ວັນສຸກ, ວັນທີ 07 ສິງຫາ 2026
ຄະນະເຝິກອົບຮົມວຽກງານປະດິດແຕ່ງສິລະປະດົນຕີທົ່ວກອງທັບ ຄັ້ງທີ III ເຂົ້າຮ່ວມພົບປະແລກປ່ຽນ ຢູ່ ວິທະຍາໄລສິລະປະແຫ່ງຊາດ
ເວລາອອກຂ່າວ: 2026-07-16 10:31:05 | ຜູ້ຂຽນ : admin1 | ຈຳນວນຄົນເຂົ້າຊົມ: 247 | ຄວາມນິຍົມ: 
ໃນວັນທີ 15 ກໍລະກົດ 2026 ນີ້, ຄະນະເຝິກອົບຮົມວຽກ ງານປະດິດແຕ່ງສິລະປະດົນຕີທົ່ວກອງທັບ ຄັ້ງທີ III ໄດ້ເດີນ ທາງໄປທັດສະນະສຶກສາ ແລະ ພົບປະແລກປ່ຽນບົດຮຽນຢູ່ວິ ທະຍາໄລສິລະປະແຫ່ງຊາດ. ການຮ່ວມກິດຈະກຳໃນຄັ້ງນີ້ ນຳໂດຍ ສະຫາຍ ພັນເອກ ໄຊຊະນະ ສະເຫຼີມສັກ ຮອງຫົວ ໜ້າກົມໂຄສະນາອົບຮົມກົມໃຫຍ່ການເມືອງກອງທັບ ພ້ອມດ້ວຍຄະນະຮັບຜິດ ຊອບ; ໂດຍໃຫ້ການຕ້ອນຮັບຢ່າງອົບອຸ່ນຈາກສະຫາຍ ວິລະພັນ ຊາພູວົງ ຜູ້ອຳ ນວຍການວິທະຍາໄລສິລະປະແຫ່ງຊາດ ພ້ອມດ້ວຍຄູ-ອາຈານ ແລະ ພາກສ່ວນທີ່ກ່ຽວຂ້ອງ.
ການພົບປະແລກປ່ຽນຄັ້ງນີ້ ບໍ່ພຽງແຕ່ເປັນການເ ປີດໂອກາດໃຫ້ນັກສຳມານາກອນ ໄດ້ຖອດຖອນບົດຮຽນຕົວຈິງຈາກຄູ-ອາ ຈານ ຜູ້ມີປະສົບການສູງຂອງ
ວິທະຍາໄລສິລະປະແຫ່ງຊາດເທົ່ານັ້ນ, ແຕ່ຍັງເປັນການຊຸກຍູ້ໃຫ້ວຽກງານປະດິດແຕ່ງສິລະປະດົນຕີທົ່ວກອງທັບ ມີຄວາມອຸດົມສົມບູນ, ມີລັກສະນະຊາດ, ລັກສະນະມະຫາຊົນ ແລະ ກ້າວໜ້າຢ່າງບໍ່ຢຸດຢັ້ງ. ໃນໂອກາດດຽວກັນ, ຄະນະຜູ້ແທນຍັງໄດ້ຮ່ວມຮັບຊົມການສະແດງສິລະປະວັດທະນະທຳ, ບົດເພງ ແລະ ການເສບດົນຕີພື້ນເມືອງ-ສາກົນ ທີ່ເປັນເອກະລັກ ຈາກຄູ-ອາຈານ ແລະ ນັກສຶກສາຂອງວິທະຍາໄລ ເຊິ່ງບັນຍາກາດເຕັມໄປດ້ວຍຄວາມຟົດຟື້ນ, ມ່ວນຊື່ນ ແລະ ສະໜິດສະໜົມຮັກແພງ.
ໃນຕອນທ້າຍ, ຕາງໜ້າຄະນະເຝິກອົບຮົມວຽກງານປະດິດແຕ່ງສິລະປະດົນຕີທົ່ວກອງທັບ ຄັ້ງທີ III ໄດ້ມອບກະຕ່າດອກໄມ້ ແລະ ຂອງຂວັນທີ່ລະນຶກ ໃຫ້ແກ່ວິທະຍາໄລສິລະປະແຫ່ງຊາດ ພ້ອມທັງຖ່າຍຮູບຮ່ວມກັນ ເພື່ອຈາລຶກໄວ້ເປັນຂີດໝາຍແຫ່ງຄວາມສາມັກຄີອັນແໜ້ນແຟ້ນ ລະຫວ່າງກຳລັງປະກອບອາວຸດ ແລະ ວິທະຍາໄລສິລະປະແຫ່ງຊາດ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
