POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 13 ມິຖຸນາ 2026

ສ່ອງແສງວຽກງານຮອບດ້ານ ທົ່ວກອງພັນໃຫຍ່ 301 ກອງພົນທີ 3
ເວລາອອກຂ່າວ: 2026-05-15 10:16:01 | ຜູ້ຂຽນ : admin3 | ຈຳນວນຄົນເຂົ້າຊົມ: 227 | ຄວາມນິຍົມ:

ຫວ່າງບໍ່ດົນຜ່ານມານີ້, ກອງພັນ 415 ກອງພັນໃຫຍ່ 301 ກອງພົນທີ 3 ເປັນເຈົ້າພາບຈັດກອງປະຊຸມສ່ອງແສງວຽກງານຮອບດ້ານໄຕມາດ 1 ແລະ ທິດທາງ ໄຕມາດ 2 ທົ່ວກອງພັນໃຫຍ່ 301 ໂດຍການເປັນປະທານ ຂອງ ສະຫາຍ ພັນໂທ ບຸນໄຊ ເພັງສຸວັນ ຫົວໜ້າການທະຫານກອງພັນໃຫຍ່ 301, ມີ ສະຫາຍ ພັນໂທ ວົງຄຳ ອຸ່ນທິກຸນ ຫົວໜ້າພະແນກສູ້ຮົບ ກອງພົນທີ 3, ມີ ຄະນະພັກ-ຄະນະບັນຊາ 5 ພະແນກການ, ກອງພັນ 414, 418 ແລະ ກອງຮ້ອຍເຂົ້າຮ່ວມ. ສະຫາຍ ພັນໂທ ດວງເຈີ ໝັ້ນທູ ຫົວໜ້າການເມືອງ ກອງ ພັນ 415 ໄດ້ຂຶ້ນຜ່ານບົດສະຫຼຸບ ສ່ອງແສງວຽກງານຮອບດ້ານປະຈຳໄຕມາດ I ແລະ ທິດທາງ ແຜນການປະຈຳໄຕມາດ II ຄະນະພັກ-ຄະນະບັນຊາ ຍາມໃດກໍ່ຖືເປັນບັນຫາສຳຄັນ ຕໍ່ວຽກງານ ການສຶກສາອົບຮົມການເມືອງນຳພາ-ແນວຄິດ ໃຫ້ສອດຫ້ອຍເຂົ້່າທຸກຄົງເຂດວຽກງານຂອງກົມກອງ ເຮັດໃຫ້ແນວຄິດຂອງພະນັກງານ-ນັກຮົບມີຄວາມສະຫງົບອຸ່ນອຽນທຸ່ນທ່ຽງ ເຊື່ອໝັ້ນຕົນເອງ, ເຊື່ອໝັ້ນຕໍ່ການຈັດຕັ້ງ, ເຮັດລ້ອນໜ້າທີ່ຂອງຕົນ ທີ່ອົງການຈັດຕັ້ງຂັ້ນເທິງມອບໝາຍໃຫ້ ຄະນະພັກ-ຄະນະບັນຊາໄດ້ຊີ້ນຳບັນດາກອງຮ້ອຍ ແລະ ໝວດ ຫັນລົງກໍ່ສ້າງຮາກຖານການເມືອງ ແບບທາງກວ້າງຕາມມູນເຊື້ອໃນຂອບເຂດບ້ານທີ່ກົມກອງຂອງຕົນຮັບຜິດຊອບ ແລະ ປະສານສົມທົບ ບັນດາກຳລັງທອງຖີ່ນ ເພື່ອຊຸກຍູ້ຂະບວນການກຳແໜ້ນສະພາບ ແລະ ສ່ອງແສງລາຍງານເປັນປົກກະຕິ ຊີ້ນຳບັນດາກົມກອງ ຈັດຕັ້ງກຳລັງເຄື່ອນໄຫວ ໄລຍະສັ້ນ, ໄລຍະຍາວຕາມຈຸດຍຸດທະສາດຕ່າງໆຕາມເສັ້ນຊາຍແດນລາວ-ໄທ ໃນຂອບເຂດກົມກອງຮັບຜິດຊອບ ນອກນັ້ນຍັງໄດ້ສົມ ທົບບັນດາບ້ານ, ເມືອງ ເພື່ອແກ້ໄຂບັນດາໜໍ່ແໜງຄວາມບໍ່ສະຫງົບທີ່ເກີດຂຶ້ນ ຈັດຕັ້ງກຳລັງກຽມພ້ອມສູ້ຮົບກອບກູ້ໄພພິບັດທີ່ອາດຈະເກີດຂຶ້ນ ໂດຍປະຕິບັດ ລະບອບປະຈຳການກຽມພ້ອມສູ້ຮົບ ນັບທັງກຳລັງພົນ, ພາຫະນະ ແລະ ມີຄະນະບັນຊາ, ສິດປະຈຳການສູ້ຮົບ ຕະລອດ 24 ຊົວໂມງ. ວຽກງານກໍ່ສ້າງພັກ-ກໍ່ສ້າງພະນັກງານ ແລະ ອົງການຈັດຕັ້ງມະຫາຊົນ ໄດ້ໃຫ້ຄວາມສຳຄັນໃນການສ້າງແຜ່ນກຳນົດພະນັກງານ 3 ຮຸ່ນ 3 ປະເພດ ຕາມທິດຊີ້ນຳຂອງຂັ້ນເທິງເພື່ອໃຫ້ສົມຄູ່ກັບໜ້າທີ່ການເມືອງຂອງກົມກອງ, ຈັດ ຕັ້ງເຜີຍແຜ່ບັນດາເອກກະສານມູນເຊື່ອຂອງພັກ, ຂອງກອງທັບເພື່ອຊຸກຍູ້ແນວຄິດຈິດໃຈໃຫ້ພະນັກງານສະມາຊິກພັກ-ນັກຮົບ ເພື່ອຍົກສູງນ້ຳໃຈຮັກຊາດຮັກລະ ບອບໃໝ່ ເປັນເຈົ້າຕົນເອງ ແລະ ເຮັດສຳເລັດໜ້າທີ່ ທີ່ພັກ - ລັດຂັ້ນເທິງມອບໝາຍໃຫ້ ພ້ອມນີ້ຍັງໄດ້ຈັດຕັ້ງປະຕິບັດ. ວຽກງານຮັບປະກັນດ້ານພະລາທິການ ດ້ານເຂົ້າກິນໄດ້ປະຕິບັດຄົບຖ້ວນທັນເວລາຕາມທີຂັ້ນເທິງອະນຸມັດ ດ້ານຊີ້ນກິນ-ຜັກກິນ ສາມາດຮັບປະກັນກຸ້ມຕົນເອງ ເພິ່ງຕົນເອງ ສາມາດຕອບສະໜອງເຂົ້າເຮືອນຄົວລວມໄດ້ 70% ວຽກງານປັບປຸງກໍ່ສ້າງກົມກອງ ໃນໄລຍະ 3 ເດືອນຜ່ານມາ ໄດ້ປັບປຸງເຮືອນຄົວລວມ ມູນຄ່າ 6.547.000 ກີບ, ວຽກງານປູກຝັງ-ລ້ຽງສັດ ໄດ້ເພີ່ມພູນຜະລິດຜົນ ແລະ ຮັກສາສັດລ້ຽງທີ່ກົມກອງມີຢູ່ເພື່ອຕອບສະໜອງຮັບປະກັນຊີ້ນເຂົ້າເຮືອນຄົວລວມ ເປັນປົກກະຕິ ພ້ອມນີ້ຍັງໄດ້ປະຕິບັດວຽກງານຫາລາຍໄດ້ ຕາມທ່າແຮງບົ່ມຊ້ອນຂອງກົມກອງໃນໄລຍະ 3 ເດືອນຜ່ານມາ ໄດ້ 18.500.000 ກີບ. ໂອກາດນີ້ກອງປະຊຸມຍັງໄດ້ຜ່ານທິດທາງແຜນການທີຈະສຸ່ມໃສຈັດຕັ້ງປະຕິບັດ ໃນໄຕມາດຕໍ່ໜ້າ ພ້ອມທັງສະຫຼຸບຈຸດດີ, ແກ້ໄຂຈຸດອ່ອນ ແລະ ບົດຮຽນທີຖອດຖອນໄດ້ ພ້ອມນີ້ ໄດ້ປະກອບຄຳຄິດຄຳເຫັນໃສ່ບົດສະຫຼູບຢ່າງກົງໄປກົງມາ ພ້ອມທັງມອບສິດໃຫ້ກົມກອງຕໍ່ໄປເປັນເຈົ້າພາບຈັດຕັ້ງກອງປະຊຸມໃນໄຕມາດໜ້າ. ໂດຍ: ຈອມແສງ ແສງມະນີ

news to day and hot news