ຈຳນວນຄົນເຂົ້າຊົມ: 252 | ຄວາມນິຍົມ: 
ໃນວັນທີ 26 ກຸມພາ 2026 ນີ້, ກອງພັນໃຫຍ່ 703 ໄດ້ຈັດພິທີ ປະກາດການມອບໝາຍໜ້າທີ່ ແລະ ປະດັບທຽບຊັ້ນ ໃຫ້ນາຍ ແລະ ພົນທະຫານ ຢູ່ກອງພັນໃຫຍ່ 703 ໂດຍການເປັນປະທານ ຂອງສະຫາຍ ພັນເອກ ເພັງຄຳສຸກ
ຂຸນສັກດາ ຫົວໜ້າການເມືອງກອງພັນໃຫຍ່ 703 ມີຄະນະພັກ-ຄະນະບັນຊາ ພະແນກການ, ກອງພັນ, ກອງຮ້ອຍເອກະລາດຕະຫຼອດພະນັກງານນັກຮົບ ຜູ້
ທີ່ໄດ້ຮັບໜ້າທີ່ ແລະ ໄດ້ຮັບການເລື່ອນຊັ້ນໃໜ່ເຂົ້າຮ່ວມ.
ສະຫາຍ ພັນໂທ ຈັນທະພອນ ວັນນະຈິດ ຫົວໜ້າຂະແໜງພະນັກງານ ກອງພັນໃຫຍ່ 703 ໄດ້ຂຶ້ນຜ່ານຂໍ້ຕົກລົງວ່າດ້ວຍການມອບໝາຍໜ້າທີ່ໃຫ້ນາຍ ແລະ ພົນທະຫານທົ່ວກອງພັນໃຫຍ່ 703, ອີງຕາມກົດໝາຍນາຍທະຫານກອງທັບປະຊາຊົນລາວ (ສະບັບປັບປຸງ), ອີງຕາມການເຫັນດີເອກະພາບຂອງຄະນະພັກ-ຄະນະບັນຊາ ກອງພັນໃຫຍ່ 703 ໃນກອງປະຊຸມ ກ່ຽວກັບການມອບ
ໝາຍໜ້າທີ່ໃຫ້ນາຍ ແລະ ພົນທະຫານ, ດັ່ງນັ້ນ, ກອງພັນໃຫຍ່ 703 ຕົກລົງແຕ່ງຕັ້ງ ສະຫາຍ ຮ້ອຍເອກ ແກ້ວປະເສີດ ໄຊຍະວົງ ໜ້າທີ່ຮັບຜິດຊອບ ວິຊາການສື່ສານ ກອງຮ້ອຍ 305 ແຕ່ງຕັ້ງເປັນ ຊ່ວຍວຽກຂະແໜງນະໂຍບາຍ ພະແນກການເມືອງກອງພັນໃຫຍ່ 703, ວາທີ ຄຳແວວ ໄຊຍະລາດໜ້າທີ່ຮັບຜິດຊອບ ຂັບລົດພະແນກພະລາ ໄປຮັບໜ້າທີ່ໃໝ່ ຂັບລົດ ຢູ່ ກອງຮ້ອຍ 304, ສິບເອກສັນຕິສຸກ ຄຸນວິໄຊ ຂັບລົດພະແນກພະລາ ໄປຮັບໜ້າທີ່ໃໝ່ ຂັບລົດຢູ ກອງຮ້ອຍ 304 ແລະ ສິບໂທ ນາງ ມະນີວອນ ຫຼວງລາດໄປຮັບ
ໜ້າທີ່ໃໝ່ ຢູ່ຂະແໜງເຄຫະ ພະແນກພະລາ ກອງພັນໃຫຍ່ 703. ຈາກນັ້ນ, ສະຫາຍ ພັນໂທ ຈັນທະພອນ ວັນນະຈິດ ກໍໄດ້ຜ່ານຂໍ້ຕົກລົງວ່າດ້ວຍການທຽບ
ຊັ້ນນາຍທະຫານທີ່ຮຽນຈົບວິຊາສະເພາະຈາກສາຍລັດ ຢູ່ກອງພັນໃຫຍ່ 703 ຄື: ປະດັບທຽບຊັ້ນຮ້ອຍໂທໃຫ້ນັກຮຽນ ທີ່ຮຽນຈົບປະລິນຍາຕີ ແລະ ຊັ້ນສູງຈຳນວນ 1 ສະຫາຍ ແລະ ປະດັບທຽບຊັ້ນຮ້ອຍຕີໃຫ້ນັກຮຽນ ທີ່ຮຽນຈົບຊັ້ນກາງ ຈຳນວນ 3 ສະຫາຍ ແລະ ໃນໂອກາດນີ້ຍັງໄດ້ມອບຫຼຽນພິລະອາຫານຊັ້ນ III ແລະ ໃບຍ້ອງຍໍ ໃຫ້ ນາຍ ແລະ ພົນທະຫານທີ່ຮັບໃຊ້ຊ່ວຍເຫຼື່ອມະນຸດສະທຳ ແລະ ບັນເທົາທຸກໄພພິບັດຈາກແຜນດິໄຫວ ຢູ ສສ ມຽນມາ, ຊ້ອມຮົບລາວ - ຮັດເຊຍ ( ລາໂຣສ 2025 ) ແລະ ຫັດແອບຝຶກຊ້ອມກອບກູ້ໄພພິບັດ 3 ກອງທັບ ລາວ-ຫຽດນາມ-ກຳປູເຈຍ ຕື່ມອີກ.
ໂດຍ: ນາງ ບົວພັນ ເທີນຜາສຸກ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
