ວັນສຸກ, ວັນທີ 07 ສິງຫາ 2026
ເປີດຮຽນເອກະສານສະໜັບສະໜູນໃຫ້ມະຫາຊົນຜູ້ກ້າວໜ້າ
ເວລາອອກຂ່າວ: 2026-07-15 09:17:07 | ຜູ້ຂຽນ : admin1 | ຈຳນວນຄົນເຂົ້າຊົມ: 144 | ຄວາມນິຍົມ: 
ໂດຍປະຕິບັດຕາມຕາມ 5 ຫຼັກການ 3 ທິດນຳຂອງພັກ ວ່າດ້ວຍການເປີດຮຽນເອກະສານສະໜັບສະໜູນໃຫ້ມະຫາຊົນຜູ້ກ້າວໜ້າ ຢູ່ຫ້ອງພະລາທິການກອງບັນຊາການທະຫານແຂວງໄຊຍະບູລີ ໄດ້ຈັດຂຶ້ນໃນ ວັນທີ 8 ກໍລະກົດ 2026 ໂດຍການເປັນປະທານຂອງ ສະຫາຍ ພັນໂທ ອຳໄພ ອຸ່ມສາພົນ ຮອງເລຂາຄະ ນະພັກຮາກຖານ ຮອງຫົວໜ້າຫ້ອງພະລາທິການ ກອງບັນຊາການທະຫານແຂວງໄຊຍະບູລີ, ມີຄະນະພັກຫ້ອງພະລາທິການ ແລະ ມະຫາຊົນຜູ້ກ້າວໜ້າເຂົ້າຮຽນເອກະສານສະໜັບສະໜູນ.
ສະຫາຍ ພັນໂທ ອຳໄພ ອຸ່ມສາພົນ ໄດ້ຜ່ານມະຕິຕົກລົງຂອງຄະນະພັກ ກອງບັນຊາການທະ ຫານແຂວງໄຊຍະບູລີ ສະບັບເລກທີ 166/ຄນພ,ກບຊ ລົງວັນທີ 3 ມິຖຸນາ 2026 ວ່າດ້ວຍການ ອະນຸມັດຮຽນສະໜັບສະໜູນໃຫ້ ມະຫາຊົນຜູ້ກ້າວໜ້າ ເພື່ອຂະ ຫຍາຍເຂົ້າພັກ, ຈຸດປະສົງໃນການເປີດຮຽນຄັ້ງນີ້ ເພື່ອເຮັດໃຫ້ມະຫາຊົນຜູ້ກ້າວໝ້າທີ່ຈະຂະ ຫຍາຍເຂົ້າເປັນສະມາຊິກພັກຮັບຮູ້ເຂົ້າໃຈເບື້ອງຕົ້ນກ່ຽວກັບປະຫັວດຄວາມເປັນມາ ອຸດົມການ ທາດແທ້ ຂອງພັກປະຊາຊົນປະ ຕິວັດລາວ ເຂົ້າໃຈກ່ຽວກັບມາດ ຖານເງື່ອນໄຂ ຜູ້ທີ່ຈະເຂົ້າເປັນສະມາຊິກພັກ ແລະ ຜົນປະໂຫຍດທີ່ສະມາຊິກພັກໄດ້ຮັບ ເພື່ອເຮັດໃຫ້ມະຫາຊົນຜູ້ກ້າວໜ້າຕັ້ງໜ້າເຝິກຟົນຫຼໍ່ຫຼອມຕົນເອງໃຫ້ມີມາດ ຖານເງື່ອນໄຂຄົບຖ້ວນ ແລະ ມີຄວາມຕື່ນຕົວສະໝັກເຂົ້າເປັນສະມາຊິກພັກປະຊາຊົນປະຕິວັດລາວ ເຂົ້າໃນການປັກປັກຮັກສາ ແລະ ສ້າງສາພັດທະນາປະເທດຊາດໃຫ້ຈະເລີນຮຸ່ງເຮືອງສີວິໄລ.
ໂດຍ: ນາງ ບົວລິວັນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
