POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 14 ກໍລະກົດ 2026

ຍົກສູງຄວາມຮັບຜິດຊອບ ວຽກງານຕິດຕໍ່ສື່ສານ ໃນການຫັດແອບຊ້ອມຮົບຮ່ວມ ຕີພິເສດ “ໃຕ້ຝຸ່ນ`` ແລະ ຊ້ອມຮົບຮ່ວມ ລາວ-ຣັດເຊຍ “ລາໂຣສ໌-2026”
ເວລາອອກຂ່າວ: 2026-06-10 09:38:03 | ຜູ້ຂຽນ : admin3 | ຈຳນວນຄົນເຂົ້າຊົມ: 297 | ຄວາມນິຍົມ:

ວຽກງານຕິດຕໍ່ສື່ສານ ຮັບປະກັນໃຫ້ແກ່ການຫັດແອບຊ້ອມຮົບຮ່ວມ ຕີພິເສດ “ໃຕ້ຝຸ່ນ” ແລະ ຊ້ອມຮົບຮ່ວມ ລາວ-ຣັດເຊຍ “ລາໂຣສ໌-2026” ແມ່ນວຽກ ງານໜຶ່ງທີ່ມີຄວາມສຳຄັນ ເພື່ອຮັບປະກັນໃຫ້ແກ່ທຸກເຫຼົ່າຮົບ ຕິດ ຕໍ່ສື່ສານວຽກງານດ້ານຕ່າງໆ ທີ່ກ່ຽວກັບການຊ້ອມຮົບ ໄດ້ດຳເນີນໄປຢ່າງມີປະສິດທິພາບ, ຖືກຕ້ອງ, ຊັດເຈນ ແລະ ຮັບປະກັນຄວາມປອດໄພ ທາງດ້ານຂໍ້ມູນຂ່າວສານຂອງກອງທັບ. ສະຫາຍ ພັນໂທ ຫົງສາ ທອງຄຳພາ ຮອງຫົວໜ້າພະແນກເສນາ ກົມສື່ສານ ກົມໃຫຍ່ເສນາທິການກອງທັບ, ຄະນະຮັບຜິດຊອບ ວຽກງານສື່ສານພາກສະໜາມ ໄດ້ໃຫ້ຮູ້ວ່າ: ພາຍຫຼັງທີ່ໄດ້ຮັບການມອບໝາຍຈາກຂັ້ນເທິງໃຫ້ ເຫຼົ່າຮົບວິຊາສະເພາະສື່ສານ ເຂົ້າຮ່ວມຈັດຕັ້ງຮັບປະກັນການຕິດຕໍ່ສື່ສານ ໃນການຫັດແອບຊ້ອມຮົບຮ່ວມ ຕີພິເສດ “ໃຕ້ຝຸ່ນ” ແລະ ຊ້ອມຮົບຮ່ວມ ລາວ-ຣັດເຊຍ “ລາໂຣສ໌-2026”, ຄະນະຮັບ ຜິດຊອບຂອງພວກເຮົາໄດ້ຮີບຮ້ອນສ້າງແຜນການນຳໃຊ້ກຳ ລັງ ແລະ ພາຫະນະສື່ສານໂດຍໄດ້ ມອບໝາຍໃຫ້ບັນດາກົມກອງທີ່ກ່ຽວຂ້ອງ ເຮັດວຽກງານກະກຽມຮອບດ້ານ ເພື່ອໃຫ້ທັນກັບ ເວລາ ທີ່ຂັ້ນເທິງກຳນົດໃຫ້. ການເຮັດວຽກງານຕິດຕໍ່ສື່ສານສຸດ ທີ່ມີຄວາມສຳຄັນ ໃນລະບົບການ ບັນຊາແຕ່ລະຂັ້ນ ໃນການຈັດຕັ້ງບັນຊາສູ້ຮົບປະສານເຫຼົ່າ, ເພື່ອຮັບປະກັນວຽກງານວິຊາສະ ເພາະຄະນະຮັບຜິດຊອບຂອງພວກເຮົາ ໄດ້ຂະຫຍາຍລະບົບການຕິດຕໍ່ສື່ສານເປັນ 4 ທາງ ຄື: ຮັບປະກັນການຕິດຕໍ່ທາງວິທະຍຸສື່ສານ, ຮັບປະກັນການຕິດ ຕໍ່ທາງໂທລະສັບ ແລະ ອິນເຕີເນັດ, ຮັບປະກັນຄວບຄຸມລະບົບຈໍແອວອີດີ ໂດຣນຖ່າຍພາບ ແລະ ລະບົບກ້ອງວົງຈອນປິດ ເພື່ອຮັບປະກັນໃຫ້ຄະນະຊີ້ນຳຜູ້ບັນຊາຝ່າຍລາວ ແລະ ຣັດເຊຍ ສາມາດຕິດຕາມພາບການເຄື່ອນໄຫວຢູ່ ໜ້າສະໜາມຢ່າງຊັດເຈນ, ຮັບປະກັນການປະຊາສຳພັນ ຖ່າຍທອດຄຳສັ່ງຂອງຜູ້ບັນຊາຜ່ານໂທລະໂຄ່ງ. ທັງໝົດນີ້ ກໍເພື່ອເຮັດໃຫ້ການຊ້ອມຮົບ ດຳເນີນໄປຢ່າງຄ່ອງແຄ້ວ, ມີປະສິດທິພາບ ແລະ ໄດ້ຮັບຜົນສຳເລັດຢ່າງຈົບງາມ. ຜ່ານການລາຍງານ ແລະ ຈັດຕັ້ງປະຕິບັດວຽກງານດັ່ງກ່າວສາ ມາດເວົ້າໄດ້ວ່າ: ວຽກງານຕິດຕໍ່ ສື່ສານ ເປັນວຽກງານໜຶ່ງທີ່ມີ ຄວາມສຳຄັນໃນການສົ່ງຂໍ້ມູນ ຄຳສັ່ງຂອງຂັ້ນເທິງຫາກົມກອງ ທ້ອງຖິ່ນ ແລະ ຈາກກົມກອງ ທ້ອງຖິ່ນຫາສູນກາງ ເພື່ອຮັບປະກັນໃຫ້ແກ່ຂອດການປະສານສົມທົບວຽກງານ ມີຄວາມວ່ອງ ໄວ, ຖືກຕ້ອງ, ເຫຼົ່າຮົບສື່ສານ ຕ້ອງມີຄວາມຮັບຜິດຊອບສູງ, ມີເຄື່ອງມືທີ່ທັນສະໄໝ ເພື່ອຮັບ ປະກັນໄດ້ການສົ່ງຄຳສັ່ງ, ຂໍ້ມູນມີຄວາມຊັດເຈນສູງ, ທັນກັບເວ ລາ ເພື່ອໃຫ້ບັນດາກົມກອງ, ເຫຼົ່າຮົບ ເຂົ້າເຮັດໜ້າທີ່ໄດ້ທັນກັບຄວາມ ຮຽກຮ້ອງຕ້ອງການ ແລະ ໄດ້ຮັບປະສິດທິພາບສູງ. ໂດຍ: ພຸດທະພອນ ລັດດານາວ

news to day and hot news