ວັນສຸກ, ວັນທີ 07 ສິງຫາ 2026
ໂຮງຮຽນກໍ່ສ້າງນາຍສິບເລກ 2 ວຽງໄຊ ປະກາດການປະດັບທຽບຊັ້ນໃຫ້ນັກຮຽນທີ່ຮຽນຈົບວິຊາສະເພາະຈາກສາຍລັດ
ເວລາອອກຂ່າວ: 2026-07-10 09:03:31 | ຜູ້ຂຽນ : admin1 | ຈຳນວນຄົນເຂົ້າຊົມ: 169 | ຄວາມນິຍົມ: 
ວັນທີ 2 ກໍລະກົດ 2026 ນີ້, ໂຮງຮຽນກໍ່ສ້າງນາຍສິບເລກ 2 ວຽງໄຊ ໄດ້ຈັດຕັ້ງພິທີປະກາດການ ຊັ້ນໃຫ້ປະດັບທຽບຊັ້ນໃຫ້ນັກຮຽນທີ່ຮຽນຈົບວິຊາສະເພາະຈາກສາຍລັດ, ໂດຍການເປັນປະທານຂອງ ສະຫາຍ ພັນເອກ ບຸນມີ ໄຕໄຊຍະວົງ ຮອງຫົວໜ້າການເມືອງໂຮງຮຽນ, ມີຄະນະພັກ-ຄະນະບັນຊາ, ຫ້ອງການ, ພະແນກການທີ່ກຽ່ວຂ້ອງ ຕະ ຫຼອດຮອດ ພະນັກງານທີ່ໄດ້ຮັບຊັ້ນເຂົ້າຮ່ວມ.
ສະຫາຍ ພັນໂທ ທິດສະດີ ອຸດທະວົງ ຫົວໜ້າພະແນກພະ ນັກງານ ໄດ້ຂຶ້ນຜ່ານຂໍ້ຕົກລົງຂອງກົມໃຫຍ່ການເມືອງກອງທັບ ວ່າດ້ວຍການປະດັບທຽບຊັ້ນນາຍທະຫານ ໃຫ້ນັກຮຽນທີ່ຮຽນຈົບວິຊາສະເພາະຈາກສາຍລັດຢູ່ໂຮງຮຽນກໍ່ສ້າງນາຍສິບເລກ 2 ວຽງໄຊ ໂດຍອີງຕາມມາດຕາ 19 ແລະ ມາດຕາ 20 ຂອງກົດໝາຍວ່າດ້ວຍນາຍທະຫານກອງທັບປະຊາຊົນລາວ, ໃນນີ້ ກົມໃຫຍ່ການເມືອງກອງທັບຕົກລົງ ປະດັບທຽບຊັ້ນ ຮ້ອຍໂທ ຈຳນວນ 3 ສະຫາຍ.
ໂອກາດນີ້, ສະຫາຍ ພັນເອກ ບຸນມີ ໄຕໄຊຍະວົງ ໄດ້ເນັ້ນໜັກໃຫ້ບັນດາສະຫາຍທີ່ໄດ້ຮັບຊັ້ນໃໝ່ ໃນຄັ້ງນີ້ ເອົາໃຈໃສ່ເພີ່ມທະວີ ການເຝິກຝົນຫຼໍ່ຫຼອມຕົນເອງຢ່າງຮອບດ້ານ ເສີມຂະຫຍາຍແນວຄິດປະດິດສ້າງ ເຂົ້າໃນແບບ
ແຜນວິທີເຮັດວຽກ, ມີແບບແຜນດຳລົງຊີວິດທີ່ປອດໃສຂາວສະ ອາດ ເອົາໃຈໃສ່ເຮັດໜ້າທີ່ວຽກງານທີ່ການຈັດຕັ້ງມອບໝາຍໃຫ້ມີຜົນສຳເລັດເປັນຢ່າງສູງ ແລະ ສ້າງໃຫ້ຕົນເອງກາຍເປັນພະນັກງານຜູ້ສືບທອດທີ່ມີຄຸນະພາບໃຫ້ກອງທັບປະຊາຊົນລາວ.
ໂດຍ: ຄຳແປງ ຟອງສາຍໄໝ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
