POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 20 ກໍລະກົດ 2026

ຄະນະໂຄສະນາອົບຮົມສູນກາງພັກ ສຳມະນາວິທະຍາສາດສື່ມວນຊົນ ພາຍໃຕ້ຫົວຂໍ້ "ພັດທະນາວຽກງານສື່ມວນຊົນ ໄປສູ່ຄຸນນະພາບໃໝ່ ຢ່າງແຂງແຮງ"
ເວລາອອກຂ່າວ: 2026-06-17 09:24:14 | ຜູ້ຂຽນ : admin2 | ຈຳນວນຄົນເຂົ້າຊົມ: 557 | ຄວາມນິຍົມ:

ໃນວັນທີ 16 ມິຖຸນາ 2026 ນີ້, ຄະນະໂຄສະນາອົບຮົມ ສູນກາງພັກ ໄດ້ຈັດກອງປະຊຸມສໍາມະນາວິທະຍາສາດສື່ມວນຊົນ ພາຍໃຕ້ຫົວຂໍ້: “ພັດທະນາວຽກງານສື່ມວນຊົນ ໄປສູ່ຄຸນ ນະພາບໃໝ່ ຢ່າງແຂງແຮງ”, ໂດຍການເປັນປະທານຂອງ ສະຫາຍ ປອ ຄໍາພັນ ເຜີຍຍະວົງ ກຳມະການກົມການເມືອງສູນກາງພັກ, ຫົວໜ້າ ໂຄສະນາອົບຮົມ ສູນກາງພັກ, ຮອງປະທານສະພາທິດສະດີສູນກາງພັກ, ທັງເປັນຜູ້ປະຈຳການຄະນະຮັບຜິດຊອບກະກຽມດໍາເນີນກອງປະຊຸມວຽກງານສື່ມວນຊົນທົ່ວປະເທດ ຄັ້ງທີ 1, ມີບັນດາ ຄະນະນໍາ, ຜູ້ຕາງໜ້າຈາກພາກສ່ວນກ່ຽວຂ້ອງ ແລະ ພະນັກງານວິຊາການເຂົ້າຮ່ວມ. ສະຫາຍ ປອ ຄໍາມອນ ຈັນທະຈິດ ກຳມະການສໍາຮອງສູນກາງພັກ, ຮອງຫົວໜ້າ ໂຄສະນາອົບຮົມສູນກາງພັກ ໄດ້ຂຶ້ນຜ່ານບົດລາຍງານສະຫຼຸບຕີລາຄາການເຄື່ອນໄຫວວຽກງານສື່ມວນຊົນໃນໄລຍະທີ່ຜ່ານມາ ພ້ອມທັງຜ່ານ ທິດທາງແຜນການພັດທະນາໃນຕໍ່ໜ້າ. ກອງປະຊຸມຄັ້ງນີ້ ໄດ້ຮ່ວມກັນຕີລາຄາສູງຕໍ່ພາລະບົດບາດ ແລະ ຜົນສໍາເລັດ ອັນພົ້ນເດັ່ນໃນຕະຫຼອດໄລຍະຜ່ານມາ ເຊິ່ງສື່ມວນຊົນລາວໄດ້ເຕີບໃຫຍ່ຂະຫຍາຍຕົວຢ່າງຮອບດ້ານ ທັງສີ່ສິ່ງພິມ, ສື່ ເອເລັກໂຕຣນິກ ແລະ ສື່ອອນລາຍ; ເຮັດໜ້າທີ່ເປັນກະບອກສຽງອັນແຫຼມຄົມ, ເປັນເຄື່ອງມືທາງດ້ານການເມືອງ- ແນວຄິດ ທີ່ຄຽງບ່າຄຽງໄຫຼ່ກັບຂະບວນການປະຕິວັດ, ສ້າງສາຍພົວພັນອັນສະໜິດແໜ້ນລະຫວ່າງພັກກັບປະຊາຊົນ, ທັງເປັນກຳລັງຫຼັກແຫຼ່ງໃນການຕອບໂຕ້ ແລະ ຕີຖອຍຖ້ອຍທຳນອງບິດເບືອນຂອງກຸ່ມຄົນບໍ່ດີຢ່າງທັນການ. ຜົນງານ ອັນພົ້ນເດັ່ນໃນໄລຍະ 5 ປີຜ່ານມາ, ສາມາດຄົ້ນຄວ້າ ແລະ ອອກບັດນັກຂ່າວໄດ້ 900 ກວ່າບັດ ພ້ອມທັງຂຶ້ນ ທະບຽນໜ້າຂ່າວອອນລາຍຂອງພາກລັດ ແລະ ເອກະຊົນໄດ້ຫຼາຍກວ່າ 200 ໜ້າຂ່າວ. ສໍາລັບແຜນການພັດທະນາວຽກງານສື່ມວນຊົນໃນຕໍ່ໜ້າ ແມ່ນຈະສຸມໃສ່ 6 ວຽກງານຈຸດສຸມ ຄື: ການ ປ່ຽນແປງຈິນຕະນາການໃໝ່ຕາມຄໍາໂອ້ລົມຂອງ ສະຫາຍເລຂາທິການໃຫຍ່ທີ່ວ່າ: “ສື່ມວນຊົນແມ່ນຜູ້ປາກອອກ ແສງ, ຜູ້ທີ່ແທງເຖິງໃຈ, ຜູ້ສະດຸ້ງໄວເມື່ອໄດ້ອ່ານ, ຜູ້ກ້າຜ່ານອຸປະສັກ, ຜູ້ທີ່ມັກຄວາມຈິງ, ຜູ້ຍິງຖືກຕ້ອງ” ແລະ ກ້າ ຫັນໄປສູ່ກົນໄກບໍລິຫານທີ່ກຸ້ມຕົນເອງ”, ສ້າງຕັ້ງໜ່ວຍງານຕອບໂຕ້ໄວເພື່ອຕ້ານຂ່າວປອມ, ຍົກລະດັບທັກສະດິຈິ ຕອນ ແລະ AI ຄູ່ທິດສະດີການເມືອງ, ເພີ່ມທະວີຄວາມເຂັ້ມງວດດ້ານກົດໝາຍ ແລະ ຈັນຍາບັນນັກຂ່າວ, ປັບປຸງກົນ ໄກບໍລິຫານ 5 ພາກສ່ວນເພື່ອຫັນໄປສູ່ການກຸ້ມຕົນເອງດ້ານງົບປະມານ ແລະ ເລັ່ງຮັດແໜ້ນການຮ່ວມມືດ້ານສື່ມວນ ຊົນຮ່ວມກັບ ສສ ຫວຽດນາມ ໄລຍະປີ 2026-2030. ຈາກນັ້ນ ບັນດາຜູ້ເຂົ້າຮ່ວມກອງປະຊຸມ ແລະ ນັກວິຊາການດ້ານສື່ມວນຊົນ ໄດ້ພ້ອມກັນຕີລາຄາຄືນເຖິງຜົນງານ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ຈາກການເຄື່ອນໄຫວວຽກງານສື່ມວນຊົນໃນໄລຍະຜ່ານມາ. ຜູ້ເຂົ້າຮ່ວມໄດ້ສຸມໃສ່ປຶກສາຫາລືຢ່າງເລິກເຊິ່ງ ກ່ຽວກັບການຫັນປ່ຽນທາງດ້ານເນື້ອໃນ ແລະ ຮູບການນຳສະເໜີຂ່າວສານ ໃຫ້ມີຄວາມທັນສະໄໝ, ວ່ອງໄວ, ຊັດເຈນ ແລະ ເຕັມໄປດ້ວຍຄຸນນະພາບ ເພື່ອຮັບປະກັນການສະໜອງຂໍ້ມູນຂ່າວສານທີ່ຖືກຕ້ອງ, ເຊື່ອຖືໄດ້ ແລະ ມີລັກສະນະສຶກສາອົບຮົມການເມືອງ-ແນວຄິດ ໃຫ້ແກ່ສັງຄົມ.

news to day and hot news