ວັນອັງຄານ, ວັນທີ 14 ກໍລະກົດ 2026
ມອບ-ຮັບ ໜ້າທີ່ ຂັ້ນບັນຊາ ພະແນກການ ທີ່ຂຶ້ນກັບ ທະຫານເມືອງຍອດອູ ແຂວງຜົ້ງສາລີ
ເວລາອອກຂ່າວ: 2026-06-17 08:59:11 | ຜູ້ຂຽນ : admin1 | ຈຳນວນຄົນເຂົ້າຊົມ: 127 | ຄວາມນິຍົມ: 
ວັນທີ 8 ມິຖຸນາ 2026, ຢູ່ທີ່ ກອງບັນຊາການທະຫານເມືອງຍອດອູ, ແຂວງຜົ້ງສາລີ ໄດ້ຈັດພິທີມອບ-ຮັບ ໜ້າທີ່ ຂັ້ນບັນຊາ ແລະ ບັນດາພະແນກການທີ່ຂຶ້ນກັບ, ໂດຍການເປັນປະທານຂອງສະຫາຍ ສົມຫວັງ ສຸ່ມວິໄລ ເຈົ້າເມືອງ ເມືອງຍອດອູ, ມີສະຫາຍ ພັນໂທ ຄຳຂັນ ພົມມາ ຫົວໜ້າການເມືອງ ກອງບັນຊາການທະຫານເມືອງຍອດອູ, ຄະນະພັກ-ຄະນະບັນຊາ ກົມກອງ ແລະ ພະແນກການທີ່ກ່ຽວຂ້ອງ ເຂົ້າຮ່ວມ
ສະຫາຍ ພັນໂທ ຫຸງແອນ ຈຳປາ ຮອງຫົວໜ້າການເມືອງ ກອງບັນຊາການເມືອງຍອດອູ (ຜູ້ເກົ່າ) ໄດ້ຜ່ານບົດສະຫຼຸບ ແລະ ບົດບັນທືກ ມອບ-ຮັບວຽກງານການເມືອງ; ໂດຍມອບໃຫ້ ສະຫາຍ ພັນໂທ ແປງຈ້ອຍ ອິນຕະ ຮັບໜ້າທີ່ເປັນຮອງຫົວໜ້າການເມືອງ(ຜູ້ໃໝ່); ສະຫາຍ ພັນໂທ ແປງຈ້ອຍ ອີນຕະ ຫົວໜ້າພະແນກພະລາທິການ(ຜູ້ເກົ່າ) ກໍໄດ້ຜ່ານບົດສະຫຼຸບ ແລະ ບົດບັນທຶກມອບ-ຮັບໜ້າທີ່; ໂດຍມອບໃຫ້ສະຫາຍ ພັນຕີ ບູນທີດ ກັນໃຈ ເປັນຫົວໜ້າພະແນກພະລາທີການ(ຜູ້ໃໝ່) ແລະ ສະຫາຍ ພັນໂທ ຄຳຜ່ອຍ ອີນຕະ ຫົວໜ້າຫ້ອງການບໍລີຫານ (ຜູ້ເກົ່າ) ໄດ້ຜ່ານບົດສະຫຼຸບ ແລະ ບົດບັນທຶກມອບ-ຮັບວຽກງານໂດຍມອບໃຫ້ ສະຫາຍ ພັນໂທ ຊາຍຄຳ ສີທີວົງ ເປັນຫົວໜ້າພະແນກຫ້ອງການບໍລີຫານ(ຜູ້ໃໝ່), ທັງນີ້ ກໍເພື່ອເປັນການປັບປຸງກົງຈັກການຈັດຕັ້ງຂັ້ນ ນຳພາ-ບັນຊາ ໃຫ້ມີຄວາມໜັກແໜ້ນ ເຂັ້ມແຂງ ແລະ ສອດຄ່ອງກັບແນວທາງຂອງພັກ-ລັດໃນໄລຍະໃໝ່, ເພື່ອເຮັດສຳເລັດໜ້າທີ່ ຕາມທິດຊີ້ນຳຂອງຂັ້ນເທິງວາງອອກໃຫ້ປະກົດຜົນເປັນຈິງ.
ສະຫາຍ ສົມຫວັງ ສຸ່ມວິໄລ ໄດ້ຮຽກຮ້ອງໃຫ້ບັນດາສະຫາຍ ຜູ້ທີ່ໄດ້ຮັບໜ້າທີ່ໃໝ່ ຈົ່ງຕັ້ງໜ້າເຝິກຝົນຫຼໍ່ຫຼອມຕົນເອງໃຫ້ກາຍເປັນພະນັກງານຫຼັກແຫຼ່ງ ມີຄຸນທາດການເມືອງໜັກແໜ້ນ, ມີຄຸນສົມບັດສິນທຳປະຕິວັດ ເອົາໃຈໃສ່ກຳແໜ້ນຕໍ່ວິຊາສະເພາະໃຫ້ມີຄວາມເຂັ້ມແຂງຮອບດ້ານ, ເສີມຂະຫຍາຍດ້ານດີ ແກ້ໄຂດ້ານ
ອ່ອນ ແລະ ເປັນແບບຢ່າງທີ່ດີໃຫ້ແກ່ພະນັກງານ-ນັກຮົບ, ເຕົ້າໂຮມຄວາມສາມັກຄີພາຍໃນເປັນໝູ່ຄະນະ ເພື່ອນຳພາກໍ່ສ້າງກົມກອງ ໃຫ້ມີລະບຽບແບບແຜນ ແລະທັນສະໄໝ.
ໂດຍ: ສົມໄຊ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
