ວັນພຸດ, ວັນທີ 17 ມິຖຸນາ 2026
ມອບ-ຮັບ ໜ້າທີ່ຫົວໜ້າພະແນກກວດກາ ທະຫານແຂວງອັດຕະປື
ເວລາອອກຂ່າວ: 2026-05-11 09:59:08 | ຜູ້ຂຽນ : admin3 | ຈຳນວນຄົນເຂົ້າຊົມ: 130 | ຄວາມນິຍົມ: 
ພິທີມອບ-ຮັບ ໜ້າທີ່ຫົວໜ້າພະແນກກວດກາ ທີ່ຂຶ້ນກັບຫ້ອງການເມືອງ ກອງບັນຊາການທະຫານແຂວງອັດຕະປື ລະຫວ່າງສະຫາຍ ພັນໂທ ສີໄລ ພົມມະສານຫົວໜ້າພະແນກກວດກາ (ຜູ້ເກົ່າ) ແລະ ສະຫາຍ ພັນໂທ ແສນທະວີ
ແກ້ວມະນີ ຫົວໜ້າພະແນກກວດກາ (ຜູ້ໃໝ່) ໄດ້ຈັດຂຶ້ນໃນວັນທີ 5 ພຶດສະພາ 2026, ໂດຍມີ ສະຫາຍ ພັນໂທ ບຸນຍົງ ໄຊຍະຕະກຸນ ຮອງຫົວໜ້າຫ້ອງການເມືອງ ກອງບັນຊາການທະຫານແຂວງອັດຕະປື, ມີບັນດາ ຄະນະພັກ-ຄະນະບັນຊາ ຫ້ອງການເມືອງ ແລະ ພະແນກການ ທີ່ຂຶ້ນກັບ ເຂົ້າຮ່ວມ.
ສະຫາຍ ພັນໂທ ສີໄລ ພົມມະສານ ໄດ້ລາຍງານສະພາບການເຄື່ອນໄຫວຕະຫຼອດໄລຍະຜ່ານມາ,ໄດ້ຍົກໃຫ້ເຫັນທາງດ້ານທີ່ພົ້ນເດັ່ນ, ບາງບັນຫາຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ ໃນການເຮັດໜ້າທີ່ໃນຫົວໜ້າພະແນກກວດກາໃນໄລຍະຜ່ານມາ; ເຊິ່ງໄດ້ຮ່ວມກັບບັນດາ ຄະນະຫ້ອງການເມືອງໃຫ້ ການນຳພາ-ຊີ້ນຳ ທຸກວຽກງານ ແລະ ເຮັດສຳເລັດໜ້າທີ່ການເມືອງຂອງຕົນໄດ້ເປັນຢ່າງດີ; ຈາກນັ້ນ, ສະຫາຍ ພັນໂທ ແສນທະວີ ແກ້ວມະນີ ກໍໄດ້ມີຄຳເຫັນ ພ້ອມໃຫ້ຄຳໝັ້ນສັນຍາວ່າ: ຈະພະຍາຍາມຈັດຕັ້ງປະຕິບັດນຳພາ-ຊີ້ນຳ ວຽກງານກວດກາຈົນສຸດຄວາມສາມາດ, ສຸມໃສ່ປັບປຸງແບບແຜນວິທີເຮັດວຽກ, ເອົາໃຈໃສ່ເຝິກຝົນຫຼໍ່ຫຼອມຕົນເອງໃນທຸກດ້ານ, ເພີ່ມທະວີຄວາມສາມັກຄີພາຍໃນໃຫ້ເປັນປຶກແຜ່ນແໜ້ນໜາ, ສືບຕໍ່ປັບປຸງກໍ່ສ້າງວຽກງານກວດກາ ໃຫ້ມີຄວາມໜັກແໜ້ນ ເຂັ້ມແຂງ ໃນທຸກດ້ານ ແລະ ໄດ້ພ້ອມກັນລົງນາມເຊັນບົດບັນທຶກມອບ-ຮັບໜ້າທີ່ ຢ່າງເປັນທາງການ.
ໂດຍ: ແສງຫຼ້າ ກຸວົງສາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
