POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 20 ກໍລະກົດ 2026

ກອງປະຊຸມຮັບສ່ອງແສງ ວຽກງານປະກັນສັງຄົມຮອບດ້ານ ເຂດໃຈກາງ
ເວລາອອກຂ່າວ: 2026-06-11 09:24:35 | ຜູ້ຂຽນ : admin2 | ຈຳນວນຄົນເຂົ້າຊົມ: 349 | ຄວາມນິຍົມ:

ວັນທີ 10 ມິຖຸນາ 2026 ນີ້, ຢູ່ທີ່ກອງພັນໃຫຍ່ 941 ໄດ້ຈັດກອງປະຊຸມຮັບສ່ອງແສງວຽກງານປະກັນສັງຄົມຮອບດ້ານ ເຂດໃຈກາງ ຈຸດທີ 2, ໂດຍການເປັນປະທານຂອງ ສະຫາຍ ພົນຈັດຕະວາ ໄຊຍະແສງ ໄມມະນີ ຫົວໜ້າກົມປະກັນສັງຄົມ ກົມໃຫຍ່ການເມືອງກອງທັບ, ມີບັນດາສະຫາຍຄະນະພັກ-ຄະນະບັນຊາ, ຫົວໜ້າຂະແໜງປະກັນສັງຄົມ ຈາກ 10 ກົມກອງ ແລະ ພະແນກການ ພາຍໃນກົມປະກັນສັງຄົມ ເຂົ້າຮ່ວມ. ໃນກອງປະຊຸມຮັບສ່ອງແສງວຽກງານປະກັນສັງຄົມຮອບດ້ານ ເຂດໃຈກາງ ຈຸດທີ 2 ໃນຄັ້ງນີ້ ປະກອບມີ 3 ຈຸດປະສົງໃຫຍ່ ຄື: ຮັບຟັງລາຍງານ ບົດສະຫຼຸບການຈັດຕັ້ງປະຕິບັດວຽກງານປະກັນສັງຄົມໃນໄລຍະ 1 ປີ ຜ່ານມາຈາກຂະແໜງປະກັນສັງຄົມ ກອງພັນໃຫຍ່ 941; ແລກປ່ຽນຄຳຄິດເຫັນຈາກບັນດາຂະແໜງປະກັນສັງຄົມກົມກອງ ແລະ ບັນດາພະແນກການທີ່ກ່ຽວຂ້ອງ ຈາກກົມປະກັນສັງຄົມ. ພ້ອມນັ້ນ ຈະໄດ້ຮັບຟັງການໂອ້ລົມຈາກສະຫາຍປະທານກອງປະຊຸມ ເພື່ອເປັນແນວທາງໃນການຈັດຕັ້ງປະຕິບັດວຽກງານໃນຕໍ່ໜ້າ. ເຊີ່ງໃນກອງປະຊຸມ ຂະແໜງປະກັນສັງຄົມ ກອງພັນໃຫຍ່ 941 ໄດ້ສະຫຼຸບລາຍງານການຈັດຕັ້ງປະຕິບັດວຽກງານປະກັນສັງຄົມຮອບດ້ານ ໃນປີ 2026 ແລະ ທິດທາງແຜນການ, ເຊິ່ງໃນໄລຍະຜ່ານມາ ທາງຂະແໜງປະກັນສັງຄົມ ກອງພັນໃຫຍ່ 941 ມີຜົນສຳເລັດຕາມແຜນການເກັບກຳ ແລະ ຂຶ້ນທະບຽນສະມາຊິກປະກັນສັງຄົມ ເພື່ອອອກບັດໃຫ້ສະມາຊິກປະກັນສັງຄົມ ເປັນບ່ອນອີງໃນການຂໍຮັບອຸດໜູນ ປະເພດຕ່າງໆ, ເປັນເຈົ້າການໃນການຈັດຕັ້ງເຜີຍແຜ່ບັນດາຄຳສັ່ງແນະນຳ, ຂໍ້ກຳນົດ, ນິຕິກຳທີ່ກ່ຽວຂ້ອງກັບວຽກງານປະກັນສັງຄົມ ໃຫ້ນາຍ ແລະ ພົນທະຫານ, ພ້ອມຜູ້ຢູ່ໃນການດູແລ ທີ່ຂຶ້ນກັບກອງພັນໃຫຍ່ 941 ໃຫ້ຮັບຮູ້ຢ່າງທົ່ວເຖິງ. ຈາກນັ້ນ, ບັນດາຜູ້ຕາງໜ້າຄະນະພັກ-ຄະນະບັນຊາກອງກົມ ແລະ ຫົວໜ້າຂະແໜງປະກັນສັງຄົມ ຈຳນວນ 10 ກົມກອງ ໄດ້ຂຶ້ນປະກອບຄຳຄິດເຫັນຢ່າງກົງໄປກົງມາ ເພື່ອຖອດຖອນບົດຮຽນ ແລະ ແລກປ່ຽນບັນຫາຕ່າງໆ ກັບ ພະແນກການພາຍໃນກົມປະກັນສັງຄົມ ໃນບາງຈຸດທີ່ຍັງບໍ່ທັນເຂົ້າໃຈ ຈະໄດ້ນຳເອົາໄປປັບປຸງແກ້ໄຂໃນຕໍ່ໜ້າ. ໃນໂອກາດນີ້, ສະຫາຍ ພົນຈັດຕະວາ ໄຊຍະແສງ ໄມມະນີ ໄດ້ຍົກໃຫ້ເຫັນຄວາມໝາຍຄວາມສຳຄັນຂອງກອງທຶນປະກັນສັງຄົມ ແລະ 9 ປະເພດການອຸດໜູນ ທີ່ກົດໝາຍໄດ້ກຳນົດໄວ້, ພ້ອມທັງ ຕອບຂໍ້ຂ້ອງໃຈ, ຄຳສະເໜີ ແລະ ບັນຫາຕ່າງໆ ທີ່ທາງບັນດາກອງກົມ ໄດ້ສະເໜີຕໍ່ກອງປະຊຸມ ແລະ ມີຄຳເຫັນແລກປ່ຽນບາງບັນຫາຕໍ່ ຄະນະພັກ-ຄະນະບັນຊາ ແຕ່ລະກົມກອງ ຕ້ອງເອົາໃຈໃສ່ສຶກສາອົບຮົມການເມືອງ-ນຳພາແນວຄິດ ຕິດພັນກັບການ ຊີ້ນຳ-ນຳພາ ຂະແໜງປະກັນສັງຄົມ ທີ່ຢູ່ໃນຄວາມຮັບຜິດຊອບຂອງຕົນ ເພື່ອໃຫ້ເຂົາເຈົ້າຍົກສູງຄວາມຮັບຜິດຊອບຕໍ່ໜ້າທີ່ການເມືອງ, ຕ້ອງໃຫ້ຄວາມສຳຄັນຕໍ່ວຽກງານປະກັນສັງຄົມ, ໃຫ້ໂອກາດເຂົາເຈົ້າໄດ້ເຄື່ອນໄຫວເຮັດໜ້າທີ່ວິຊາສະເພາະ ຕາມພາລະບົດບາດຂອງຂະແໜງປະກັນສັງຄົມ. ສຳລັບຜູ້ຮັບຜິດຊອບວຽກງານປະກັນສັງຄົມ ກໍຄືຂະແໜງປະກັນສັງຄົມ ແຕ່ລະກົມກອງ ຕ້ອງກຳແໜ້ນຄຳສັ່ງແນະນຳ, ບັນດານິຕິກຳໃຕ້ກົດໝາຍທີ່ກ່ຽວຂ້ອງ ເພື່ອເປັນເສນາທິການລາຍງານໃຫ້ແກ່ຜູ້ບັນຊາ, ພ້ອມກັບສືບຕໍ່ເກັບກຳສະມາຊິກປະກັນສັັງຄົມ ພາຍໃນກົມກອງຂອງຕົນ ເພື່ອຂຶ້ນທະບຽນອອກບັດປະກັນສັງຄົມ ໃຫ້ເຂົາເຈົ້າຄົບຖ້ວນ, ຮັບປະກັນສິດ ແລະ ຜົນປະໂຫຍດທີ່ຈະໄດ້ຮັບອຸດໜູນປະເພດຕ່າງໆ ຂອງສະມາຊິກປະກັນສັງຄົມ ຕາມເງື່ອນໄຂຂອງກອງທຶນປະກັນສັງຄົມຄຸ້ມຄອງ. ພາບ: ແສງຕາວັນ ບຸນຍະສານ; ຂ່າວ: ຂັນທະວີ ແກ້ວກາໃຈ

news to day and hot news