ວັນອັງຄານ, ວັນທີ 18 ສິງຫາ 2026
ປະທານຄະນະກຳມະການປົກຄອງແຂວງຄຳມ່ວນ ຕ້ອນຮັບ ຮອງຫົວໜ້າຫ້ອງການກົມໃຫຍ່ເສນາທິການກອງທັບ
ເວລາອອກຂ່າວ: 2026-07-17 09:04:01 | ຜູ້ຂຽນ : admin1 | ຈຳນວນຄົນເຂົ້າຊົມ: 235 | ຄວາມນິຍົມ: 
ໃນວັນທີ 7 ກໍລະກົດ 2026 ນີ້, ສະຫາຍ ປອ ສົມສະອາດ ອຸ່ນສີດາ ປະທານຄະນະກຳມະການປົກຄອງແຂວງຄຳມ່ວນ ໄດ້ໃຫ້ກຽດຕ້ອນຮັບການເຂົ້າພົບປະຂອງ ສະຫາຍ ພັນເອກ ວິລະພົງ ໄຊຍະນິກອນ ຮອງຫົວໜ້າຫ້ອງ
ການກົມໃຫຍ່ເສນາທິການກອງທັບ, ທັງເປັນຫົວໜ້າກອງເລຂາຄະນະກຳມະການແກ້ໄຂກວດກູ້ລະເບີດບໍ່ທັນແຕກ ກະຊວງປ້ອງກັນປະເທດ ໃນໂອກາດລົງມາເຄື່ອນໄຫວເຮັດວຽກທີ່ແຂວງຄຳມ່ວນ.
ໂອກາດນີ້, ສະຫາຍ ພັນເອກ ວິລະພົງ ໄຊຍະນິກອນ ໄດ້ແຈ້ງຈຸດປະສົງໃນການມາເຄື່ອນໄຫວຢູ່ແຂວງຄຳມ່ວນ ໃນຄັ້ງນີ້ ກໍ່ເພື່ອນຳພາຄະນະກຳລັງທະຫານຊ່ຽວຊານຈາກ ສະຫະພັນຣັດເຊຍ ລົງມາປະຕິບັດພາລະກິດສຳຫຼວດ ແລະ ກວດກູ້ລະເບີດບໍ່ທັນແຕກ ໃນເຂດຍຸດທະສາດຂອງກອງທັບ ທີ່ຕັ້ງຢູ່ພາຍໃນແຂວງຄຳມ່ວນ ເພື່ອແນໃສ່ຮັບປະກັນຄວາມປອດໄພ ແລະ ຫຼຸດຜ່ອນຄວາມສ່ຽງຈາກໄພອັນຕະລາຍຂອງລະເບີດຕົກຄ້າງ.
ໂອກາດດັ່ງກ່າວ, ສະຫາຍ ປອ ສົມສະອາດ ອຸ່ນສີດາ ກໍ່ໄດ້ກ່າວຕ້ອນຮັບ ແລະ ຕີລາຄາສູງຕໍ່ການລົງມາປະຕິບັດພາລະກິດອັນມີຄວາມໝາຍສຳຄັນນີ້ ພ້ອມທັງໄດ້ສະແດງຄວາມຂອບໃຈມາຍັງ ກະຊວງປ້ອງກັນປະເທດ ທີ່ໄດ້ເລືອກແຂວງຄຳມ່ວນເປັນພື້ນທີ່ໃນການຈັດຕັ້ງປະຕິບັດໂຄງການ, ພ້ອມດຽວກັນນັ້ນ
ສະຫາຍຍັງໄດ້ຢືນຢັນວ່າ ອົງການປົກຄອງແຂວງຄຳມ່ວນ ຍິນດີໃຫ້ການຮ່ວມມືຢ່າງເຕັມສ່ວນ, ອຳນວຍຄວາມສະດວກ ແລະ ສະໜັບສະໜູນໃນທຸກດ້ານ ເພື່ອໃຫ້ການເຄື່ອນໄຫວຂອງຄະນະຊ່ຽວຊານ ແລະ ກຳລັງທີ່ກ່ຽວຂ້ອງ ດຳເນີນໄປດ້ວຍຄວາມສະດວກ, ວ່ອງໄວ ແລະ ບັນລຸຜົນສຳເລັດຕາມເປົ້າໝາຍທີ່ວາງໄວ້ຢ່າງມີປະສິດທິຜົນ
ໂດຍ: ເກດມະນີ ສຸວັນນະລາດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
