POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 15 ເມສາ 2026

ມອບ-ຮັບ ປື້ມ ລະຫວ່າງ ຫໍສະໝຸດກອງທັບ ກັບ ຫໍສະໝຸດແຫ່ງຊາດ
ເວລາອອກຂ່າວ: 2026-03-13 09:13:49 | ຜູ້ຂຽນ : admin1 | ຈຳນວນຄົນເຂົ້າຊົມ: 207 | ຄວາມນິຍົມ:

ພິທີ ມອບ-ຮັບ ປື້ມ ລະຫວ່າງ ຫໍສະໝຸດກອງທັບ ກັບ ຫໍສະໝຸດແຫ່ງຊາດ ໄດ້ຈັດຂຶ້ນໃນວັນທີ12 ມີນາ 2026 ນີ້, ທີ່ຫໍສະໝຸດກອງທັບ, ໂດຍການເຂົ້າຮ່ວມຂອງ ສະຫາຍ ພັນເອກ ໄຊຊະນະ ສະເຫຼີມສັກ ຮອງຫົວໜ້າກົມໂຄສະນາອົບຮົມ ກົມໃຫຍ່ການເມືອງກອງທັບ, ມີສະຫາຍ ສຳລານ ຫຼວງອາໄພ ອຳນວຍການຫໍສະໝຸດແຫ່ງຊາດ, ສະຫາຍ ພັນໂທ ນາງ ຄູນທອງ ທຳມະວົງ ອຳນວຍການຫໍສະໝຸດກອງທັບ, ມີພະນັກງານວິຊາການ ທັງສອງຫໍສະໝຸດ ເຂົ້າຮ່ວມ. ສະຫາຍ ສຳລານ ຫຼວງອາໄພ ໄດ້ຕາງໜ້າໃຫ້ຄະນະນຳຂອງກະຊວງວັດທະນະທຳ ແລະ ພະນັກງານ ຂອງຫໍສະໝຸດແຫ່ງຊາດ ກ່າວມອບປື້ມໃຫ້ຫໍສະໝຸດກອງທັບວ່າ: ມີຄວາມຮູ້ສຶກພາກພູມໃນ ແລະ ດີໃຈເປັນຢ່າງຍິ່ງ ທີ່ໄດ້ເປັນສ່ວນໜຶ່ງປະກອບສ່ວນເຂົ້າໃນວຽກງານສົ່ງເສີມວັດທະນະທຳການອ່ານ ແລະ ຊ່ວຍສະໜັບສະໜູນພັດທະນາການສຶກສາໃນຂົງເຂດກອງທັບ ໃຫ້ມີຂໍ້ມູນທີ່ຫຼາກຫຼາຍວິຊາເພື່ອຮຽນຮູ້ ແລະ ດີຂຶ້ນເປັນກ້າວໆ. ເຊິ່ງປື້ມທີ່ນຳມາມອບໃນຄັ້ງນີ້, ປະກອບມີ ປື້ມປະຫວັດສາດ, ວິທະຍາສາດ, ກົດໝາຍ, ເສດຖະກິດ, ວາ ລະສານ, ວັນນະຄະດີ, ນິທານ ແລະ ອື່ນໆ ລວມທັງໝົດ 274 ຫົວ, 48 ລາຍການ, ລວມມູນຄ່າ 35.000.000 ກີບ. ເຊິ່ງປື້ມຈຳນວນດັ່ງກ່າວ ແມ່ນເປັນການປະກອບສ່ວນ ຂອງຫໍສະໝຸດແຫ່ງຊາດ ແລະ ໄດ້ມາຈາກການຂົນຂວາຍນຳພາກສ່ວນຕ່າງໆ ເພື່ອນຳມາປະກອບສ່ວນເພີ່ມເຂົ້າໃນຄັງສາງຂໍ້ມູນທາງດ້ານປັນຍາ ຂອງຫໍສະໝຸດກອງທັບ ໃຫ້ມີຂໍ້ມູນທີ່ອຸດົມສົມບູນ ແລະ ມີຄວາມຫຼາກຫຼາຍ ເພື່ອໃຫ້ນາຍ ແລະ ພົນທະຫານ ຜູ້ທີ່ມີຄວາມສົນໃຈໃນການຮຽນຮູ້, ຄົ້ນຄວ້າ ແລະ ໃຊ້ບໍລິການ ໃນການສົ່ງເສີມວັດທະນະທຳການອ່ານໃນຫໍສະໝຸດກອງທັບໃຫ້ຫຼາຍຂຶ້ນກວ່າເກົ່າ. ໂອກາດນີ້, ສະຫາຍ ພັນໂທ ນາງ ຄູນທອງ ທຳມະວົງ ໄດ້ຕາງໜ້າໃຫ້ຄະນະພັກ-ຄະນະອຳນວຍການ ແລະ ພະນັກງານ-ນັກຮົບ ຫໍສະໝຸດກອງທັບ ກ່າວສະແດງຄວາມຂອບໃຈ ແລະ ຮູ້ບຸນຄຸນເປັນຢ່າງສູງຕໍ່ອຳນວຍການຫໍສະໝຸດແຫ່ງຊາດ ພ້ອມຄະນະ ທີ່ໄດ້ນຳເອົາປື້ມ ມາມອບໃຫ້ແກ່ຫໍສະໝຸດກອງທັບ ເຊິ່ງປື້ມຈຳນວນດັ່ງກ່າວ ແມ່ນຊັບສົມບັດອັນລ້ຳຄ່າເປັນຊັບສິນທາງປັນຍາ ທີ່ມີຄວາມໝາຍສຳຄັນຢ່າງຍິ່ງ ເປັນການປະກອບສ່ວນອັນໃຫຍ່ຫຼວງຕໍ່ການພັດທະນາຫໍສະໝຸດກອງທັບ ໃຫ້ມີບາດກ້າວອັນໃໝ່. ພວກເຮົາຂໍຊົມເຊີຍ ແລະ ຂໍຮັບເອົາດ້ວຍຄວາມຈິງໃຈ. ພ້ອມທັງ ຈະນຳໃຊ້ໃຫ້ເກີດຜົນປະໂຫຍດສູງສຸດ ເພື່ອໄວ້ໃຫ້ລູກຫຼານຜູ້ເກີດໃໝ່ໃຫຍ່ລຸນໄດ້ຄົ້ນຄວ້າສຶກສາຮ່ຳຮຽນ. ຈາກນັ້ນ, ກໍໄດ້ຈັດຕັ້ງ ມອບ-ຮັບ ຢ່າງເປັນທາງການ. ພ້ອມທັງ ມອບໃບສົມມະນາບຸນຄຸນ ໃຫ້ຫໍສະໝຸດແຫ່ງຊາດ ໂດຍການຂຶ້ນມອບຂອງ ສະຫາຍ ພັນເອກ ໄຊຊະນະ ສະເຫຼີມສັກ ຮອງຫົວໜ້າກົມໂຄສະນາອົບຮົມ ກົມໃຫຍ່ການເມືອງກອງທັບ ຢ່າງສົມກຽດ.

news to day and hot news