ວັນອັງຄານ, ວັນທີ 18 ສິງຫາ 2026
ກອງພັນໃຫຍ່ 497 ປ່ອຍປາລົງໜອງລວມ ເນື່ອງໃນໂອກາດ ວັນປ່ອຍປາ ແລະ ອານຸລັກສັດນ້ຳ-ສັດປ່າ ແຫ່ງຊາດ
ເວລາອອກຂ່າວ: 2026-07-17 09:01:01 | ຜູ້ຂຽນ : admin1 | ຈຳນວນຄົນເຂົ້າຊົມ: 228 | ຄວາມນິຍົມ: 
ເນື່ອງໃນໂອກາດ ວັນປ່ອຍປາ ແລະ ອານຸລັກສັດນ້ຳ-ສັດປ່າ ແຫ່ງຊາດຄົບຮອບ 29 ປີ ວັນທີ 13 ກໍລະກົດ 2026 ນີ້, ກອງພັນໃຫຍ່ 497 ໄດ້ຈັດພິທີປ່ອຍປາ ຢູ່ທີ່ໜອງປາລວມຂອງກອງພັນໃຫຍ່ ເນື່ອງໃນໂອກາດ ວັນປ່ອຍປາ ແລະ ອານຸລັກສັດນ້ຳ-ສັດປ່າ ແຫ່ງຊາດຄົບຮອບ 29 ປີ ໂດຍການເຂົ້າຮ່ວມເປັນປະທານ ຂອງສະຫາຍ ພັນເອກ ທອງດຳ ດວງມາລາ ຜູ້ບັນຊາການ ກອງ
ພັນໃຫຍ່ 497, ມີຄະນະພັກ-ຄະນະບັນຊາ ພະແນກການ ກົມກອງ ແລະ ພະນັກງານ-ນັກຮົບເຂົ້າຮ່ວມ.
ສຳລັບການຈັດກິດຈະກຳປ່ອຍປາໃສ່ໜອງລວມຂອງກອງພັນໃຫຍ່ໃນຄັ້ງນີ້ ແມ່ນເພື່ອເປັນການສ້າງຄວາມເຂັ້ມແຂງທາງດ້ານວຽກງານລ້ຽງດູທັບເພື່ອຕອບສະໜອງແຫຼ່ງອາຫານ-ດ້ານຊີ້ນປາ, ຮັບປະກັນແກ້ໄຂຊີວິດການເປັນຢູ່ໃຫ້ນາຍ ແລະ ພົນທະຫານໃນກົມກອງ ສ້າງເງື່ອນໄຂ ເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ຕາມທ່າແຮງບົ່ມຊ້ອນ, ສ້າງໃຫ້ມີລາຍຮັບ ສາມາດຕອບສະໜອງໄດ້ໃນການດຳລົງຊີວິດປະຈຳວັນໃຫ້ດີຂຶ້ນ. ທັງເປັນການປູກຈິດສຳນຶກໃຫ້ພະນັກງານ-ນັກຮົບພາຍໃນກົມກອງເຫັນໄດ້ຄວາມໝາຍຄວາມສຳຄັນໃນວັນດັ່ງກ່າວຢ່າງເລິກເຊິ່ງ ເພື່ອພ້ອມກັນປົກປັກຮັກສາອານຸລັກສັດນ້ຳ-ສັດປ່າໃຫ້ເພີ່ມຂຶ້ນໃນແຕ່ລະປີ ແລະ ໃຫ້ມີຄວາມຍືນຍົງຕະຫຼອດໄປ. ສຳລັບປາທີ່ນຳມາປ່ອຍປະກອບມີ: ປາໄນ, ປານິນ, ປາປາກ, ປາໂລຮູ້ ແລະ ປາມະນີການ ລວມທັງໝົດ: 80.000 ພັນໂຕ.
ໂດຍ: ເປີ້ນ ແສງຄຳມີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
