POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 07 ສິງຫາ 2026

ກອງບັນນາທິການ ໜັງສືພິມກອງທັບ ສະຫຼຸບວຽກງານຮອບດ້ານ 6 ເດືອນຕົ້ນປີ 2026
ເວລາອອກຂ່າວ: 2026-07-17 09:06:01 | ຜູ້ຂຽນ : admin1 | ຈຳນວນຄົນເຂົ້າຊົມ: 219 | ຄວາມນິຍົມ:

ໃນວັນທີ 16 ກໍລະກົດ 2026 ນີ້, ກອງບັນນາທິການ ໜັງສືພິມກອງທັບ ໄດ້ຈັດກອງປະຊຸມສະຫຼຸບວຽກງານຮອບ ດ້ານ ປະຈຳ 6 ເດືອນຕົ້ນປີ, ວາງ ທິດທາງແຜນການ 6 ເດືອນທ້າຍປີ ແລະ ຜ່ານເງືອນໄຂ ແລະ ມາດຖານຂໍ້ແຂ່ງຂັນ “ຮັກຊາດ ແລະ ພັດທະນາ” ປະຈຳປີ 2026, ໂດຍການເປັນປະທານ ຂອງ ສະຫາຍ ພັນເອກ ວັນເຮືອງ ສີວິໄລ ຫົວໜ້າບັນນາທິການ ໜັງສືພິມກອງທັບ, ມີຄະນະພັກ-ຄະນະບັນນາທິການ, ຫົວໜ້າ-ຮອງຫົວໜ້າພະແນກ ຕະຫຼອດຮອດພະນັກງານ-ນັກຮົບ ທົ່ວກອງບັນນາທິການໜັງສືພິມກອງທັບເຂົ້າຮ່ວມ. ໃນພິທີ ສະຫາຍ ພັນໂທ ສຸພັນສາ ຄຳມີ ຫົວໜ້າພະແນກບໍລິຫານ ໄດ້ຜ່ານບົດສະຫຼຸບວຽກງານຮອບດ້ານຂອງ ກອງບັນ ນາທິການໜັງສືພິມກອງທັບ ໃນໄລຍະ 6 ເດືອນຜ່ານມາ ສາມາດເຮັດສຳເລັດວຽກງານຫຼາຍດ້ານ ເປັນຕົ້ນແມ່ນ ໄດ້ຕິດ ຕາມກຳແໜ້ນສະພາບແນວຄິດຂອງ ພະນັກງານ-ນັກຮົບ ໃນກົມກອງກໍລະນີມີບັນຫາປະກົດ ການເກີດຂຶ້ນກໍຮີບຮ້ອນແກ້ໄຂແຕ່ຫົວທີ, ເອົາໃຈໃສ່ສຶກສາອົບຮົມໃຫ້ພະນັກງານ ແລະ ນັກຮົບເຂົ້າໃຈແນວທາງນະໂຍບາຍຂອງພັກ-ລັດ ຮູ້ຈຳແນກໄດ້ມິດ ແລະ ສັດຕູ, ມີນ້ຳໃຈຮັກປະເທດຊາດ, ຮັກລະບອບໃໝ່, ມີຄວາມເຊື່ອ ໝັ້ນຕໍ່ການນຳພາຂອງພັກ, ເອົາ ໃຈໃສ່ປະຕິບັດມະຕິຄຳສັ່ງຂອງ ຄະນະພັກ-ຄະນະບັນນາທິການ, ມີຄວາມຫ້າວຫັນເຮັດວຽກງານຕາມການຈັດຕັ້ງມອບໝາຍໃຫ້, ໄດ້ຊີ້ນຳໃຫ້ແຕ່ລະພະແນກ, ໜ່ວຍຊາວໜຸ່ມ, ແມ່ຍິງດຳເນີນຊີວິດການເມືອງເດືອນລະ 1 ເທື່ອ, ຄະນະບັນນາທິການ ຮັບສ່ອງແສງພະແນກການເພື່ອຟັງສະ ພາບການເມືອງ-ແນວຄິດຂອງພະນັກງານ-ນັກຮົບ ແລະ ເຜີຍແຜ່ວຽກງານທີ່ໄດ້ຮັບການສ່ອງແສງຈາກຂັ້ນເທິງທຸກເຊົ້າວັນຈັນ, ໄດ້ຈັດຕັ້ງຮັບສ່ອງແສງພະແນກ ແລະ ອົງການຈັດຕັ້ງມະຫາຊົນໃນທຸກໆເດືອນ, ໄດ້ສຳເລັດກອງ ປະຊຸມສະຫຼຸບວຽກງານປະຈຳປີ 2025 ແລະ ວາງທິດທາງແຜນການປະຈຳ ປີ 2026 ແລະ ກອງປະຊຸມສະຫຼຸບວຽກງານຮອບ ດ້ານປະຈຳໄຕມາດທີ 1 ແລະ ທິດທາງແຜນການປະຈຳໄຕ ມາດທີ II ປີ 2026, ເອົາໃຈໃສ່ນຳພາພະນັກງານ-ນັກຮົບປະຕິບັດລະບຽບວິໄນຂອງກອງທັບເປັນຕົ້ນແມ່ນລະບຽບການນຸ່ງຖື, ການເຂົ້າການ-ເລີກການຖືກຕ້ອງຕາມເວລາ, ໄດ້ສຸມໃສ່ໂຄສະນາໃຫ້ແກ່ການເຄື່ອນໄຫວຂອງການນຳ ພັກ-ລັດ ກໍຄືວັນສ້າງຕັ້ງກອງທັບປະຊາຊົນລາວ ຄົບຮອບ 77 ປີ, ໂຄສະນາເຜີຍແຜ່ມະຕິກອງປະຊຸມໃຫຍ່ ຄັ້ງທີ VI ຂອງອົງຄະນະພັກກະຊວງປ້ອງກັນປະເທດ ແລະ ມະຕິກອງປະຊຸມໃຫຍ່ ຄັ້ງທີ XII ຂອງພັກປະຊາຊົນປະຕິວັດລາວ, ຂະບວນການສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ກອງ 3 ປອດ, ກອງວັດທະນະທຳປິ່ນອ້ອມ 4 ໜ້າທີ່ໃຫຍ່ 26 ແຜນງານ, ຂະບວນການເຝິກແອບຮໍ່າຮຽນກຽມພ້ອມສູ້ຮົບ, ໂຄສະນາໃຫ້ແກ່ຜົນສຳເລັດຂອງການພັດທະນາ ເສດຖະກິດ-ສັງຄົມ ຂອງປະເທດເພື່ອນມິດຍຸດທະສາດໄປຄຽງຄູ່ກັບການສະເໜີ ຂ່າວ ທາງການທະຫານທີ່ພົ້ນເດັ່ນໃນໂລກ, ໄດ້ຈັດຕັ້ງຈຸປະຈຳການເຮັດໜັງສືພິມໂດຍຜັນປ່ຽນໝູນວຽນກັນແຕ່ລະວັນລວມມີ 6 ຈຸ ເພື່ອດຳເນີນການຜະລິດ ແລະ ຈຳໜ່າຍໜັງ ສືພິມລາຍວັນເປັນປົກກະຕິໃນ 6 ເດືອນຕົ້ນປີ 2026 ນີ້, ໄດ້ຜະລິດໜັງສືພິມ 120 ເທື່ອລວມຈຳນວນ 69.600 ສະບັບ, ໄດ້ເຄື່ອນໄຫວວຽກງານວິຊາສະເພາະເປັນ ປົກກະຕິໂດຍໄດ້ລົງຂ່າວໜັງສືພິມກອງທັບ, ລົງຂ່າວພາຍໃນໄດ້ 3.480 ຂ່າວ, ຂ່າວຕ່າງປະເທດ, ຂ່າວ ວິທະຍາສາດ-ເຕັກນິກການທະຫານ 1.118 ຂ່າວ, ບົດ 504 ບົດ, ຮູບ 3.600 ກວ່າຮູບ, ໄດ້ຈັດຕັ້ງການອັບເດດເວບໄຊໜັງສືພິມເອເລັກໂຕຣນິກ ພາສາລາວ ແລະ ພາສາອັງກິດໄດ້ 2.213 ຂ່າວ, ໃນ 6 ເດືອນຕົ້ນປີ 2026 ມີຜູ້ເຂົ້າເບິ່ງ 18.960.000 ກວ່າຄົນຈາກ 90 ກວ່າປະເທດ ໃນທົ່ວໂລກ. ຈາກນັ້ນ, ສະຫາຍ ພັນໂທ ຄອນສະຫວັນ ໄຊຍະລາດ ຮອງຫົວໜ້າບັນນາທິການ ໜັງສືພິມກອງທັບ ໄດ້ຜ່ານເນື້ອໃນຂະບວນ ການຂໍ້ແຂ່ງຂັນ ໂດຍພາຍໃຕ້ຄຳຂວັນ: "ຮັກຊາດ ແລະ ພັດທະນາ" ຈຸດປະສົງ-ຄາດໝາຍ ແມ່ນເພື່ອເຮັດໃຫ້ພະນັກງານ-ນັກຮົບ ກຳແໜ້ນແນວທາງນະໂຍບາຍຂອງພັກ, ກົດໝາຍຂອງລັດ, ມະຕິຄຳສັ່ງ, ຂໍ້ກຳນົດກົດລະບຽບຂອງກອງທັບ ແລະ ບັນດາມູນ ເຊື້ອອັນດີງາມຂອງຊາດ, ຂອງພັກ ແລະ ຂອງກອງທັບ, ຕອບຕ້ານທຸກກົນອຸບາຍຫັນປ່ຽນໂດຍສັນຕິຂອງສັດຕູ, ເພື່ອເປັນການປຸກລະດົມການຈັດຕັ້ງຜັນຂະຫຍາຍ ມະຕິກອງປະຊຸມໃຫຍ່ ຄັ້ງທີ XII ຂອງພັກ ແລະ ມະຕິກອງປະຊຸມໃຫຍ່ ຄັ້ງທີ VI ຂອງອົງຄະນະພັກກະຊວງປ້ອງກັນປະເທດ ແລະ ອົງຄະນະພັກ ກົມໃຫຍ່ການເມືອງກອງທັບ ແລະ ມະຕິກອງປະຊຸມໃຫຍ່ ຄັ້ງທີ XI ຂອງໜ່ວຍພັກໜັງສືພິມກອງທັບ ຕິດພັນກັບ 4 ໜ້າທີ່ໃຫຍ່ 26 ແຜນງານທີ່ກະຊວງປ້ອງກັນປະເທດວາງອອກໃຫ້ປະກົດເປັນຈິງ ແລະ ຖືເອົາໂອກາດນີ້ ປັບປຸງກໍ່ສ້າງກົມກອງໃນທຸກດ້ານ ເປັນຕົ້ນການສ້າງນັກຮົບວັດທະນະທຳຕິດພັນ ກັບການສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ, ກອງປອດໃສ, ປອດໄພ ແລະ ປອດຄະດີ ເຮັດໃຫ້ນາຍ ແລະ ພົນທະຫານທຸກຄົນໃນກົມກອງມີຄວາມບຸກບືນພັດທະນາຕົນເອງໃນທຸກດ້ານ, ພ້ອມກັນເຮັດສຳເລັດໜ້າທີ່ ທີ່ພັກ-ລັດ ແລະ ປະ ຊາຊົນມອບໝາຍໃຫ້. ສ່ວນກຳ ນົດເວລາເປີດ ແລະ ປິດຂະບວນການແຂ່ງຂັນ ແມ່ນນັບແຕ່ເດືອນ ກໍລະກົດ 2026 ຈົນຮອດເດືອນ ທັນວາ 2026 ຈຶ່ງຈະສຳເລັດ. ພ້ອມດຽວກັນນັ້ນ, ສະຫາຍ ພັນໂທ ອາໄພ ອະໄພຍະວົງ ຮອງຫົວໜ້າບັນນາທິການ ໜັງສືພິມກອງທັບ ໄດ້ຜ່ານໃບມອບສິດ ຂອງນາຍົກລັດຖະມົນຕີ, ລັດຖະດຳລັດ ຂອງປະທານປະເທດ ວ່າດ້ວຍການປະດັບຫຼຽນໄຊແຮງງານ, ດຳລັດ ຂອງນາຍຍົກລັດຖະມົນຕີ ວ່າດ້ວຍການປະດັບຫຼຽນກາແຮງງານ ແລະ ວ່າດ້ວຍການມອບໃບຍ້ອງຍໍລັດຖະບານ, ໃນນັ້ນ, ມອບໃຫ້ກອງບັນນາທິການໜັງສືພິມກອງທັບປະກອບມີ ຫຼຽນໄຊແຮງງານ ຊັ້ນ II ຈຳນວນ 6 ສະຫາຍ, ຫຼຽນໄຊແຮງງານ ຊັ້ນ III ຈຳນວນ 6 ສະຫາຍ, ຫຼຽນກາແຮງງານ ຈຳນວນ 6 ສະຫາຍ ແລະ ໃບຍ້ອງຍໍລັດຖະບານ ຈຳນວນ 1 ສະຫາຍ. ໃນໂອກາດດັ່ງກ່າວ, ກອງປະຊຸມຍັງໄດ້ຮັບຟັງການໂອ້ລົມໃຫ້ທິດຊີ້ນຳ ຫຼາຍບັນຫາທີ່ສຳຄັນຈາກ ສະຫາຍ ປະທານ ຕື່ມອີກ.

news to day and hot news