ວັນສຸກ, ວັນທີ 07 ສິງຫາ 2026
ກອງປະຊຸມສະຫຼຸບຖອດຖອນບົດຮຽນວຽກງານ 4 ບຸກ ຂອງຊາວໜຸ່ມ ທົ່ວກົມໃຫຍ່ການເມືອງກອງທັບ ປະຈຳປີ 2025
ເວລາອອກຂ່າວ: 2026-07-15 09:14:41 | ຜູ້ຂຽນ : admin1 | ຈຳນວນຄົນເຂົ້າຊົມ: 147 | ຄວາມນິຍົມ: 
ກອງປະຊຸມສະຫຼຸບຖອດຖອນບົດຮຽນວຽກງານ 4 ບຸກຂອງຊາວໜຸ່ມ ທົ່ວກົມໃຫຍ່ການເມືອງກອງທັບ ປະຈຳປີ 2025 ແລະ ວາງທິດທາງແຜນການ ປະຈຳປີ 2026, ໄດ້ຈັດຂຶ້ນໃນວັນທີ 14 ກໍລະກົດ 2026 ນີ້, ໂດຍການ
ເປັນປະທານຂອງ ສະຫາຍ ພັນເອກ ບຸນເພັງ ແກ້ວນາທີ ຮອງຫົວໜ້າຫ້ອງການເມືອງ ກົມໃຫຍ່ການເມືອງກອງທັບ ຜູ້ຊີ້ນຳວຽກງານອົງການຈັດຕັ້ງມະຫາຊົນ, ມີຄະນະພັກ-ຄະນະບັນຊາ, ຄະນະບໍລິຫານງານ, ຄະນະໜ່ວຍຊາວໜຸ່ມ ແລະ ສະມາຊິກຊາວໜຸ່ມທົ່ວກົມໃຫຍ່ການເມືອງກອງທັບເຂົ້າຮ່ວມ.
ສະຫາຍ ພັນໂທ ຈັນນະຄອນ ອາດສະໝຸດ ຫົວໜ້າພະແນກຊາວໜຸ່ມ ຫ້ອງການເມືອງ ກົມໃຫຍ່ການເມືອງກອງທັບ ໄດ້ຂຶ້ນຜ່ານບົດສະຫຼຸບວຽກງານຂະບວນການຈັດຕັ້ງຂໍ້ແຂ່ງ 4 ບຸກ ຂອງຊາວໜຸ່ມກົມໃຫຍ່ການເມືອງກອງທັບ ປະຈຳປີ 2025 ແລະ ວາງທິດທາງແຜນການ ປະຈຳປີ 2026, ໃນນັ້ນພະແນກຊາວໜຸ່ມ ໄດ້ຖືສຳຄັນຕໍ່ວຽກງານສຶກສາອົບຮົມການເມືອງນຳພາແນວຄິດ ດ້ວຍຫຼາຍຮູບການ, ຫຼາຍວິທີການ ແນໃສ່ເຮັດໃຫ້ສະມາຊິກຊາວໜຸ່ມໝົດທຸກຄົນມີແນວຄິດຫຼັກໝັ້ນ, ມີຄວາມສາມະຄີເປັນເອກະພາບຢຶດໝັ້ນຕາມແນວທາງປ່ຽນແປງໃໝ່ຂອງພັກ, ມີຄວາມເຊື່ອໝັ້ນ ແລະ ປະກອບສ່ວນເຂົ້າໃນການເຮັດໜ້າທີ່ວຽກງານວິຊາສະເພາະຢ່າງມີຄວາມຮັບຜິດຊອບ ແທດ ເໝາະກັບສະພາບເງື່ອນໄຂຕົວຈິງຂອງແຕ່ລະໜ່ວຍ, ໄດ້ຊີ້ນຳຊາວໜຸ່ມ ເຂົ້າຮ່ວມເຊື່ອມຊຶມບັນດາເອກະສານຕ່າງໆຂອງພັກກໍຄືຂອງຄະນະບໍລິຫານງານຊາວໜຸ່ມ ປປ ລາວ ໂດຍສະເພາະແມ່ນເຂົ້າຮ່ວມບັ້ນດຳເນີນຊີວິດການເມືອງໃນທົ່ວກອງທັບໃນໂອກາດວັນສ້າງຕັ້ງກອງທັບຄົບຮອບ 77 ປີ, ເຂົ້າຮ່ວມຟັງປາຖະກະຖາ ວັນຢຶດອຳນາດ 23 ສິງຫາ, ວັນລັດຖະທຳມະນູນ, ວັນຊາດທີ 2 ທັນວາ, ວັນຄ້າຍວັນເກີດ ປະທານໄກສອນ ພົມວິຫານ ຄົບຮອບ 105 ປີ, ໄປທັດສະນະອານຸສອນສະຖານ ປະທານ
ສຸພານຸວົງ ແລະ ອະນຸສອນສະ ຖານຄຸກກັກຂັງຜູ້ນຳພັກ-ແນວລາວຮັກຊາດຈຳນວນ 16 ທ່ານ ຂອງລັດຖະບານຮຸ່ນວຽງຈັນ ທີ່ຄ້າຍໂພນເຄັງ, ພ້ອມນັ້ນ ກໍໄດ້ດຳເນີນຊີວິດການເມືອງພາຍໃນໜ່ວຍເປັນປົກກະຕິ ແລະ ຮັບການສ່ອງແສງປະຈຳເດືອນເປັນປະຈຳ ອັນໄດ້ສ້າງເງື່ອນໄຂເຮັດໃຫ້ໜ່ວຍຊາວໜຸ່ມ, ສະມາຊິກຊາວໜຸ່ມມີຄວາມຕັ້ງໜ້າປະຕິບັດແນວທາງຂອງພັກ ແຜນພັດຖະນາເສດຖະກິດ-ສັງຄົມຂອງຊາດ ທິດທາງແຜນການຂອງແຕ່ລະກົມກອງໃນແຕ່ລະໄລຍະ, ມີແບບແຜນດຳລົງຊີວິດທີ່ ປອດໃສປະຕິບັດມະຕິ ຄຳສັ່ງ, ກົດໝາຍ, ລະບຽບວິໄນຂອງກອງທັບ ແລະ ຂອງຊາວໜຸ່ມ ປປ ລາວ, ມີຄວາມສາມັກຄີພາຍໃນຊ່ວຍເຫຼືອເຊິ່ງກັນ ແລະ ກັນພ້ອມທັງເປັນກຳລັງແຮງຂອງພັກ ນຳໜ້າທຸກວຽກງານຂອງກົມກອງ ຕີຖອຍປະກົດການຫຍໍ້ທໍ້ສາມາດກຳແໜ້ນສະພາບພາຍໃນໜ່ວຍໄດ້ຢ່າງຈະແຈ້ງ ແລະ ທັນເວລາຕ້ານ ແລະ ສະກັດກັ້ນປະກົດການຫຍໍ້
ທໍ້ບັນຫາທີ່ບໍ່ດີທີ່ອາດຈະເກີດຂຶ້ນພາຍໃນໜ່ວຍຂອງຕົນ ແລະ ເພື່ອຕອບສະໜອງກັບຄວາມ ຮຽກຮ້ອງຕ້ອງການຂອງໜ້າທີ່ການເມືອງຂອງພັກ ຂອງກອງ ທັບ ກໍຄືຂອງກົມກອງສະມາ ຊິກຊາວໜຸ່ມໃນແຕ່ລະໜ່ວຍໄດ້ເອົາໃຈໃສ່ຕັ້ງໜ້າເຝິກຝົນຫຼໍ່ຫຼອມຕົນເອງ, ຊອກຮູ້ຄົ້ນຄວ້າຮ່ຳຮຽນເພື່ອສະແຫວງຫາຄວາມກ້າວໜ້າພັດທະນາຕົນເອງຊອກຮູ້ຮ່ຳຮຽນທັງພາຍໃນ ແລະ ຕ່າງປະເທດ ເພື່ອຍົກລະດັບຄວາມຮູ້ຄວາມສາມາດເພື່ອໝູນໃຊ້ເຂົ້າໃນວຽກງານວິຊາສະເພະໃຫ້ດີຂຶ້ນເທື່ອລະກ້າວ, ເຝິກຝົນຕົນເອງມີຄວາມເປັນແບບຢ່າງທາງດ້ານລະບຽບວິໄນ, ຄຸນສົມບັດສິນທຳປະຕິວັດ ມີຄຸນທາດການເມືອງໜັກແໜ້ນ, ກຳແໜ້ນບັນດາບົດຮຽນທີ່ຮຽນມາສົມທົບໃສ່ກັບການປະຕິບັດວຽກງານຕົວຈິງ, ສາມາດຮັບ ປະກັນໃນການເຄື່ອນໄຫວວຽກງານຕົວຈິງ ແລະ ໄດ້ຮັບການເຊື່ອໝັ້ນ ແລະ ໄວ້ວາງໃຈຈາກການຈັດຕັ້ງເຊິ່ງເຮັດໃຫ້ພະແນກຊາວໜຸ່ມ, ຄະນະບໍລິຫານງານຊາວໜຸ່ມ, ໜ່ວຍຊາວໜຸ່ມ ພ້ອມດ້ວຍສະມາຊິກຊາວໜຸ່ມ ທີ່ຂຶ້ນກັບໄດ້ຮັບການຍ້ອງຍໍເລື່ອນຊັ້ນ, ໄປຮຽນກໍ່ສ້າງ-ບຳລຸງ ຢູ່ພາຍໃນ ແລະ ຕ່າງປະເທດເປັນຈຳນວນຫຼາຍພໍສົມຄວນ, ພ້ອມນັ້ນ ບາງໜ່ວຍບາງກົມກອງທີ່ມີເງື່ອນໄຂກໍໄດ້ຈັດຕັ້ງເຝິກອົບຮົມ ດ້ານວຽກງານວິຊາສະເພາະຂຶ້ນເພື່ອແນໃສ່ສ້າງໃຫ້ພະນັກງານວິຊາການ ໂດຍສະເພາະກໍແມ່ນຊາວໜຸ່ມເຂົ້າຮ່ວມຢ່າງຕັ້ງໜ້າ ແລະ ມີຄວາມຮັບຜິດຊອບສູງຕໍ່ການມອບໝາຍຂອງຂັ້ນເທິງ, ເອົາໃຈໃສ່ຊີ້ນຳບັນດາໜ່ວຍຊາວໜຸ່ມໃນການປະຕິບັດລະບອບດຳເນີນຊີວິດການເມືອງພາຍໃນໜ່ວຍຂອງ ຕົນຢ່າງເປັນປົກກະຕິ ເພື່ອປະກອບຄຳຄິດເຫັນ ຕຳນິຕິຊົມຕົນເອງ ແລະ ຕຳນິຕິຊົມເຊິ່ງກັນ ແລະ ກັນດ້ວຍຄວາມຈິງໃຈ ປະຕິບັດວຽກງານມີແບບແຜນຈະແຈ້ງໂດຍການປະຕິບັດຕາມຫຼັກການລວມສູນປະຊາທິປະໄຕເຮັດວຽກເປັນໝູ່ຄະນະ ບຸກຄົນຮັບຜິດຊອບບົນພື້ນຖານທິດທາງຂອງພະແນກ, ຂອງແຕ່ລະກົມກອງໃນແຕ່ລະໄລຍະ ພ້ອມທັງຈັດຕັ້ງສະຫຼຸບ ຖອດຖອນບົດຮຽນເປັນປະຈຳ, ດັ່ງນັ້ນຈຶ່ງເຮັດໃຫ້ລະບົບການຈັດຕັ້ງຂອງພວກເຮົາມີຄວາມໜັກແໜ້ນທາງດ້ານການເມືອງແນວຄິດ, ເຂັ້ມແຂງທາງດ້ານການຈັດຕັ້ງ ແລະ ວິຊາການເຊິ່ງມັນສະແດງອອກພາຍໃນໜ່ວຍຊາວໜຸ່ມມີຄວາມສະຫງົບໂດຍພື້ນຖານສາມາດເຮັດສຳເລັດໜ້າທີ່ ທີ່ໄດ້ຮັບມອບໝາຍບັນລຸໄດ້ຕາມທິດທາງສ້າງໜ່ວຍຊາວໜຸ່ມ 4 ບຸກ ແລະ ສະມາຊິກຊາວໜຸ່ມ 4 ບຸກ ທີ່ວາງໄວ້. ຈາກນັ້ນ ສະຫາຍ ພັນຕີ ວິໄລສັກ ພອນຄຳປານ ຮອງຫົວໜ້າພະແນກຊາວໜຸ່ມຫ້ອງການເມືອງ ກົມໃຫຍ່ການ ເມືອງກອງທັບ ໄດ້ຂຶ້ນຜ່ານຂໍ້ຕົກລົງຂອງກົມໃຫຍ່ການເມືອງກອງທັບ ວ່າດ້ວຍອະນຸມັດໃບຍັ້ງຢືນນາມມະຍົດ 4 ບຸກ ໃຫ້ການຈັດຕັ້ງຊາວໜຸ່ມ ແລະ ສະ ມາຊິກຊາວໜຸ່ມໃນກຳລັງຫຼວງທົ່ວກອງທັບ ໃນນັ້ນ, ກົມໃຫຍ່ການເມືອງກອງທັບ ຕົກລົງມອບ
ໃບຢັ້ງຢືນນາມມະຍົດ 4 ບຸກ ໄລຍະ 3 ປີ 2022-2025 ໃຫ້ການຈັດຕັ້ງຊາວໜຸ່ມ ແລະ ສະ ມາຊິກຊາວໜຸ່ມ ກົມກອງຮາກຖານ ໃນກຳລັງຫຼວງທົ່ວກອງທັບ ຈຳນວນ 40 ກົມກອງ. ພ້ອມດຽວກັນນັ້ນ, ກອງປະຊຸມຍັງໄດ້ຮັບຟັງການໂອ້ລົມໃຫ້ທິດຊີ້ນຳຫຼາຍບັນຫາທີ່ສຳຄັນຈາກປະທານ ຕື່ມອີກ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
