ວັນອາທິດ, ວັນທີ 16 ສິງຫາ 2026
ເປິດຊຸດອົບຮົມໄລຍະສັ້ນໃຫ້ພະນັກງານການເມືອງ ຂັ້ນກອງພັນ, ກອງຮ້ອຍ ທົ່ວກອງພົນທີ 5
ເວລາອອກຂ່າວ: 2026-07-10 09:01:34 | ຜູ້ຂຽນ : admin1 | ຈຳນວນຄົນເຂົ້າຊົມ: 169 | ຄວາມນິຍົມ: 
ວັນທີ 7 ກໍລະກົດ 2026 ນີ້, ຢູ່ທີ່ ສູນເຝິກກອງພົນທີ 5 ໄດ້ຈັດພິທີເປິດຊຸດອົບຮົມໄລຍະສັ້ນໃຫ້ພະນັກງານການເມືອງ ຂັ້ນກອງພັນ, ກອງຮ້ອຍ ໃນທົວກອງພົນທີ 5 ຂຶ້ນ, ໂດຍການເປັນປະທານຂອງສະຫາຍ ພັນເອກ ວຽງແກ້ວ ມະຫາໄຊ ຫົວໜ້າຫ້ອງການເມືອງກອງພົນທີ 5, ມີຄະນະພັກ-ຄະນະບັນຊາຈາກອົງການ 5 ຫ້ອງ, ສູນເຝິກກອງພົນ, ກອງພັນ, ຄູ-ອາຈານ ຕະຫຼອດຮອດນັກເຝິກອົບຮົມເຂົ້າຮ່ວມ.
ສະຫາຍ ພັນໂທ ທອງດີ ໂລຫາຊາດ ຮອງຫົວໜ້າຫ້ອງການເມືອງກອງພົນທີ 5 ໄດ້ຜ່ານແຜນການອົບຮົມ ໂດຍກຳນົດເວລາໃນການອົບຮົມແມ່ນ 45 ວັນ ແລະ ມີນັກເຝິກອົບຮົມທັງໝົດ 28 ສະຫາຍ, ເນື້ອໃນທີ່ນຳມາອົບຮົມລວມມີ 5 ພາກຄື: ພາກພື້ນຖານທິດສະດີມາກ-ເລນີນ, ແນວທາງພື້ນຖານຂອງພັກ ເພື່ອກໍ່ສ້າງ ແລະ ບູລະນະລະບອບ ປະຊາທິປະໄຕ ປະຊາຊົນລາວ ຕາມເສັ້ນທາງສັງຄົມນິຍົມ, ວຽກງານກໍ່ສ້າງພັກ, ພື້ນຖານຄວາມຮັບຮູ້ກ່ຽວກັບກົດໝາຍ ແລະ ການບໍລິຫານລັດ ສປປ ລາວ, ວຽກງານພັກ-ວຽກງານການເມືອງສຳລັບພະນັກງານໃນກອງທັບ. ໃນການເປີດຊຸດອົບ ຮົມໃນຄັ້ງນີ້ກໍ່ເພື່ອເປັນການຍົກລະດັບທາງດ້ານຄຸນທາດການເມືອງ, ຄວາມຮູ້ຄວາມສາມາດ, ບົດຮຽນທາງດ້ານທິດສະດີການເມືອງຂັ້ນພື້ນຖານ ແລະ ພຶດຕິກຳໃຫ້ພະນັກງານການເມືອງແຕ່ລະຂັ້ນ, ສົມຄູ່ກັບຄວາມຮັບຜິດຊອບ ແລະ ໜ້າທີ່ການເມືອງທີ່ການຈັດຕັ້ງຂັ້ນເທິງມອບໝາຍໃຫ້.
ໂດຍ: ໄຊຍະຄານ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
