POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 20 ກໍລະກົດ 2026

ທະຫານແຂວງ ໄຊຍະບູລີ ສະຫຼຸບການກໍ່ສ້າງໜ່ວຍພັກປອດໃສ,ເຂັ້ມແຂງ ແລະ ໜັກແໜ້ນ
ເວລາອອກຂ່າວ: 2026-06-16 14:45:29 | ຜູ້ຂຽນ : admin2 | ຈຳນວນຄົນເຂົ້າຊົມ: 645 | ຄວາມນິຍົມ:

ກອງປະຊຸມສະຫຼຸບການກໍ່ສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ປະຈໍາປີ 2025 ຂອງ ກອງບັນຊາການທະຫານແຂວງໄຊຍະບູລີ ໄດ້ຈັດຂຶ້ນໃນຕອນເຊົ້າຂອງວັນທີ 11 ມີຖຸນາ 2026 ທີ່ສະໂມສອນຂອງກົມກອງ, ໂດຍການເປັນປະທານຂອງ ສະຫາຍ ພົນຈັດຕະວາ ປອ ບຸນຍອງ ດວງດີ ຄະນະປະຈໍາພັກແຂວງ ເລຂາຄະນະພັກ ຫົວໜ້າການທະຫານກອງບັນຊາການທະຫານແຂວງໄຊຍະບູລີ, ເປັນກຽກເຂົ້າຮ່ວມໃນພິທີມີ ສະຫາຍ ປອ ສີສອນພັນ ບຸນສີ ຮອງເລຂາຄະນະບໍລິຫານງານພັກແຂວງ ຜູ້ຊື້ນໍາວຽກງານການເມືອງ-ແນວຄິດ, ວຽກງານພັກ-ພະນັກງານ,ວຽກງານປັບປຸງກົງຈັກການຈັດຕັ້ງ ແລະ ອົງການຈັດຕັ້ງມະຫາຊົນຂັນແຂວງ, ມີຄະນະພັກກອງບັນຊາການທະຫານແຂວງ, ມີໜ່ວຍປະຕິບັດງານຂອງແຂວງ, ມີຄະນະພັກຮາກຖານ, ຄະນະໜ່ວຍພັກທີ່ເປັນຕົວແທນມາຈາກ 77 ໜ່ວຍພັກໃນທົ່ວກອງບັນຊາການທະຫານແຂວງໄຊຍະບູລີເຂົ້າຮ່ວມ. ໃນກອງປະຊຸມ ສະຫາຍ ພົນຈັດຕະວາ ປອ ບຸນຍອງ ດວງດີ ເລຂາຄະນະພັກ ໄດ້ຂຶ້ນຜ່ານບົດສະຫຼຸບ ການກໍ່ສ້າງ ໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ປະຈໍາປີ 2025 ແລະ ທິດທາງແຜນການປະຈໍາປີ 2026 ເຊິ່ງສະຫາຍໄດ້ຍົກໃຫ້ເຫັນ ໜ້າທີ່ ພາລະບົດບາດຂອງຄະນະກອງບັນຊາການທະຫານແຂວງໄຊຍະບູລີ ເຊິ່ງຍາມໃດກໍ່ເປັນເສນາທິການໃຫ້ອົງຄະນະພັກແຂວງ ແລະ ອົງຄະນະພັກກະຊວງປ້ອງກັນປະເທດໃນການນໍາພາ-ຊື້ນໍາບັນດາຄະນະພັກຮາກຖານ,ໜ່ວຍພັກຮາກຖານ, ປັບປຸງກໍ່ສ້າງພັກ ແລະ ກົງຈັກການຈັດຕັ້ງຢູ່ຮາກຖານພັກ ຮັບປະກັນເຮັດສໍາເລັດໜ້າທີ່ການເມືອງຕາມການຈັດຕັ້ງຂັ້ນເທິງມອບໝາຍໃຫ້, ຄະນະພັກກອງບັນຊາການທະຫານແຂວງໄຊຍະບູລີ ປະກອບມີ 11 ສະຫາຍ, ມີ 14 ຄະນະພັກຮາກຖານ, ມີ 77ໜ່ວຍພັກ, ມີສະມາຊິກພັກທັງຫມົດ 1,856 ສະຫາຍ, ຍິງ 209 ສະຫາຍ, ມີ 6 ຫ້ອງ ມີ 11 ກອງບັນຊາການທະຫານເມືອງ, ມີກອງຮ້ອຍທະຫານຊາຍແດນ, ກອງພັນນ້ອຍ, ກອງຮ້ອຍເອກະລາກ, ໂຮງຮຽນ,ໂຮງໝໍ ແລະ ອົງການຈັດຕັ້ງຊາວໜຸ່ມແມ່ຍິງ, ໃນ 1 ປີຜ່ານມາຄະນະພັກກອງບັນຊາການທະຫານແຂວງແມ່ນໄດ້ນໍາພາຊີ້ນໍາບັນດາຄະນະພັກຮາກຖານ, ໜ່ວຍພັກຮາກຖານ,ບັນດາອົງການ-ກົມກອງຂັ້ນຕ່າງໆ ເພື່ອເຮັດໃຫ້ສະມາຊິກພັກ ແລະ ພະນັກງານ-ນັກຮົບຈັດຕັ້ງປະຕິບັດໜ້າທີ່ວິຊາສະເພາະຂອງຕົນ ເຮັດໃຫ້ວຽກງານໄດ້ຮັບຜົນສໍາເລັດ ເຊິ່ງສະແດງອອກ ໄດ້ນໍາພາກົມກອງປະຕິບັດໄດ້ຂໍ້ກໍານົດກົດລະບຽບຂອງກອງທັບວາງອອກໄດ້ເປັນຢ່າງດີ ສາມາດຕີລາຄາແບ່ງປະເພດຂອງສະມາຊິກພັກ ໄດ້ປະເພດແຂງ 1,706 ສະຫາຍ, ຍິງ 205 ສະຫາຍ, ປະເພດກາງ 24 ສະຫາຍ, ບໍ່ໄດ້ແບ່ງ 126 ສະຫາຍ ຍ້ອນສະມາຊິກສໍາຮອງ ແລະ ຍົກຍ້າຍມາໃໝ່, ໃນພິທີຍັງໄດ້ປະດັບຫຼຽນໄຊແຮງງນ ແລະ ມອບ ໃບຍ້ອງຍໍຂອງລັດຖະບານໃຫ້ກັບພະນັກງານ-ນັກຮົບທີ່ມີຜົນງານດີເດັ່ນປະກອບສ່ວນເຂົ້າໃນການປະຕິບັດໜ້າທີວຽກງານປ້ອງກັນຊາດ-ປ້ອງກັນຄວາມສະຫງົບຕະຫຼອດ 5 ປີຜ່ານມາ ພ້ອມທັງຮັບຟັງການຜ່ານບົດບັນທືກຜົນການກໍ່ສ້າງໜ່ວຍພັກປອດໃສ,ເຂັ້ມແຂງ,ໜັກແໜ້ນ ປະຈໍາປີ 2025 ແລະ ແຜນການກໍ່ສ້າງໜ່ວຍພັກປອດໃສ,ເຂັ້ມແຂງ,ໜັກແໜ້ນ ປະຈໍາປີ 2026 ໂອກາດນີ້ຕາງໜ້າຄະນະພັກຮາກຖານ, ອົງການຈັດຕັ້ງມະຫາຊົນ ໄດ້ຂຶ້ນຈັບມືກັນແຂ່ງຂັນ. ຕອນທ້າຍກອງປະຊຸມໄດ້ຮັບຟັງການໂອ້ລົມຂອງສະຫາຍ ສະຫາຍ ປອ ສີສອນພັນ ບຸນສີ ກ່ອນອື່ນໄດ້ຍົກໃຫ້ເຫັນສະພາບການຂອງໂລກ ແລະ ພາກພື້ນ ເປັນຕົ້ນແມ່ນສະຫາຍໄດ້ເໜັ້ນໃຫ້ເພີ່ມທະວີຍົກສູງຄວາມຮັບຜິດຊອບຕໍ່ໜ້າທີ່ການເມືອງຂອງຕົນ, ມີຄວາມກະຕືລືລົ້ນ, ຫ້າວຫັນໃນການເຝິກຝົນຫຼໍ່ຫຼອມຕົນເອງ ເອົາໃຈໃສ່ຍົກສູງພາລະບົດບາດຄວາມສາມັກຄີເປັນປຶກແຜ່ນ, ຍຶດໝັ້ນຫຼັກການລວມສູນປະຊາທິ ປະໄຕເຮັດວຽກຕ້ອງມີລະບຽບແບບແຜນ ແລະ ມີການຕິດຕາມກວດກາ ແລະ ສະຫຼຸບລາຍງານ, ເພິ່ມທະວີບົດບາດການນຳພາຂອງພັກ ມີແນວຄິດການເມືອງໜັກແໜ້ນ, ເຊື່ອໝັ້ນຕໍ່ການນຳພາຂອງພັກການຈັດຕັ້ງຢ່າງເລິກເຊິ່ງ ຕັ້ງໜ້າຍູ້ແຮງຂະບວນການດ້ານຕ່າງໆໃຫ້ມີຄວາມຟົດຟື້ນ,ຕັ້ງໜ້າເຄື່ອນໄຫວປະຕິບັດໜ້າທີ່ຢ່າງຫ້າວຫັນເພື່ອເສີມຂະຫຍາຍ ແລະ ຮັກສາມູນເຊຶ້ອໜ່ວຍພັກປອດໃສ,ເຂັ້ມແຂງ ແລະ ໜັກແໜ້ນ ໂດຍ: ນາງ ບົວລິວັນ

news to day and hot news