ວັນອັງຄານ, ວັນທີ 16 ມິຖຸນາ 2026
ກົມວິທະຍາສາດ-ປະຫວັດສາດ ການທະຫານ ປາຖະກະຖາວັນສຳຄັນຕ່າງໆ
ເວລາອອກຂ່າວ: 2026-05-14 10:44:23 | ຜູ້ຂຽນ : admin3 | ຈຳນວນຄົນເຂົ້າຊົມ: 240 | ຄວາມນິຍົມ: 
ວັນທີ 7 ພຶດສະພາ 2026 ນີ້, ກົມວິທະຍາສາດ-ປະຫວັດສາດ ການທະຫານກະຊວງປ້ອງກັນປະເທດ ໄດ້ຈັດພິທີປາຖະກະຖາວັນສຳຄັນທາງປະຫວັດສາດສອງວັນຂຶ້ນ, ໂດຍການເປັນປະທານຂອງ ສະຫາຍ ພັນເອກ ປອ
ໂພນທອງ ພັນຈະເລີນພົນ ຮອງຫົວໜ້າກົມວິທະຍາສາດ-ປະຫວັດສາດ ການທະຫານ, ມີຄະນະພັກ-ຄະນະບັນຊາ, ຕະຫຼອດຮອດພະນັກງານ-ນັກຮົບພາຍໃນກົມເຂົ້າຮ່ວມຮັບຟັງ.
ສະຫາຍ ປະທານໄດ້ຫວນຄືນມູນເຊື້ອສອງວັນປະຫວັດສາດເປັນຕົ້ນແມ່ນວັນສ້າງຕັ້ງສາຍພົວພັນຮ່ວມມືທາງການທູດ ລາວ-ຈີນ ທີ 25 ເມສາ 1961-25
ເມສາ 2026 ຄົບຮອບ 65 ປີ ແລະ ວັນປົດປ່ອຍພາກໃຕ້ຫວຽດນາມຄົບຮອບ 51 ປີ, ເຊິ່ງທັງສອງເອກະສານຖືວ່າມີຄວາມໝາຍ, ຄວາມສຳຄັນຕໍ່ພັກ-ລັດ ແລະ ປະຊາຊົນລາວເປັນເຫດການ, ການເມືອງທີ່ປະເທດລາວ, ປະຊາຊົນ
ລາວໄດ້ຈົດຈຳລຳລຶກຕໍ່ພາລະກິດປະຕິວັດປົດປ່ອຍຂອງຊາດລາວ ແລະ ຍຸກສ້າງສາພັດທະນາປະເທດຊາດ, ສອງປະເທດບ້ານໃກ້ເຮືອນຄຽງເປັນເພື່ອນມິດພິເສດເຄີຍຊ່ວຍເຫຼືອຄຽງບ່າຄຽງໄຫຼ່ຕໍ່ສູ້ປົດປ່ອຍປະເທດເຄີຍມີມູນເຊື້ອຊ່ວຍເຫຼືອກັນຕະຫຼອດມາ. ໂອກາດນີ້, ຍັງໄດ້ກ່າວບາງຕອນຕໍ່ວັນສຳຄັນມູນເຊື້ອໄຊຊະນະຄັ້ງຍິ່ງໃຫຍ່ບັ້ນຮົບປົດປ່ອຍພາກໃຕ້ຫວຽດນາມ ໃນວັນທີ 30 ເມສາ 2026 ຄົບຮອບ 51 ປີເປັນເຫດການປະຫວັດສາດຂອງກອງທັບ ແລະ ປະຊາຊົນຫວຽດນາມ ຍາດມາໄດ້ໃນການຕໍ່ສູ້ຕີກັບຈັກກະພັດອາເມຣິກາ ແລະ ລູກແຫຼ່ງຕີນມືຂອງພວກມັນສາມາດໂຮມເອົາປະເທດຫວຽດນາມທັງສອງພາກເຂົ້າກັນຢ່າງສົມບູນເງື່ອນໄຂອັນດີເຮັດໃຫ້ປະເທດລາວສາມາດຍຶດອຳນາດປົດປ່ອຍປະເທດອອກຈາກແອກປົກຄອງສັດຕູໂຕດຽວກັນ ສາມາດສະຖາປະນາປະເທດ ສປປ ລາວ ໃນວັນທີ 2 ທັນວາ ປີ 1975 ເນື້ອໃນເອກະສານເລົ່າມູນເຊື້ອວັນປົດປ່ອຍພາກໃຕ້ຫວຽດນາມ ໄດ້ຍົກໃຫ້ເຫັນເນື້ອໃນສຳຄັນຕົ້ນຕໍແມ່ນມູນເຊື້ອການຕໍ່ສູ້ສອງກອງທັບ ແລະ ປະຊາຊົນຫວຽດນາມ ຍຸດທະສາດຫັນປ່ຽນໂດຍສັນຕິຂອງຈັກກະພັດອາເມຣິກາຕໍ່ພາກໃຕ້ຫວຽດນາມ, ຂະບວນລຸກຮື້ຂຶ້ນຕໍ່ສູ້ຂອງກອງທັບ ແລະ ປະຊາຊົນຫວຽດນາມ ຕໍ່ຈັກກະພັດອາເມຣິກາ, ຄວາມໝາຍຄວາມສຳຄັນໃນບັ້ນຮົບປົດປ່ອຍພາກໃຕ້ຫວຽດນາມ, ຄວາມອົງອາດກ້າຫານທົນທານໜັກແໜ້ນຂອງກອງທັບ ແລະ ປະຊາຊົນຫວຽດນາມສາມາດ ຍາດໄດ້ໄຊຊະນະສືບຕໍ່ສ້າງສາພັດທະນາ ປະເທດຊາດໃຫ້ຈະເລີນກ້າວໜ້າ ອີກດ້ວຍ.
ຂ່າວ: ນາງພອນ ເພັດສຸລິນທອງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
