POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 20 ກໍລະກົດ 2026

3 ອົງການຈັດຕັ້ງມະຫາຊົນກອງທັບ ຢ້ຽມຊົມ ອະນຸສອນສະຖານ ຄຸກກັກຂັງຜູ້ນຳພັກ-ແນວລາວຮັກຊາດ ແລະ ຫໍພິພິທະພັນປະຫວັດສາດກອງທັບ
ເວລາອອກຂ່າວ: 2026-06-05 08:48:04 | ຜູ້ຂຽນ : admin1 | ຈຳນວນຄົນເຂົ້າຊົມ: 222 | ຄວາມນິຍົມ:

ໃນວັນທີ 3 ມິຖຸນາ 2026 ນີ້, 3 ອົງການຈັດຕັ້ງມະຫາຊົນກອງທັບ (ຫ້ອງການຊາວໜຸ່ມ, ຫ້ອງການສະຫະພັນແມ່ຍິງ ແລະ ຫ້ອງການກຳມະບານກອງທັບ) ນຳພາໂດຍ ສະຫາຍ ພັນເອກ ຫົງທອງ ສີຊານົນ ຄະນະເລຂາ ທິການສູນການຊາວໜຸ່ມປະຊາຊົນປະຕິວັດລາວ, ຫົວໜ້າຫ້ອງການຊາວໜຸ່ມກອງທັບ ພ້ອມດ້ວຍຄະນະ ໄດ້ເຂົ້າຢ້ຽມຊົມ ແລະ ທັັັັດສະນະສຶກສາ ຢູ່ອະນຸສອນສະຖານ ຄຸກກັກຂັງຜູ້ນຳພັກ-ແນວລາວຮັກຊາດ ແລະ ຫໍພິພິທະພັນປະຫວັດສາດກອງທັບ. ສະຫາຍ ພັນເອກ ຫົງທອງ ສີຊານົນ ກ່າວວ່າ: ການເຂົ້າຢ້ຽມຊົມ ແລະ ທັັັັດສະນະສຶກສາ ຄັ້ງນີ້ ເປັນການສ້າງຂະບວນການຂ່ຳນັບຮັບຕ້ອນ ວັນປະຫວັດ ສາດສຳຄັນຕ່າງໆ ຂອງຊາດ, ຂອງພັກ, ຂອງກອງທັບ, ຂອງທ່ານຜູ້ນຳ ໂດຍສະເພາະ ແມ່ນລະນຶກເຖິງວັນຜ່າວົງປິດລ້ອມ ຂອງກອງພັນທີ 2 ຄົບຮອບ 67 ປີ ແລະ ວັນໂຕນຄຸກຢ່າງມະຫັດສະຈັນ ຂອງຜູ້ນຳພັກ ແລະ ແນວລາວຮັກຊາດ ຄົບຮອບ 66 ປີ ໃຫ້ມີເນື້ອໃນຄວາມໝາຍເລິກເຊິ່ງ, ເພື່ອສະແດງຄວາມເຄົາລົບຮັກ, ກະຕັນຍູຮູ້ບຸນຄຸນ ຕໍ່ອະດີດຜູ້ນຳທີ່ແສນເຄົາລົບຮັກຂອງປວງຊົນລາວທັງຊາດ, ເຊິ່ງເວລາໃດ ທ່ານກໍໄດ້ຕິດພັນຢ່າງສະໜິດແໜ້ນ ໃນການນຳພາ ພາລະກິດປະຕິວັດອັນຍິ່ງໃຫຍ່ ຂອງພັກ ແລະ ຂອງປະເທດຊາດ ທັງຢູ່ໃນໄລຍະຕໍ່ສູ້ກູ້ຊາດ ກໍຄື ໄລຍະປົກປັກຮັກສາ ແລະ ສ້າງສາພັດທະນາປະເທດຊາດ ພ້ອມກັນນີ້, ກໍເພື່ອເປັນການສົ່ງເສີມໃຫ້ ສະມາຊິກຊາວໜຸ່ມ, ສະຫະພັນແມ່ຍິງ ແລະ ກຳມະບານ ເຝິກຝົນຫຼໍ່ຫຼອມຕົນເອງ ໃນການຊອກຮູ້ຮ່ຳຮຽນ ມູນເຊື້ອປະຫວັດສາດຂອງຊາດ, ຂອງພັກ, ຂອງກອງທັບ, ຂອງທ່ານຜູ້ນຳ ໂດຍສະເພາະແມ່ນ ແບບແຜນວິທີເຮັດວຽກ ແລະ ຄຸນສົມບັດສິນທຳປະຕິວັດ ຂອງທ່ານຜູ້ນຳແຕ່ລະທ່ານ ໃຫ້ຕິດພັນກັບຂະບວນການຕ່າງໆ ນັບມື້ກວ້າງຂວາງຍິ່ງຂຶ້ນ, ແນໃສ່ສຶກສາອົບຮົມພະນັກງານ-ນັກຮົບ ໃຫ້ເຫັນໄດ້ມູນເຊື້ອ, ໄຊຊະນະ ທີ່ ທ່ານຜູ້ນຳ ຍາດມາໄດ້ ໃນພາລະກິດຕໍ່ສູ້ປົດປ່ອຍຊາດ ແລະ ປົກປັກຮັກສາພັດທະນາປະເທດຊາດ ພ້ອມກັນເປັນເຈົ້າການປັບປຸງກໍ່ສ້າງການຈັດຕັ້ງ ໃຫ້ໜັກແໜ້ນເຂັ້ມແຂງ, ເປັນກຳລັງແຮງຕົ້ນຕໍຂອງກອງທັບ ແລະ ເຮັດສຳເລັດໜ້າທີ່ ຢ່າງສົມກຽດ. ໂດຍ: ນາງ ເກດແກ້ວ ນວນທະສິງ

news to day and hot news