POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 17 ມິຖຸນາ 2026

ວິທະຍາຄານການແພດກອງທັບ ເລັ່ງໃສ່ປັບປຸງ 6 ປັດໄຈ ເພື່ອສ້າງບຸກຄະລາກອນການແພດ ໃຫ້ມີຄຸນນະພາບ
ເວລາອອກຂ່າວ: 2026-05-20 09:21:04 | ຜູ້ຂຽນ : admin1 | ຈຳນວນຄົນເຂົ້າຊົມ: 194 | ຄວາມນິຍົມ:

ວິທະຍາຄານການແພດກອງ ທັບ ແມ່ນ 1 ໃນ 5 ວິທະຍາຄານ ທີ່ຂຶ້ນກັບກະຊວງປ້ອງກັນປະ ເທດ, ມີພາລະບົດບາດ ເປັນເສ ນາທິການໃຫ້ກະຊວງປ້ອງກັນປະເທດ, ກົມໃຫຍ່ພະລາທິການກອງທັບ ກໍຄືຂະແໜງເສນາຮັກ ໃນການຄົ້ນຄວ້າຫຼັກສູດການຮຽນ-ການສອນ ແລະ ຈັດຕັ້ງປະ ຕິບັດຫຼັກການການຮຽນ-ການສອນທຸກລະບົບຫຼັກສູດ ໂດຍສະ ເພາະການແພດ-ການແພດທະຫານ, ການຢາ, ເຕັກນິກການແພດ ແລະ ອື່ນໆ ເພື່ອສ້າງບຸກຄະລາກອນ ໃຫ້ແກ່ຂະແໜງເສນາຮັກ ອອກຮັບໃຊ້ທົ່ວກອງທັບ ກໍຄື ຮັບໃຊ້ສັງຄົມ. ສະຫາຍ ພົນຈັດຕະວາ ຮຈ ປອ ຈັນສະໝອນ ມະຫາວົງ ຫົວ ໜ້າການທະຫານ ວິທະຍາຄານການແພດກອງທັບ ໄດ້ຍົກໃຫ້ເຫັນເຖິງການກຳເນີດເຕີບໃຫຍ່ຂະຫຍາຍຕົວ ຂອງວິທະຍາຄານການແພດກອງທັບ ໄດ້ກຳເນີດເກີດຂຶ້ນ ໂດຍໄດ້ຜ່ານແຕ່ລະໄລ ຍະເປັນຕົ້ນ ໃນລະຫວ່າງປີ 1986-1987 ໄດ້ປ່ຽນຊື່ຈາກໂຮງຮຽນແພດຊັ້ນສູງ ເປັນວິທະ ຍາໄລແພດສາດກອງທັບ ໂດຍໄດ້ຮັບອະນຸມັດ ສ້າງຫຼັກສູດອະນຸປະລິນຍາຕີ ຢ່າງເປັນທາງການ ຈາກກະຊວງສຶກສາທິການ ແລະ ກິລາ, ໄລຍະນັ້ນວິທະຍາໄລແພດ ສາດກອງທັບ ໄດ້ເຄື່ອນໄຫວຕາມ ໜ້າທີ່ການເມືອງຂອງຕົນ ໂດຍປະຕິບັດຕາມຄຳສັ່ງແນະນຳຂອງ ກະຊວງປ້ອງກັນປະເທດ. ມາຮອດປີ 2015 ໄດ້ຮັບການຕົກລົງເຫັນດີຂອງກະຊວງປ້ອງກັນປະເທດ ອະນຸມັດຍົກລະດັບຈາກ ວິທະຍາໄລແພດສາດ ເປັນວິທະ ຍາຄານການແພດກອງທັບ. ໃນ ວັນທີ 28 ມີນາ 2016 ລັດຖະ ບານ ໄດ້ອອກດຳລັດຮັບຮອງ ເປັນວິທະຍາຄານການແພດກອງ ທັບ ຢ່າງເປັນທາງການ ແລະ ໄດ້ເຄື່ອນໄຫວເຮັດໜ້າທີ່ວິຊາສະ ເພາະຕາມການມອບໝາຍ. ພາຍ ຫຼັງສ້າງເປັນວິທະຍາຄານກົມ ກອງ ໄດ້ປັບປຸງຫຼາຍດ້ານເປັນ ຕົ້ນປັບປຸງລະບົບໂຄງຮ່າງການ ຈັດຕັ້ງໃຫ້ເໝາະສົມກັບໜ້າທີ່ການເມືອງ, ສັບຊ້ອນບຸກຄະລາກອນວິຊາການ ໃຫ້ຖືກຕາມໂຄງ ຮ່າງການຈັດຕັ້ງ ໂດຍສະເພາະ ເລັ່ງໃສ່ປັບປຸງຍົກສູງບຳລຸງ-ກໍ່ ສ້າງ, ເຝິກອົບຮົມຄູ-ອາຈານ ເພື່ອ ສຸມໃສ່ປະກອບໜ້າທີ່ຕຳແໜ່ງ ເຂົ້າໃສ່ຂະບວນການສິດສອນ ໃຫ້ມີຄຸນນະພາບ ພ້ອມນັ້ນ, ຍັງໄດ້ປັບປຸງຫ້ອງຮຽນ-ຫ້ອງທົດລອງ, ຫໍພັກ, ເຮືອນກິນເຂົ້າ ແລະ ບ່ອນທົດລອງຕ່າງໆ ດີຂຶ້ນເປັນກ້າວໆ. ນອກນັ້ນ, ຍັງເລັ່ງໃສ່ປັບປຸງ 6 ປັດໃຈ ທີ່ປະກອບສ່ວນເຂົ້າໃນການສ້າງຄຸນນະພາບໃຫ້ແກ່ການສຶກສາ ໃນນັ້ນ,ໄດ້ປັບປຸງລະບົບຄັດຈ້ອນນັກສຶກສາເຂົ້າຮຽນການ ແພດທຸກລະບົບ ໃຫ້ໄດ້ຕາມ ມາດ ຕະຖານ, ຕາມຄວາມຮຽກຮ້ອງຕ້ອງການຕົວຈິງ ຂອງກະຊວງປ້ອງກັນປະເທດວາງອອກ, ເຝິກ ອົບຮົມຍົກລະດັບຄູ-ອາຈານ ໃຫ້ມີຄວາມຮູ້-ຄວາມສາມາດ ເພື່ອນຳໃຊ້ບົດຮຽນອັນໃໝ່ ທີ່ມີວິທະຍາສາດ ເຂົ້າສູ່ຂະບວນການສິດສອນ ໃຫ້ມີປະສິດທິພາບ ເຮັດໃຫ້ນັກສຶກສາເຂົ້າໃຈບົດຮຽນໄດ້ງ່າຍ ແລະ ນຳໄປຈັດຕັ້ງປະຕິບັດໃຫ້ຖືກຕ້ອງ, ມີຄຸນນະພາບດີຂຶ້ນ. ພ້ອມທັງ ປັບປຸງຫ້ອງຮຽນ-ຫ້ອງທົດລອງ ເພາະການຮ່ຳຮຽນໃນຂົງເຂດຫຼັກສູດການແພດ ແມ່ນເລັ່ງໃສ່ຮຽນທິດສະດີ 1 ສ່ວນ 3, 2 ສ່ວນ 3 ຂອງເນື້ອໃນຫຼັກສູດແມ່ນປະຕິບັດຕົວຈິງ, ສ່ວນການປະຕິບັດຕົວຈິງ ແມ່ນປະຕິບັດຢູ່ຫ້ອງທົດລອງພາຍຫຼັງຮຽນທິດສະດີ ແລະ ຫຼັງຈາກນັ້ນ ປະຕິບັດຢູ່ພາກສະໜາມຫັດແອບ ນອກຈາກນັ້ນ, ຍັງໄດ້ລົງປະຕິບັດຢູ່ໂຮງໝໍ ເພື່ອເຮັດໃຫ້ນັກສຶກສາກຳໄດ້ສະ ພາບປົກກະຕິ ຫຼື ສະພາບເປັນພະຍາດ ໃຫ້ຮູ້ວິທີກວດ, ບົ່ງມະຕິ ວາງທິດທາງໃຫ້ຖືກຕ້ອງ ແລະ ສອດຄ່ອງ ຄຽງຄູ່ກັນນັ້ນ, ຍັງໄດ້ປັບປຸງບັນດາຫຼັກສູດທຸກລະ ບົບການຮຽນ-ການສອນ, ທັງຫຼັກສູດການແພດ, ການແພດທະ ຫານ, ເຕັກນິກການແພດ ໂດຍປະຕິບັດຕາມທິດຊີ້ນຳ ແນວທາງການທະຫານຂອງກອງທັບ, ແນວທາງຮັບປະກັນຂອງກົມໃຫຍ່ພະລາທິການກອງທັບ ແລະ ໜ້າທີ່ຄວາມຮັບຜິດຊອບຕົວຈິງ ຂອງຂະແໜງເສນາຮັກ ເພື່ອສ້າງບຸກຄະລາກອນແພດໝໍ ໃຫ້ມີຄຸນນະທຳ, ຈັນຍາບັນ, ຈັນຍາທຳ, ມີຄວາມຮູ້ຄວາມສາມາດ ອອກຮັບໃຊ້ໜ້າທີ່ກອບກູ້ເຊີດຊູ, ປິ່ນປົວຄົນເຈັບໄດ້ຕາມການມອບໝາຍຂອງຫົວໜ່ວຍກົມກອງ ທີ່ໄດ້ປະກອບໃຫ້. ຕະຫຼອດໄລຍະຜ່ານມາ ໂດຍການເອົາໃຈໃສ່ ຈາກກະຊວງປ້ອງກັນປະເທດ, ກົມໃຫຍ່ພະ ລາທິການກອງທັບ ແລະ ກົມເສ ນາຮັກ ໄດ້ອຸ້ມຊູຊ່ວຍເຫຼືອສະ ໜອງງົບປະມານ ເພື່ອຈັດຕັ້ງປະກອບເຄື່ອງມືອຸປະກອນຮັບໃຊ້ເຂົ້າໃນການຮຽນ-ການສອນ ນອກນັ້ນ, ຍັງໄດ້ຍົກສູງລະບຽບການສິດສອນ-ຮ່ຳຮຽນ ໃຫ້ໄດ້ມາດຕະຖານ, ຖືກຕ້ອງຕາມຄວາມຮຽກຮ້ອງຕ້ອງການຕົວຈິງ ໃນສະເພາະໜ້າ ແລະ ຍາວນານ. ສະຫາຍ ຮ້ອຍເອກ ອຸທາ ທະວີໄຊ ອາຈານສອນວິຊາຮູບຮ່າງ ຄະນະວິຊາຄູ ວິທະຍາຄານການແພດກອງທັບ ໄດ້ໃຫ້ສຳ ພາດວ່າ: ຄະນະວິຊາຄູມີ 11 ພະແນກຂຶ້ນກັບ, ມີໜ້າທີ່ປະຕິບັດວຽກງານການສິດສອນ ຕາມໂຄງການຫຼັກສູດຂອງຫ້ອງອົບ ຮົມ ວິທະຍາຄານ ນອນນີ້, ບັນດາຄູ-ອາຈານຍັງມີໜ້າທີ່ແຕ່ງບົດສອນ ແລະ ຂຶ້ນຫ້ອງສອນທັງພາກທິດສະດີ ແລະ ພາກປະຕິບັດຕົວຈິງ ໂດຍໄດ້ອີງໃສ່ເອກະສານແມ່ຫຼາຍໆ ເອກະສານ. ສະຫາຍ ຮ້ອຍຕີ ວັນສະເຫຼີມ ສີບຸນມາ ນັກສຶກສາຫ້ອງແພດປະລິນຍາຕີ ສາຂາແພດທົ່ວໄປ ໄດ້ສະແດງທັດສະນະຂອງຕົນ ວ່າ: ມີຄວາມຮູ້ສຶກພາກພູມໃຈ ແລະ ກະຕືລືລົ້ນ ໃນການຮ່ຳຮຽນ ເພາະໄດ້ຮັບໂອກາດ ມາສຶກສາຮ່ຳຮຽນຢູ່ວິທະຍາຄານແຫ່ງນີ້. ພາຍຫຼັງທີ່ຮຽນຈົບແລ້ວ ຈະນຳເອົາບັນດາຄວາມຮູ້ທີ່ໄດ້ຮຽນມາ ໄປພັດທະນາຕົນເອງ ເພື່ອເຮັດໃຫ້ມີທັກສະທີ່ເຂັ້ມແຂງ ແລະ ສາມາດແກ້ໄຂກໍລະນີຕ່າງໆ ທີ່ຈະເກີດຂຶ້ນໃນຕໍ່ໜ້າ, ຈະນຳເອົາແບບແຜນທີ່ທັນສະໄໝ ໄປປັບໃຊ້ຢູ່ໃນກົມກອງ ເພື່ອເຮັດໃຫ້ການປິ່ນປົວ ມີປະສິດທິພາບ ແລະ ປະສິດທິຜົນຍິ່ງຂຶ້ນ. ເນື່ອງໃນໂອກາດ ກະກຽມສະ ເຫຼີມສະຫຼອງວັນສ້າງຕັ້ງເຫຼົ່າຮົບພະລາທິການກອງທັບ ຄົບຮອບ 70 ປີທີ່ຈະມາເຖິງນີ້, ສະຫາຍ ພົນຈັດຕະວາ ຮຈ ປອ ຈັນສະໝອນ ມະຫາວົງ ຕາງໜ້າຄະນະພັກ-ຄະ ນະອຳນວຍການວິທະຍາຄານ ແລະ ນັກສຶກສາ ສະແດງຄວາມຮູ້ບຸນຄຸນຕໍ່ການນຳ ກົມໃຫຍ່ພະ ລາທິການກອງທັບ ທີ່ໄດ້ອຸ້ມຊູຊ່ວຍເຫຼືອ, ອວຍພອນໄຊອັນປະ ເສີດ ໃຫ້ການນຳກະຊວງປ້ອງ ກັນປະເທດ ເວົ້າລວມ, ເວົ້າສະ ເພາະ ກົມໃຫຍ່ພະລາທິການກອງ ທັບ, ບັນດາກົມທີ່ຂຶ້ນກັບກົມໃຫຍ່ ພະລາທິການກອງທັບ ຈົ່ງມີສຸຂະ ພາບເຂັ້ມແຂງ, ສືບຕໍ່ເປັນກຳລັງຫຼັກແຫຼ່ງ ໃຫ້ກະຊວງປ້ອງກັນປະເທດ ໃນວຽກງານຮັບປະກັນພະລາທິການ ບໍ່ວ່າໃນຍາມສັນ ຕິພາບ ກໍຄືໃນຍາມກຽມພ້ອມສູ້ຮົບ, ອວຍພອນບັນດາສະຫາຍ ຈົ່ງມີສຸຂະພາບເຂັ້ມແຂງ ພ້ອມ ກັນເຮັດສຳເລັດໜ້າທີ່ ທີ່ການ ຈັດຕັ້ງຂັ້ນເທິງມອບໝາຍ. ໂດຍ: ລີຕ່າ ກັດຕິຍະວົງ (ວິທະຍຸກອງທັບ)

news to day and hot news