ວັນເສົາ, ວັນທີ 11 ກໍລະກົດ 2026
ສືບຕໍ່ຊຸກຍູ້ການຮ່ວມມືຢ່າງແທດຈິງ ລະຫວ່າງສະພາແຫ່ງຊາດຫວຽດນາມ ແລະ ຝຣັ່ງ
ເວລາອອກຂ່າວ: 2026-06-08 15:14:35 | ຜູ້ຂຽນ : admin3 | ຈຳນວນຄົນເຂົ້າຊົມ: 139 | ຄວາມນິຍົມ: 
ວັນທີ 4 ມິຖຸນາ, ທີ່ຮ່າໂນ້ຍ, ທ່ານພົນໂທ ຫງວຽນຢວານແອງ ຮອງປະທານສະພາແຫ່ງຊາດຫວຽດນາມ ໄດ້ຕ້ອນຮັບຄະນະກຳມາທິການປ້ອງກັນຊາດ ແລະ ບັນດາກຳລັງປະກອບອາວຸດຂອງສະພາຕ່ຳຝຣັ່ງ, ນຳໂດຍທ່ານ ເຈມ ໄມເຄີນ ປະທານຄະນະກຳມາທິການ, ເນື່ອງໃນໂອກາດມາຢ້ຽມຢາມ ແລະເຮັດວຽກຢູ່ຫວຽດນາມ.
ທ່ານ ຮອງປະທານສະພາແຫ່ງຊາດຫວຽດນາມ ຢືນຢັນວ່າ ການຢ້ຽມຢາມມີຄວາມໝາຍສຳຄັນ, ດຳເນີນໃນສະພາບການ ຫວຽດນາມ-ຝລັ່ງ ພວມພັດທະນາອັນດີງາມໃນຂົງເຂດຕ່າງໆ, ຄື: ການເມືອງ, ເສດຖະ ກິດ, ວັດທະນະທຳ, ການແພດ ແລະການສຶກສາ... ພິເສດ, ເລື່ອງສອງປະເທດຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດຮອບດ້ານໃນເດືອນ ຕຸລາ 2024 ແມ່ນຂີດໝາຍສຳຄັນ, ສະແດງໃຫ້ເຫັນລະດັບສູງໃໝ່ຂອງຄວາມໄວ້ເນື້ອເຊື່ອໃຈດ້ານການເມືອງ, ລົງເລິກການຮ່ວມມື ແລະການຕິດພັນອັນຍາວນານລະຫວ່າງສອງປະເທດ.ຝຣັ່ງແມ່ນໜຶ່ງໃນບັນດາຄູ່ຮ່ວມມືສຳຄັນແຖວໜ້າຂອງຫວຽດນາມ ໃນອີຢູ; ແມ່ນປະເທດສະມາຊິກອີຢູ ທຳອິດສ້າງຕັ້ງການພົວພັນຄູ່ຮ່ວມມືຍຸດທະສາດຮອບດ້ານກັບຫວຽດນາມ.
ສອງຝ່າຍໄດ້ລົງນາມຂໍ້ຕົກລົງຮ່ວມມືກັບສະພາສູງ ແລະ ສະພາຕ່ຳຝຣັ່ງ; ຮັກສາການແລກປ່ຽນຄະນະ, ການພົບປະຂັ້ນສູງ; ເພີ່ມທະວີການຮ່ວມມືລະຫວ່າງກຳມາທິການວິຊາສະເພາະ, ກຸ່ມສະມາຊິກລັດຖະສະພາມິດຕະພາບ; ສົມທົບກັນຢ່າງຕັ້ງໜ້າຢູ່ເວທີລັດຖະສະພາຫຼາຍຝ່າຍ. ການເຄື່ອນໄຫວນີ້ບໍ່ພຽງແຕ່ປະກອບສ່ວນປັບປຸງຄວາມໄວ້ເນື້ອເຊື່ອໃຈດ້ານການເມືອງລະຫວ່າງສອງອົງການນິຕິກຳເທົ່ານັ້ນ ຫາກຍັງປະກອບສ່ວນແທດຈິງເຂົ້າໃນການເຮັດໃຫ້ການພົວພັນຄູ່ຮ່ວມມືຍຸດທະສາດຮອບດ້ານຫວຽດນາມ-ຝຣັ່ງ ເລິກເຊິ່ງກວ່າອີກ.
ທ່ານ ເຈມ ໄມເຄີນ ແຈ້ງໃຫ້ຊາບກ່ຽວກັບການຢ້ຽມຢາມ ແລະເຮັດວຽກຢູ່ຫວຽດນາມ ຂອງຄະນະ, ຈຸດປະສົງຂອງການຢ້ຽມຢາມເພື່ອແລກປ່ຽນ, ຊຸກຍູ້ການເພີ່ມທະວີການຮ່ວມມືລະຫວ່າງຝລັ່ງ ແລະຫວຽດນາມ. ພ້ອມທັງຫວັງວ່າ ສອງຝ່າຍຈະເພີ່ມທະວີການຮ່ວມມືໃນຂົງເຂດປ້ອງກັນຊາດ, ປ້ອງກັນຄວາມສະຫງົບ ແລະຂົງເຂດອື່ນຈຳນວນໜຶ່ງ ຕື່ມອີກ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
