POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 12 ເມສາ 2026

ປີ 2025 ຜ່ານມາ, ຫ້ອງການບໍລິຫານ ກົມໃຫຍ່ພະລາທິການກອງທັບ ສ້າງໄດ້ຜົນງານຫຼາຍດ້ານ
ເວລາອອກຂ່າວ: 2026-03-11 09:07:21 | ຜູ້ຂຽນ : admin1 | ຈຳນວນຄົນເຂົ້າຊົມ: 147 | ຄວາມນິຍົມ:

ອີງຕາມບົດສະຫຼຸບວຽກງານຮອບດ້ານຂອງຫ້ອງການບໍ ລິຫານກົມໃຫຍ່ພະລາທິການ ກອງທັບ ປະຈຳປີ 2025 ແລະ ທິດທາງແຜນການ ປີ 2026 ທີ່ສະເໜີໂດຍ ສະຫາຍ ພັນເອກ ຕຽງຄຳ ສຸວັນດາວົງ ຫົວໜ້າຫ້ອງການບໍລິຫານກົມໃຫຍ່ພະລາທິການກອງທັບ ໃຫ້ຮູ້ວ່າ: ການຈັດຕັ້ງປະຕິບັດວຽກງານໃນ ໄລຍະ 1 ປີຜ່ານມາ, ຫ້ອງການບໍລິຫານ ພວກເຮົາໄດ້ເອົາໃຈໃສ່ວຽກງານສຶກສາອົບຮົມການເມືອງ-ນຳພາແນວຄິດເປັນກົກຕິດພັນແໜ້ນກັບໜ້າທີ່ການເມືອງ ແລະ ຮັບປະກັນໄດ້ວຽກງານວິຊາສະເພາະ. ໃນນັ້ນໄດ້ສຸມໃສ່ຈັດຕັ້ງຜັນຂະຫຍາຍ ມະຕິກອງປະຊຸມໃຫຍ່ຄັ້ງທີ XII ຂອງພັກ, ແຜນພັດທະນາເສດ ຖະກິດ-ສັງຄົມ 5 ປີ ຄັ້ງທີ IX, ມະຕິກອງປະຊຸມໃຫຍ່ຄັ້ງທີ VI ຂອງອົງຄະນະພັກກະຊວງປ້ອງກັນປະເທດ ແລະ ມະຕິກອງປະຊຸມ ໃຫຍ່ຄັ້ງທີ VII ຂອງອົງຄະນະ ພັກກົມໃຫຍ່ພະລາທິການກອງທັບ ໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກເຂົ້າ ສູ່ວຽກງານຕົວຈິງຂອງກົມກອງ, ເຮັດໃຫ້ການຈັດຕັ້ງປະຕິບັດໜ້າ ທີ່ວຽກງານດ້ານຕ່າງໆ ໃນປີ 2025 ຜ່ານມາ ມີຜົນສຳເລັດໃນ ຫຼາຍດ້ານດັ່ງນີ້: ວຽກງານຮັບປະ ກັນຊີວິດການເປັນຢູ່ກໍຄືວຽກງານຮັບປະກັນໃຫ້ແກ່ການອົບຮົມ-ຫັດແອບ ແລະ ກຽມພ້ອມສູ້ຮົບ ໄດ້ຈັດຕັ້ງກຳລັງປະຈຳການ, ຄະ ນະປະຈຳການເພື່ອຮັບປະກັນໃຫ້ແກ່ການປະຕິບັດໜ້າທີ່ວຽກງານຂອງກົມໃຫຍ່ພະລາທິການກອງທັບ ກໍຄືຄຳສັ່ງຂອງຂັ້ນເທິງ ເປັນຕົ້ນແມ່ນພາຫະເຕັກນິກ, ວັດຖຸສຳຮອງ ເພື່ອແຮໄວ້ເວລາສຸກເສີນ ເຊັ່ນ: ນ້ຳມັນເຊື້ອໄຟ, ຢາປົວພະຍາດ, ເຂົ້າກິນ, ເຄື່ອງນຸ່ງຫົ່ມ ແລະ ອື່ນໆ. ດ້ານວຽກງານຮັບປະກັນຊີວິດການເປັນຢູ່ຂອງພະນັກງານ-ນັກຮົບ ສະບຽງອາ ຫານ ແມ່ນໄດ້ຮັບເຂົ້າກິນເປັນປົກ ກະຕິ, ໄດ້ປະກອບເຄື່ອງຮັບໃຊ້ ເຮືອນຄົວລວມ-ເຮືອນກິນເຂົ້າ ຂອງອ້າຍນ້ອງທີ່ປະຈຳການຢູ່ຫໍພັກໂສດ, ການກິນດື່ມລວມໝູ່ ໄດ້ເອົາໃຈໃສ່ຊີ້ນຳການຕົ້ມຫຸງປຸງແຕ່ງອາຫານເຂົ້າສຸກ, ແກງຮ້ອນຖືກລັກສຸຂະອະນາໄມ, ສຳລັບເຮືອນຄົວໂສດໄດ້ຈັດຕັ້ງການກິນເຂົ້າ 3 ຄາບຕໍ່ມື້, ຮັບປະກັນລະບອບອັດຕາກິນຂອງອ້າຍນ້ອງໂສດຕາມຂັ້ນເທີ່ງກຳນົດ, ດ້ານເຄື່ອງນຸ່ງຫົ່ມໄດ້ຮັບ-ເບີກຈ່າຍຕາມແຜນງົບປະມານຮ່ວງອັດຕາປະຈຳປີເປັນປົກກະຕີ ແລະ ໄດ້ເບີກຈ່າຍໃຫ້ແຕ່ລະຫົວໜ່ວຍກົມກອງບໍ່ໄດ້ຂາດ; ດ້ານນ້ຳມັນເຊື້ອໄຟໄດ້ເອົາໃຈໃສ່ຄຸ້ມຄອງການຮັບ-ເບີກຈ່າຍນ້ຳມັນເຊື້ອໄຟ ບໍ່ໃຫ້ຕົກເຮ່ຍເສຍຫາຍ ແລະ ຮັບ ປະກັນຄວາມປອດໄພໄດ້ດີພໍສົມ ຄວນ; ດ້ານວຽກງານຄຸ້ມຄອງພາ ຫະນະ-ເຕັກນິກແມ່ນເອົາໃຈໃສ່ ກວດກາລະບອບເຕັກນິກເປັນ ປະຈຳ ເພື່ອຍົກສູງຄວາມຮັບຜິດ ຊອບຕໍ່ໜ້າທີ່ວິຊາສະເພາະໃຫ້ກົມໃຫຍ່ໃນເວລາເຄື່ອນໄຫວວຽກງານຢູ່ບັນດາກຳລັງຫຼວງ ແລະ ກຳລັງທ້ອງຖິ່ນໃຫ້ມີຄວາມ ຮັບປະກັນ. ໃນນັ້ນ ພວກເຮົາໄດ້ມີການເຝິກອົບຮົມດ້ານກິລິຍາມາລະຍາດໃຫ້ນັກຂັບຂີ່ຕ້ອງສຸ ພາບອ່ອນໂຍນລວມທັງມີການ ບົວລະບັດຮັກສາລົດທີ່ຕົນເອງ ຮັບຜິດຊອບໃຫ້ມີຄວາມສະອາດ ຈົບງາມ ແລະ ຂັບຂີ່ດ້ວຍຄວາມ ປອດໄພ. ດ້ານວຽກງານຮັບປະ ກັນສຸຂະພາບຂອງພະນັກງານ-ນັກຮົບ ແມ່ນໄດ້ຊີ້ນຳໜ່ວຍງານ ເສນາຮັກເຄື່ອນໄຫວກວດວັດ ແທກອຸນຫະພູມໃຫ້ນາຍ ແລະ ພົນ ທະຫານເປັນປົກກະຕິ ແລະ ໄດ້ ລົງຕິດຕາມກວດກາສຸຂະພາບຂອງພະນັກງານ-ນັກຮົບເປັນປະ ຈຳ, ພ້ອມນັ້ນຍັງໄດ້ເບີກ-ຈ່າຍ ຢາປິ່ນປົວພະຍາດປະຈຳງວດໃຫ້ ແຕ່ລະກົມກອງເພື່ອປ້ອງກັນພະ ຍາດຕາມລະດູການ. ສະຫາຍ ພັນເອກ ຕຽງຄຳ ສຸວັນດາວົງ ຍັງກ່າວຕື່ມອີກວ່າ: ນອກຈາກວຽກງານທີ່ກ່າວມາຂ້າງເທິງນັ້ນ. ຄະນະຫ້ອງການບໍລິຫານ ຍັງໄດ້ເອົາໃຈໃສ່ຊີ້ນຳການປັບປຸງກໍ່ສ້າງພື້ນຖານໂຄງລ່າງ, ເຄຫະສະຖານທົ່ວອົງການກົມໃຫຍ່ພະລາທິການກອງທັບ ໃຫ້ມີຄວາມແໜ້ນໜາຖາວອນ ແລະ ເປັນລະບຽບຈົບງາມໃນນັ້ນ ແມ່ນໄດ້ຊີ້ນຳພະແນກກໍ່ສ້າງຕິດ ຕາມ-ກວດກາໂຄງການກໍ່ສ້າງຕ່າງໆຂອງກົມໃຫຍ່ ເຊັ່ນ: ໂຄງ ການກໍ່ສ້າງ ແລະ ສ້ອມແປງຕຶກອາຄານ, ເສັ້ນທາງເຂົ້າ-ອອກ, ຮ້ານອາຫານ, ເດີນກິລາ, ເຮືອນຮັບຕ້ອນ, ເຮືອນຄົວລວມ, ຫໍມູນ ເຊື້ອ ແລະ ສິ່ງປຸກສ້າງອື່ນໆທີ່ພວກເຮົາຮັບຜິດຊອບ, ວຽກງານການປູກຝັງ-ລ້ຽງສັດໄດ້ສຸມ ໃສ່ຕາມເງື່ອນໄງທ່າແຮງບົ່ມຊ້ອນ ຂອງຕົນບົນພື້ນຖານຍົກສູງນ້ຳ ໃຈເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນ ເອງ ຍູ້ແຮງປັບປຸງກໍ່ສ້າງກົມກອງໃຫ້ນັບມື້ເຕີບໃຫຍ່ເຂັ້ມແຂງຂຶ້ນຢ່າງບໍ່ຢຸດຢັ້ງ. ໂດຍ: ວັນໄຊ ໄຊສະຫວັດ

news to day and hot news