POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 20 ກໍລະກົດ 2026

ກອງປະຊຸມໃຫຍ່ຜູ້ແທນທົ່ວປະເທດ ສະມາຄົມ ຊາວກະສິກອນຫວຽດນາມ ຄັ້ງທີ IX ໄຂຂຶ້ນຢ່າງສົມກຽດ
ເວລາອອກຂ່າວ: 2026-06-10 09:20:13 | ຜູ້ຂຽນ : admin3 | ຈຳນວນຄົນເຂົ້າຊົມ: 87 | ຄວາມນິຍົມ:

ຂ່າວຫວຽດນາມ, ຊາວກະສິກອນສືບຕໍ່ແມ່ນພື້ນຖານຂອງເສດຖະກິດ, ປະກອບສ່ວນຮັບ ປະກັນຄວາມໝັ້ນຄົງດ້ານສະບຽງອາຫານ ແລະ ນຳຫວຽດ ນາມ ໃຫ້ກາຍເປັນປະເທດສົ່ງ ອອກຜະລິດຕະພັນແຖວໜ້າ. ດ້ວຍຈິດໃຈ “ສາມັກຄີ ປະຊາທິປະໄຕ ບຸກທະລຸຮ່ວມມືພັດທະນາ”, ວັນທີ 8 ມິຖຸນາ, ຢູ່ນະ ຄອນຫຼວງຮ່າໂນ້ຍ, ກອງປະຊຸມໃຫຍ່ຜູ້ແທນທົ່ວປະເທດສະມາ ຄົມຊາວກະສິກອນ ຫວຽດນາມ ຄັ້ງທີ 9, ອາຍຸການ 2026-2031 ໄດ້ໄຂຂຶ້ນຢ່າງເປັນທາງການ, ໂດຍມີການເຂົ້າຮ່ວມຂອງຜູ້ແທນດີເດັ່ນ 600 ຄົນ ທີ່ຕາງໜ້າໃຫ້ພະນັກງານ, ສະມາຊິກ, ຊາວກະສິກອນເກືອບ 10 ລ້ານຄົນໃນທົ່ວປະເທດ. ກ່າວຄຳເຫັນຊີ້ນຳກອງປະຊຸມ, ທ່ານ ເຈິ່ນເກິມຕູ ຜູ້ປະຈຳການເລຂາທິການສູນກາງພັກ ເນັ້ນໜັກວ່າ, ຊາວກະສິກອນສືບຕໍ່ແມ່ນພື້ນຖານຂອງເສດຖະກິດ, ປະກອບສ່ວນຮັບປະກັນຄວາມໝັ້ນຄົງດ້ານສະບຽງອາຫານ ແລະ ນຳ ຫວຽດນາມ ໃຫ້ກາຍ ເປັນປະເທດສົ່ງອອກຜະລິດຕະພັນແຖວໜ້າ. ມະຕິຂອງພັກກຳ ນົດແຈ້ງ: ການພັດທະນາກະສິ ກຳຕາມທິດຊີວະພາບ, ຄົບວົງຈອນ, ນຳໃຊ້ວິທະຍາສາດເຕັກໂນໂລຊີ; ສ້າງຊົນຊັ້ນກຳມະກອນສີວິໄລ, ພັດທະນາຢ່າງຮອບດ້ານ ເພື່ອປະຕິບັດເປົ້າໝາຍດັ່ງ ກ່າວໃຫ້ໄດ້, ທ່ານສະເໜີວ່າ: “ສືບຕໍ່ປ່ຽນແປງໃໝ່ການຈັດຕັ້ງ ແລະ ວິທີການເຄື່ອນໄຫວຂອງສະມາຄົມຕາມທິດກະທັດຮັດ, ມີປະສິດທິຜົນ, ໃກ້ຊິດຕິດພັນກັບຂັ້ນຮາກຖານ; ຍົກສູງຄຸນນະພາບຖັນແຖວພະນັກງານ. ຖືຊາວກະສິກອນເປັນໃຈກາງ; ໜູນຊ່ວຍການພັດທະນາເສດຖະກິດກະສິກຳຕາມລະບົບມູນຄ່າ; ຊຸກຍູ້ການຫັນເປັນດີຈີຕອນ, ຍົກສູງຄຸນນະພາບຜະລິດຕະພັນ, ຕອບສະໜອງຄວາມຮຽກຮ້ອງຂອງຕະຫຼາດ. ຜັນຂະຫຍາຍບັນດາໂຄງການ, ແຜນການພັດທະນາກະສິກຳ, ຊົນນະບົດ; ໜູນຊ່ວຍຊາວກະສິກອນບຳລຸງສ້າງອາ ຊີບ, ພັດທະນາເສດຖະກິດລວມໝູ່”. ກ່ອນໜ້ານີ້, ຕອນເຊົ້າວັນທີ 7 ມິຖຸນາ, ບັນດາຜູ້ແທນເຂົ້າ ສຸສານວາງພວງມາລາ, ໄຫວ້ອາໄລ ປະທານ ໂຮ່ຈີມິນ ແລະ ວາງພວງມາລາອາໄລຫາບັນດານັກຮົບເສຍສະຫຼະຊີວິດເພື່ອຊາດຢູ່ອະນຸສອນສະຖານບັກເຊີນ.ຫຼັງຈາກນັ້ນ, ກອງປະຊຸມໃຫຍ່ໄດ້ດຳເນີນວາລະປະຊຸມຄັ້ງປະ ຖົມມະເລິກ ດ້ວຍຫຼາຍເນື້ອໃນທີ່ສຳຄັນ. ຮັບຟັງການລາຍງານ ໂດຍຫຍໍ້ກ່ຽວກັບໝາກຜົນການ ປະຕິບັດມະຕິ ກອງປະຊຸມໃຫຍ່ ສະມາຄົມຊາວກະສິກອນຫວຽດ ນາມ ຄັ້ງທີ VIII ແລະ ປະກອບຄຳເຫັນ. ກອງປະຊຸມໃຫຍ່ຜູ້ແທນທົ່ວ ປະເທດ ສະມາຄົມຊາວກະສິກອນ, ເປັນເຫດການການເມືອງທີ່ສຳຄັນຂອງຊົນຊັ້ນຊາວກະສິ ກອນຫວຽດນາມ, ກອງປະຊຸມໃຫຍ່ ມີໜ້າທີ່ຕີລາຄາສະພາບການ, ໝາກຜົນການເຄື່ອນໄຫວຂອງສະມາຄົມ ແລະ ຂະບວນການຊາວກະສິກອນ ນັບແຕ່ກອງ ປະຊຸມໃຫຍ່ ຄັ້ງທີ VIII ມາຮອດປັດຈຸບັນ; ພ້ອມທັງວາງອອກທິດ ທາງ, ເປົ້າໝາຍ, ໜ້າທີ່ ແລະມາດຕະການແກ້ໄຂໃນອາຍຸການ ປີ 2026-2031. ກອງປະຊຸມໃຫຍ່ໄດ້ກຳນົດເປົ້າໝາຍ: ສ້າງສະມາຄົມຊາວກະສິກອນຫວຽດນາມ ໃຫ້ເຂັ້ມແຂງ; ເສີມຂະຫຍາຍບົດບາດເປັນເຈົ້າກຳຂອງຊາວກະສິກອນ ແລະ ເປັນໃຈກາງໃນການພັດທະນາກະສິກຳ, ເສດຖະກິດຊົນນະບົດ ແລະ ການກໍ່ສ້າງຊົນນະບົດໃໝ່; ປຸກລຸກຄວາມຄາດຫວັງພັດທະນາປະເທດຊາດໃຫ້ຮັ່ງມີເຂັ້ມແຂງ, ຈະເລີນສິວິໄລ ແລະ ມີຄວາມຜາສຸກໃນສັງກາດໃໝ່.

news to day and hot news