POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 16 ມິຖຸນາ 2026

ກອງພັນໃຫຍ່ 279 ປິດຊຸດອົບຮົມກໍ່ສ້າງພະນັກງານວິຊາສະເພາະແກວົງ ຊັ້ນຕົ້ນ ຊຸດທີ VII
ເວລາອອກຂ່າວ: 2026-05-15 15:55:55 | ຜູ້ຂຽນ : admin2 | ຈຳນວນຄົນເຂົ້າຊົມ: 761 | ຄວາມນິຍົມ:

ວັນທີ 14 ພຶດສະພາ 2026 ນີ້, ກອງພັນໃຫຍ່ 279 ໄດ້ປິດຊຸດອົບຮົມກໍ່ສ້າງພະນັກງານ ວິຊາສະເພາະແກວົງ ຊັ້ນຕົ້ນ ຊຸດທີ VII ປະຈໍາສົກຮຽນ 2024-2025 ໂດຍການເປັນປະທານຂອງສະຫາຍ ພົນຈັດຕະວາ ທອງສະໄໝ ສຸກປະເສີດ ຮອງຫົວໜ້າກົມໃຫຍ່ ເສນາທິການກອງທັບ, ມີບັນດາແຂກ ທີ່ມາຈາກໂຮງຮຽນ, ກົມອົບຮົມ ແລະ ກົມກໍາລັງພົນ, ມີຄະນະພັກ-ຄະນະບັນຊາກອງພັນໃຫຍ່ 279 ພະແນກການ, ກອງພັນ, ກອງຮ້ອຍເອກະລາດ ຕະຫຼອດຮອດຄູ-ອາຈານ ແລະ ນັກຮຽນແກວົງເຂົ້າຮ່ວມ. ສະຫາຍ ພັນໂທ ບຸນຕ້ອມ ທອງສະຫວັດ ຫົວໜ້າພະແນກວິຊາການ ກອງພັນໃຫຍ່ 279 ໄດ້ຜ່ານບົດສະຫຼຸບຕີລາຄາຜົນສໍາເລັດ ການຮຽນ-ການສອນ ກໍາສ້າງວິຊາສະເພາະແກວົງ ລະບົບ 18 ເດືອນ ເປົ້າໝາຍການຮຽນ-ການສອນ ກໍ່ສ້າງວິຊາສະເພາະແກວົງຊັ້ນຕົ້ນ ໃຫ້ທະຫານອາຊີບທີ່ສະມັກເຂົ້າມາຢູ່ກອງແກວົງ ຈໍານວນ 58 ສະຫາຍ ຕະຫຼອດໄລຍະການອົບຮົມນັກຮຽນໄດ້ມີການປ່ຽນແປງຍ້ອນຄວາມຮຽກຮ້ອງຕ້ອງວຽກງານຂອງຂັ້ນເທິງ, ນັກຮຽນແກວົງຊຸດນີ້ໄດ້ຖືກໄປສຶກສາຕໍ່ທີ່ສະຫະພັນລັດເຊຍ ຈໍານວນ 5 ສະຫາຍ ວິຊາທີນໍາເອົາເຂົ້າຫຼັກສູດການຮຽນ-ການສອນໃນຄັ້ງນີ້ມີ ວິຊາການເມືອງ 42 ຊົ່ວໂມງ, ວິຊາການທະຫານ, ວິຊາວຽກງານພະລາທິການ, ເສນາຮັກ,ເຕັກນິກ, ວິຊາສໍາຄັນຕົ້ນຕໍຂອງວິຊາສະເພາະແກວົງ ວິຊາອານາໄມພັດເຊັດເຄື່ອງເສບເປົ່າ, ວິຊາທິດສະດີການອ່ານໂນດຊອນແຟ, ວິຊາບຸກຄົນເປົ່າແກ, ວິຊາເຕັກນິກເຝິກຊ້ອມຫັດແອບເປົ່າແກລວມໝູ່ ຕີລາຄາຜົນໄດ້ຮັບທີ່ພົ້ນເດັ່ນໃນການຮຽນຄັ້ງນີ້ ຄະນະພັກ-ຄະນະບັນຊາ ກອງພັນໃຫຍ່ 279 ຖືເອົາວຽກງານ ການຮຽນ-ການສອນ ກໍ່ສ້າງວິຊາສະເພາະແກວົງເປັນວຽກໜຶ່ງທີ່ສໍາຄັນ ຄະນະພັກ-ຄະນະບັນຊາແຕ່ລະຂັ້ນໄດ້ສຸມໃສ່ການຈັດຕັ້ງປະຕິບັດໄດ້ດັ່ງນີ້ ວິຊາການເມືອງ ເກັ່ງ 56 ສະຫາຍ, ກາງ 2 ສະຫາຍ, ວິຊາການທະຫານ ເກັ່ງ 40 ສະຫາຍ, ກາງ 15 ສະຫາຍ, ວິຊາພະລາທິການ, ເສນາຮັກ, ເຕັກນິກ ເກັ່ງ 45 ສະຫາຍ, ກາງ 13 ສະຫາຍ, ດ້ານວິຊາສະເພາະແກວົງ ດ້ານທິດສະດີ ໄດ້ຈັດຕັ້ງການສິດສອນອົບຮົມບັນດາທິດສະດີຫຼັກການພື້ນຖານ ຂອງວິຊາສິລະປະດົນຕຼີ ໃຫ້ເຂົ້າໃຈເຊື່ອມຊຶມແຕ່ລະພາກສ່ວນ, ແຕ່ລະຫົວຂໍ້ຕ່າງໆ ຜ່ານການປະຕິບັດຕົວຈິງພວກເຮົາໄດ້ນໍາພາເຝິກຊ້ອມໂນດຊອນແຟ ຮຽນເພງຊາດໃໝ່ ໄລຍະສັ້ນ ຫັດແອບສະແດງເສບເປົ່າຮັບໃຊ້ພິທີການຈັດຕັ້ງກໍາລັງ ແຕ່ລະຂັ້ນໄດ້ຮັບຜົນສໍາເລັດທີ່ດີ, ພາຍຫຼັງອົບຮົມທາງດ້ານທິດສະດີພື້ນຖານ ແລະ ພາກປະຕິບັດຕົວຈິງສໍາເລັດສາມາດຢັ້ງຢືນຄະແນນດັ່ງນີ້, ວິຊາປະກອບສ້າງ ແລະ ອະນາໄມຜັດເຊັດເຄື່ອງເສບເປົ່າ ເກັ່ງ 38 ສະຫາຍ, ກາງ 19 ສະຫາຍ, ວິຊາທິດສະດີໂນດຊອນແຟ ເກັ່ງ 53 ສະຫາຍ, ກາງ 05 ສະຫາຍ, ວິຊາອ່ານໂນດຊອນແຟ ເກັ່ງ 46 ສະຫາຍ, ກາງ 9 ສະຫາຍ, ບຸກຄົນເສບເປົ່າແກ ເກັ່ງ 39 ສະຫາຍ, ກາງ 16 ສະຫາຍ ສ້າງໄດ້ນັກເສບເປົ່າແກວົງທີ່ດີ ມີຄວາມຮູ້ຄວາມສາມາດ ສະແດງຮັບໃຊ້ພິທີການໃຫ້ຂັນເທິງໄດ້ສໍາເລັດດັ່ງນີ້ ເຄື່ອງເສບເປົ່າບັດແອັມໂຟນຽນ 10 ສະຫາຍ, ເຄື່ອງເປົ່າ ຊູບັດ 7 ສະຫາຍ, ເຄື່ອງເປົ້າຕຼອມບອນ 5 ສະຫາຍ, ເຄື່ອງເສບເປົ່າ ໄມ່ຢູ້ໂຟນ 3 ສະຫາຍ, ເຄື່ອງເສບເປົ່າ ກັອກເນ 1 ສະຫາຍ, ເຄື່ອງເສບເປົ່າ ຕຼອມແປັດ 4 ສະຫາຍ, ເຄື່ອງເສບເປົ່າ ແຊັກເຕນໍ 4 ສະຫາຍ ເຄື່ອງເສບເປົ່າ ແຊັກອານໂຕ 4 ສະຫາຍ, ເຄື່ອງເສບເປົ່າ ກາລາລິແນັດ 1 ສະຫາຍ, ກອງໃຫຍ່ 5 ສະຫາຍ, ເຄື່ອງເສບກອງນ້ອຍ 15 ສະຫາຍ ແລະ ສ້າງໄດ້ນັກຮຽນເກັ່ງ,ເດັ່ນພິເສດ ນັກຮຽນດີປະເພດ 1 ມີ 2 ສະຫາຍ, ນັກຮຽນດີປະເພດ 2 ມີ 5 ສະຫາຍ,ນັກຮຽນດີປະເພດ 3 ມີ 14 ສະຫາຍ, ຄູສອນດີປະເພດ 1 ມີ 4 ສະຫາຍ, ຄູສອນດີປະເພດ 2 ມີ 6 ສະຫາຍ, ຄູສອນດີປະເພດ 3 ມີ 15 ສະຫາຍ. ໃນກອງປະຊຸມຍັງໄດ້ຜ່ານຂໍ້ຕົກລົງ ວ່າດ້ວຍການປະດັບຊັ້ນ ໃຫ້ນັກຮຽນແກວົງ ຢູ່ກອງພັນໃຫຍ່ 279 ໃນນີ້ເລື່ອນຊັ້ນ ແລະ ປະດັບທຽບຊັ້ນ ໃຫ້ນັກຮຽນແກວົງຊັ້ນຕົ້ນ ຈໍານວນ 52 ສະຫາຍ ເລື່ອນຊັ້ນ ສິບໂທຂຶ້ນສິບເອກຈໍານວນ 3 ສະຫາຍ, ເລື່ອນສິບຕິຂຶ້ນສິບເອກ 3 ສະຫາຍ ຈາກນັ້ນ ສະຫາຍ ພັນເອກ ບຸນປໍ ໄຊວົງສາ ຫົວໜ້າການທະຫານ ກອງພັນໃຫຍ່ 279 ກໍໄດ້ໃຫ້ກຽດມອບໃບປະກາດຕໍ່ນັກຮຽນທີ່ສໍາເລັດການຮຽນຄັ້ງນີ້ຢ່າງສົມກຽດ. ໂດຍ ນ.ມະນີວັນ ນິທະກອນ

news to day and hot news