POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 17 ມິຖຸນາ 2026

ກອງພັນໃຫຍ່ 605 ປະກາດການລຸລ່ວງ ນາຍທະຫານພັກການເພື່ອກຽມຮັບບຳນານ
ເວລາອອກຂ່າວ: 2026-05-11 10:01:16 | ຜູ້ຂຽນ : admin3 | ຈຳນວນຄົນເຂົ້າຊົມ: 141 | ຄວາມນິຍົມ:

ໃນວັນທີ 6 ພຶດສະພາ 2026, ກອງພັນໃຫຍ່ 605 ໄດ້ປະກາດການລຸລ່ວງໃຫ້ ນາຍທະຫານພັກການກຽມເຂົ້າຮັບບຳນານ ຈຳນວນ 11 ສະຫາຍ, ໂດຍການເປັນປະທານຂອງ ສະຫາຍ ພັນເອກ ໄມສີ ມາວັນດີ ຫົວໜ້າການເມືອງ ກອງພັນໃຫຍ່ 605, ມີຄະນະພັກ-ຄະນະບັນຊາ ກອງພັນໃຫຍ່, ຂະ ແໜງການທີ່ກ່ຽວຂ້ອງ ແລະ ນາຍທະຫານທີ່ໄດ້ຮັບການອະນຸມັດໃຫ້ພັກການກຽມຮັບບຳ ນານ ເຂົ້າຮ່ວມ. ສະຫາຍ ພັນໂທ ທອງສອນ ທຳມະວົງ ຫົວໜ້າຂະແໜງພະນັກງານ ກອງພັນໃຫຍ່ 605 ໄດ້ຜ່ານຂໍ້ຕົກລົງຂອງກົມໃຫຍ່ການເມືອງກອງທັບ ແລະ ຂໍ້ຕົກລົງຂອງກອງພັນໃຫຍ່ 605 ວ່າດ້ວຍການອະນຸມັດໃຫ້ນາຍທະຫານ ຢູ່ ກອງພັນໃຫຍ່ 605 ພັກການເພື່ອກຽມຮັບບຳນານ, ອີງຕາມກົດໝາຍນານທະຫານກອງ ທັບປະຊາຊົນລາວ ວ່າດ້ວຍອາຍຸກະສຽນຮັບບຳນານຂອງນາຍທະຫານ, ອີງຕາມເງື່ອນໄຂນາຍທະຫານທີ່ມີອາຍຸກະສຽນສູງ ແລະ ອາຍຸການປະຕິວັດທີ່ກົດໝາຍໄດ້ກຳນົດ; ໃນນີ້, ກົມໃຫຍ່ການເມືອງກອງທັບ ຕົກລົງ ອະນຸມັດໃຫ້ ສະຫາຍ ພັນໂທ ສົມພອນພິມມະວົງ ຫົວໜ້າຂະແໜງບໍລິຫານ ພະແນກບໍລິຫານ-ສັງລວມ, ສະຫາຍ ພັນໂທ ພອນນີ ດວງພາວັນຊ່ວຍວຽກຂະແໜງຜະລິດກະສິກຳພະແນກພະລາ, ສະຫາຍ ພັນໂທ ຄຳກຶ່ງ ອິນທະວີໄຊ ຊ່ວຍວຽກຂະແໜງກໍ່ສ້າງຮາກຖານ, ສະຫາຍ ພັນໂທ ສິນນະສອນ ເກດສະໜາ ຫົວໜ້າການເມືອງກອງຮ້ອຍ 3 ກອງພັນທີ 3, ສະຫາຍ ພັນໂທ ວົງທອງ ວິໄລສອນ ຫົວໜ້າການເມືອງ ກອງຮ້ອຍບັນຊາການ, ສະຫາຍ ພັນໂທ ນາງສີພັນ ສີລິພອນ ແພດປິ່ນປົວ ໂຮງໝໍ 15 ຕຽງກອງພັນໃຫຍ່ 605 ແລະ ຂໍ້ຕົກລົງຂອງກອງພັນໃຫຍ່ 605 ວ່າດ້ວຍການອະນຸມັດໃຫ້ ສະຫາຍ ພັນຕີ ຄຳສີ ເທບພະພອນຫົວໜ້າໝູ່ 1 ໝວດລົດລາກແກ່ ກອງຮ້ອຍລົດ, ສະຫາຍ ພັນຕີ ຊຽງບຸນມີ ສຸພິນໂຍ ຊ່ວຍວຽກການເມືອງ ກອງພັນທີ 3, ສະຫາຍ ພັນຕີ ບຸນເຕື່ອຍ ແກ້ວບຸນທອງ ຊ່ວຍວຽກໝູ່ກໍ່ສ້າງ ພະແນກພະລາທິການ, ສະຫາຍ ພັນຕີ ບຸນເອີ້ມ ລໍວັນຈຽງ ຫົວໜ້າໝູ່ອຸຕຸນິຍົມ ກອງຮ້ອຍ 2 ກອງພັນທີ 3 ແລະ ສະຫາຍ ຮ້ອຍເອກ ຄຳພອນ ພັນສັດສະດີ ຊ່ວຍວຽກໝູ່ກໍ່ສ້າງພະແນກພະລາກອງພັນໃຫຍ່ 605. ສະຫາຍ ພັນເອກ ໄມສີ ມາວັນດີ ໄດ້ສະແດງຄວາມຍ້ອງຍໍຊົມເຊີຍຕໍ່ບັນດານາຍທະຫານທີ່ກະກຽມພັກການເຂົ້າຮັບບຳນານ ທີ່ໄດ້ສຸມທຸກສະຕິປັນຍາ, ເຫື່ອແຮງບໍ່ຮູ້ອິດຮູ້ເມື່ອຍ, ປະກອບສ່ວນຢ່າງໃຫຍ່ຫຼວງເຂົ້າໃນພາລະກິດປົກປັກຮັກສາ ແລະ ພັດທະນາປະເທດຊາດ ກໍຄື ການປັບປຸງກໍ່ສ້າງກອງທັບ ແລະ ກົມກອງໃຫ້ມີຄວາມເຂັ້ມແຂງ ໜັກແໜ້ນ, ເຮັດສຳເລັດໜ້າທີ່ການເມືອງອັນມີກຽດສະຫງ່າທີ່ພັກ-ລັດ ແລະ ປະຊາຊົນມອບໝາຍໃຫ້; ພ້ອມທັງ ໄດ້ຊີ້ແຈງຮູ້ກ່ຽວກັບນະໂຍບາຍຂອງພັກ-ລັດ ກໍຄື ກະຊວງປ້ອງກັນປະເທດທີ່ມີຕໍ່ພະນັກງານ-ນັກຮົບ; ເມື່ອຮອດອາຍຸກະສຽນ ກໍຕ້ອງມີການປະຕິບັດນະໂຍບາຍໃຫ້ຖືກຕ້ອງຕາມແນວທາງຂອງ ພັກ-ລັດ ແລະ ໄດ້ຮຽກຮ້ອງໃຫ້ ນາຍທະຫານທີ່ພັກການກຽມຮັບບຳນານ ຈົ່ງສືບຕໍ່ເປັນແບບຢ່າງສຶກສາອົບຮົມລູກຫຼານໃຫ້ເປັນຄົນດີຂອງສັງຄົມ ແລະ ຂອງຊາດ. ໂດຍ : ເພັງ ມະນີລະສິດ ພາບ: ລຳພູນ ບຸນວົງໄຊ

news to day and hot news