ວັນເສົາ, ວັນທີ 11 ກໍລະກົດ 2026
ກອງທັບ ລາວ-ຣັດເຊຍ ສ້າງຂະບວນການແຂ່ງຂັນກິລາ ມິດຕະພາບ
ເວລາອອກຂ່າວ: 2026-06-08 15:36:33 | ຜູ້ຂຽນ : admin3 | ຈຳນວນຄົນເຂົ້າຊົມ: 109 | ຄວາມນິຍົມ: 
ໃນໂອກາດ ການຫັດແອບຊ້ອມຮົບ ຕີພິເສດ “ໃຕ້ຝຸ່ນ” ແລະ ຊ້ອມຮົບຮ່ວມ ລາວ-ຣັດເຊຍ “ລາໂຣສ 2026”, ວັນທີ 30 ພຶດສະພາ 2026 ນີ້, ກອງທັບ ລາວ-ຣັດເຊຍ ໄດ້ສ້າງຂະບວນການແຂ່ງຂັນກິລາ ມິດຕະພາບຮ່ວມກັນ, ໂດຍການເປັນ ປະທານຂອງ ສະຫາຍ ພັນເອກ ແສງອາລຸນ ແກ້ວສະຫວ່າງ
ຮອງຫົວໜ້າກົມໂຄສະນາອົບຮົມ ກົມໃຫຍ່ການເມືອງກອງທັບ, ມີຄະນະຮັບຜິດຊອບການຫັດແອບເຝິກຊ້ອມ ພ້ອມດ້ວຍ ນາຍ ແລະ ພົນທະຫານ ທັງສອງກອງທັບ ເຂົ້າຮ່ວມ.
ສຳລັບກິລາທີ່ນຳມາແຂ່ງຂັນ ມີ 2 ປະເພດ ຄື: ກິລາບານສົ່ງ ແລະ ກິລາເປຕັງ. ຈຸດປະສົງກໍເພື່ອເປັນການຜ່ອນຄາຍ, ສ້າງບັນຍາກາດໃຫ້ມີຂະບວນຟົດຟື້ນມ່ວນຊື່ນ, ຮັດແໜ້ນຄວາມສາມັກຄີຮັກແພງ, ສ້າງໂອກາດໃຫ້ພະນັກງານ-ນັກຮົບ ສອງກອງທັບ ໄດ້ມີການພົບປະສ້າງສັນ, ແລກປ່ຽນບົດຮຽນ ເຊິ່ງກັນ ແລະ ກັນ ໃຫ້ມີຄວາມສະໜິດສະໜົມ ແລະ ເປັນກັນເອງ, ທັງເປັນການສົ່ງເສີມການອອກກຳລັງກາຍ ເພື່ອສຸຂະພາບ ແລະ ມິດຕະພາບ ລະຫວ່າງ ກອງທັບປະຊາຊົນລາວ ແລະ ກອງທັບສະຫະພັນຣັດເຊຍ ໃຫ້ແໜ້ນແຟ້ນຍິ່ງຂຶ້ນ. ພ້ອມກັນນີ້, ຍັງເປັນການເສີມສ້າງສາຍພົວພັນ ຂອງສອງກອງທັບ, ສືບຕໍ່ການຮ່ວມມືຊ່ວຍເຫຼືອເຊິ່ງກັນ ແລະ ກັນ ໃຫ້ນັບມື້ເຂັ້ມແຂງຮອບດ້ານ, ໝັ້ນຄົງຍາວນານ.
ໂດຍ: ພຸດທະພອນ ລັດດານາວ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
