ວັນຈັນ, ວັນທີ 17 ສິງຫາ 2026
ຄະນະຮັບຜິດຊອບ ລົງຊີ້ນຳການເຝິກອົບຮົມ ການທະຫານ-ການເມືອງ ໃຫ້ແກ່ລັດຖະກອນປ້ອງກັນຊາດ
ເວລາອອກຂ່າວ: 2026-07-15 09:12:26 | ຜູ້ຂຽນ : admin1 | ຈຳນວນຄົນເຂົ້າຊົມ: 148 | ຄວາມນິຍົມ: 
ຕົ້ນເດືອນ ກໍລະກົດ 2026 ຜ່ານມານີ້, ຄະນະຮັບຜິດຊອບຊີ້ນຳການເຝິກອົບຮົມ ການທະຫານ-ການເມືອງ ໃຫ້ແກ່ລັດຖະ ກອນປ້ອງກັນຊາດ (ຄູອາສາ), ນຳໂດຍ ສະຫາຍ ພັນເອກ ອິນພອນ ໄຊຍະສິດ ຮັກສາການຫົວໜ້າກົມພະນັກງານ ກົມໃຫຍ່ການເມືອງກອງທັບ, ພ້ອມດ້ວຍບັນດາຄະນະ ແລະ ວິຊາການ ທີ່ ກ່ຽວຂ້ອງ, ມີ ສະຫາຍ ພັນເອກ ສົມຈິດ ນິລະພົນ ຫົວໜ້າການ ເມືອງກອງບັນຊາການທະຫານແຂວງເຊກອງ ພ້ອມຄະນະວິຊາການກ່ຽວຂອງ, ບັນດາສະຫາຍຄະນະອຳນວຍການໂຮງຮຽນຄູອາຈານ ແລະ ລັດຖະກອນປ້ອງກັນຊາດເຂົ້າຮ່ວມ.
ໂອກາດດັ່ງກ່າວ, ສະຫາຍ ພັນໂທ ລາດສະວົງ ແກ້ວດາສິນ ຄະນະພັກກອງບັນຊາການ ຮອງຫົວໜ້າຫ້ອງການເມືອງ ກອງບັນຊາການທະຫານແຂວງເຊກອງໄດ້ຜ່ານບົດລາຍງານຫຍໍ້ ກ່ຽວກັບການຈັດຕັ້ງປະຕິບັດໜ້າທີ່ວຽກງານເວົ້າສະເພາະ ກໍຄືວຽກງານເຝິກອົບຮົມ-ຫັດແອບການທະຫານ,ການເມືອງ, ພະລາທິ ການ ແລະ ເຕັກນິກ ໃນນີ້ມີທັງດ້ານດີ, ດ້ານອ່ອນ, ຂໍ້ຄົງຄ້າງ ແລະ ບາງບົດຮຽນທີ່ຖອດຖອນໄດ້ ໃຫ້ຮູ້ວ່າ: ຕະຫຼອດໄລຍະການເຝິກອົບຮົມໄລຍະຜ່ານມາເຫັນວ່າ ຄະນະພັກ-ຄະນະບັນຊາ ແລະ ພະແນກການທີ່ກ່ຽວ ໄດ້ພ້ອມກັນລົງຊີ້ນຳ, ຕິດຕາມ ແລະ ຊຸກຍູ້ການເຝິກອົບຮົມການທະຫານ-ການເມືອງ, ພະລາທິການ ແລະ ເຕັກນິກ ໃຫ້ແກ່ລັດຖະກອນປ້ອງກັນຊາດ (ຄູອາສາ) ຢູ່ໂຮງຮຽນການທະຫານທ້ອງຖິ່ນ ແຂວງເຊກອງ ບໍ່ໄດ້ຂາດ ໂດຍອີງຕາມຂໍ້ກຳນົດຂອງກະຊວງປ້ອງກັນປະເທດ ວ່າດ້ວຍລະບຽບການຂອງນາຍສິບ ແລະ ພົນທະຫານ ໃນກອງທັບປະຊາຊົນລາວ ເພື່ອຮັບປະກັນຄວາມເປັນລະບຽບຮຽບຮ້ອຍ ແລະ ຄວາມເຂັ້ມງວດ. ໂອກາດດັ່ງກ່າວ, ຜູ້ເຂົ້າຮ່ວມຍັງໄດ້ພ້ອມກັນປະກອບຄຳຄິດຄຳເຫັນ ເພື່ອແນໃສ່ເຮັດໃຫ້ການຈັດຕັ້ງປະຕິບັດໃຫ້ສອດ ຄ່ອງກັບແຜນການເຝິກອົບຮົມການທະຫານ-ການເມືອງ ໃຫ້ແກ່ລັດຖະກອນປ້ອງກັນຊາດ ຢູ່ສູນເຝິກ ແລະ ໂຮງຮຽນການທະຫານທ້ອງຖິ່ນ ໃຫ້ປາກົດຜົນເປັນຈິງ, ມີປະສິດທິພາບສູງສຸດ. ເຊິ່ງຈຸດປະສົງຫຼັກຂອງການລົງຊີ້ນຳໃນຄັ້ງນີ້ແມ່ນເພື່ອຍົກສູງສະຕິຕື່ນຕົວທາງດ້ານການເມືອງ-ແນວຄິດ ໃຫ້ມີຄວາມໜັກແໜ້ນ, ຈົງຮັກພັກດີຕໍ່ພັກ-ລັດ ແລະ ປະເທດຊາດ. ເຝິກຝົນຫຼໍ່ຫຼອມລະ ບຽບວິໄນ, ແບບແຜນວິທີເຮັດວຽກ ແລະ ຄວາມຮູ້ພື້ນຖານດ້ານການທະຫານ ໃຫ້ແກ່ລັດຖະກອນປ້ອງກັນຊາດ ໃຫ້ມີຄວາມຊຳນິຊຳນານ, ຮັບປະກັນຄວາມພ້ອມ ເພື່ອໃຫ້ບຸກຄະລາກອນກຳລັງຫຼວງ ແລະ ກຳລັງທ້ອງຖິ່ນ ມີຄວາມພ້ອມຮອບດ້ານໃນການປະຕິບັດໜ້າທີ່ປົກປັກຮັກສາ ແລະ ພັດທະນາປະເທດຊາດ, ຈາກນັ້ນ ສະຫາຍ ພັນໂທ ຄຳພັນ ອິນລາວົງຫົວໜ້າພະແນກວັດຖຸ ກົມໂຮງ ຮຽນ ກົມໃຫຍ່ເສນາທິການກອງທັບ ໄດ້ແນະນຳແບບແຜນການເຝິກອົບຮົມ, ຕາຕະລາງຂຶ້ນຫ້ອງ, ການຈັດຕັ້ງພາກປະຕິບັດຕົວຈິງ ແລະ ການປະເມີນຜົນເພື່ອໃຫ້ເປັນເອກະພາບກັນໃນທົ່ວສູນເຝິກ ແລະ ໂຮງຮຽນການທະຫານທ້ອງຖິ່ນ
ໂດຍ: ກອງຄຳ ຈິ່ງດ້າຍອດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
