ວັນພຸດ, ວັນທີ 17 ມິຖຸນາ 2026
ເຜີຍແຜ່ຄວາມຮູ້ພື້ນຖານ ກ່ຽວກັບສິດ ແລະ ຜົນປະໂຫຍດຂອງກຳມະບານ ຢູ່ບໍລິສັດ ເບສ ເທເລຄອມ
ເວລາອອກຂ່າວ: 2026-05-11 10:06:38 | ຜູ້ຂຽນ : admin3 | ຈຳນວນຄົນເຂົ້າຊົມ: 136 | ຄວາມນິຍົມ: 
ໃນວັນທີ 7 ພຶດສະພາ 2026 ນີ້, ຫ້ອງການກຳມະບານກອງທັບ ນຳພາໂດຍ ສະຫາຍ ພັນໂທ ສອນທະນູ ແສງບົວລົມ ຮອງຫົວໜ້າຫ້ອງການກຳມະບານກອງທັບ ພ້ອມຄະນະ ໄດ້ລົງເຄື່ອນໄຫວເຜີຍແຜ່ຄວາມຮູ້ພື້ນຖານ ກ່ຽວກັບສິດ ແລະ ຜົນປະໂຫຍດຂອງກຳມະບານ ຢູ່ບໍລິສັດ ເບສ ເທເລຄອມ, ໂດຍມີສະຫາຍ ພັນໂທ ແກ້ວລະຄອນ ຈັນນີພອນ ຮອງອຳນວຍການບໍລິສັດ ເບສ ເທເລຄອມ ພ້ອມດ້ວຍຄະນະ ໃຫ້ການຕ້ອນຮັບ.
ການລົງເຄື່ອນໄຫວຄັ້ງນີ້, ໄດ້ເຜີຍແຜ່ຄວາມຮູ້ພື້ນຖານ ກ່ຽວກັບສິດ ແລະ ຜົນປະໂຫຍດຂອງກຳມະບານ ເພື່ອເປັນການເສີມສ້າງຄວາມຮູ້ ກ່ຽວກັບການປົກປ້ອງສິດ ແລະ ຜົນປະໂຫຍດຂອງຜູ້ອອກແຮງງານ, ໂດຍມີເປົ້າໝາຍສຳຄັນ ເພື່ອຜັນຂະຫຍາຍເນື້ອໃນຂໍ້ແຂ່ງຂັນ "5 ເປັນເຈົ້າ" ຂອງສະຫະພັນກຳມະບານລາວ ໃຫ້ປະກົດຜົນເປັນຈິງ, ທັງເປັນການປຸກລະດົມໃຫ້ພະນັກງານ-ກຳມະກອນ ຢູ່ບໍລິສັດ ເບສ ເທເລຄອມ ໄດ້ກຳແໜ້ນດ້ານແນວທາງການເມືອງ, ຮັບຮູ້ແຈ້ງເຖິງສິດ, ພັນທະ ແລະ ຜົນປະໂຫຍດອັນຊອບທຳຂອງຕົນເອງ. ພ້ອມກັນນີ້, ຍັງໄດ້ເນັ້ນໃຫ້ພະນັກງານ ໃນບໍລິສັດ ດຸໝັ່ນຊອກຮຽນຮູ້ຮ່ຳຮຽນ ເພື່ອໃຫ້ມີຄວາມຮູ້ຄວາມສາມາດ ດ້ານວິທະຍາສາດ-ເຕັກໂນໂລຊີ, ມີລະບຽບວິໄນ ໃນການອອກແຮງງານ ແລະ ມີຈິດໃຈຮັກຊາດ, ຮັກລະບອບໃໝ່ ເພື່ອສ້າງສະພາບແວດລ້ອມການເຮັດວຽກທີ່ປອດໄພ, ມີຄວາມຍຸດຕິທຳ ແລະ ຊຸກຍູ້ໃຫ້ພະນັກງານ ມີຄວາມຕື່ນຕົວສະໝັກໃຈເຂົ້າເປັນສະມາຊິກກຳມະບານ ໃຫ້ນັບມື້ຫຼາຍຂຶ້ນ.
ເນື່ອງໃນໂອກາດ ສະເຫຼີມສະຫຼອງວັນກຳມະກອນສາກົນ ຄົບຮອບ 140 ປີ, ສະຫາຍ ພັນໂທ ແກ້ວລະຄອນ ຈັນນີພອນ ໄດ້ຕາງໜ້າໃຫ້ຄະນະຜູ້ບໍລິຫານ ແລະ ພະນັກງານທົ່ວບໍລິສັດ ອວຍພອນໄຊອັນປະເສີດ ແລະ ມອບຂອງທີ່ລະນຶກ ໃຫ້ແກ່ຫ້ອງການກຳມະບານກອງທັບ ຕື່ມອີກ.
ໂດຍ: ໄພລິນ ບຸນຍັງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
