ວັນເສົາ, ວັນທີ 13 ມິຖຸນາ 2026
ຫົວໜ້າການເມືອງ ກທອ ເຂົ້າອວຍພອນຫ້ອງການຜູ້ຕາງໜ້າກະຊວງປ້ອງກັນປະເທດ ສ ຣັດເຊຍ ປະຈໍາ ສປປ ລາວ
ເວລາອອກຂ່າວ: 2026-05-14 15:28:09 | ຜູ້ຂຽນ : admin2 | ຈຳນວນຄົນເຂົ້າຊົມ: 575 | ຄວາມນິຍົມ: 
ໃນວັນທີ 8 ພຶດສະພາ 2026 ນີ້, ສະຫາຍ ພົນຈັດຕະວາ ທະນູກອນ ສຸລິຍະແສງ ຫົວໜ້າການເມືອງ ກອງບັນຊາການທະຫາອາກາດ ພ້ອມຄະນະ, ໄດ້ນໍາເອົາກະຕ່າດອກໄມ້ ແລະ ກະຕ່າຂອງຂວັນ ເຂົ້າອວຍພອນ ສະຫາຍ ພັນເອກ ມາລາຄ໋ອຟ ຮອງຫົວໜ້າຫ້ອງການຜູ້ຕາງໜ້າກະຊວງປ້ອງກັນປະເທດ ສ ຣັດເຊຍ ປະຈໍາ ສປປ ລາວ ພ້ອມຄະນະ, ເນື່ອງໃນໂອກາດ ວັນໄຊຊະນະຂອງ ສ ຣັດເຊຍ ຄົບຮອບ 81 ປີ (9/5/1945 - 9/5/2026).
ໂອກາດດັ່ງກ່າວ, ສະຫາຍ ພົນຈັດຕະວາ ທະນູກອນ ສຸລິຍະແສງ ໄດ້ຕີລາຄາສູງຕໍ່ໝາກຜົນແຫ່ງໄຊຊະນະຂອງ ສ ຣັດເຊຍ ທີ່ມີໄຊຊະນະ ຄົບຮອບອີກວາລະໜຶ່ງ, ພ້ອມກ່າວສະແດງຄໍາອວຍພອນໄຊອັນປະເສີດມາຍັງ ສະຫາຍ ພັນເອກ ມາລາຄ໋ອຟ ພ້ອມຄະນະ ຈົ່ງມີສຸຂະພາບແຂງແຮງ, ປະສົບຜົນສໍາເລັດໃນໜ້າທີ່ອັນມີກຽດ ແລະ ອວຍພອນໃຫ້ສາຍພົວພັນການຮ່ວມມືລະຫວ່າງສອງຊາດ, ສອງກອງທັບ ລາວ-ຣັດເຊຍ ໃຫ້ໝັ້ນຄົງທະນົງແກ່ນ ແລະ ຫັນເຂົ້າສູ່ລວງເລິກຍິ່ງໆຂຶ້ນ.
ຈາກນັ້ນ, ສະຫາຍ ພັນເອກ ລາມາຄ໋ອຟ ຮອງຫົວໜ້າຫ້ອງການຜູ້ຕາງໜ້າກະຊວງປ້ອງກັນປະເທດ ສ ຣັດເຊຍ ປະຈໍາ ສປປ ລາວ ກໍ່ໄດ້ສະແດງຄວາມຂອບໃຈຕໍ່ຄະນະນໍາ ກທອ ພ້ອມຄະນະ ທີ່ເຫັນໄດ້ຄວາມໝາຍຄວາມສໍາຄັນຕໍ່ວັນໄຊຊະນະ ສ ຣັດເຊຍ, ພ້ອມທັງອວຍພອນໃຫ້ ຄະນະນໍາ ກທອ ຈົ່ງມີສຸຂະພາບແຂງແຮງ ແລະ ເຮັດສໍາເລັດໜ້າທີ່ການເມືອງຂອງທ່ານ, ສືບຕໍ່ຮັດແໜ້ນຄວາມສາມັກຄີລະຫວ່າງສອງຊາດ, ສອງກອງທັບ ຣັດເຊຍ-ລາວ ໃຫ້ນັບມື້ແໜ້ນແຟ້ນຍິ່ງຂຶ້ນ.
ໂດຍ: ກທອ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
