ວັນສຸກ, ວັນທີ 07 ສິງຫາ 2026
ມອບເງິນອຸດໜູນໃຫ້ຄອບຄົວພະນັກງານບຳນານທີ່ເສຍຊີວິດ ຈຳນວນ 6 ຄອບຄົວ
ເວລາອອກຂ່າວ: 2026-07-17 09:07:58 | ຜູ້ຂຽນ : admin1 | ຈຳນວນຄົນເຂົ້າຊົມ: 218 | ຄວາມນິຍົມ: 
ວັນທີ 13 ກໍລະກົດ 2026 ນີ້, ກອງບັນຊາການທະຫານແຂວງສະຫວັນນະເຂດ ໄດ້ຈັດພິທີມອບເງິນອຸດໜູນໃຫ້ຄອບຄົວພະນັກງານບຳນານທີ່ເສຍຊີວິດຈຳນວນ 6 ຄອບຄົວ ລວມເປັນເງິນ 999.434.366 ກີບ. ທັງນີ້, ກໍ່ເພື່ອປະຕິບັດນະໂຍບາຍຂອງພັກ-ລັດ ທີ່ມີຕໍ່ ນາຍ ແລະ ພົນທະຫານ ໂດຍການເປັນປະ ທານຂອງສະຫາຍ ພັນເອກ ຄູນສະໄໝ ລິນສັນຍາ ຮອງຫົວໜ້າການເມືອງ, ຫົວໜ້າຫ້ອງການ ເມືອງ ກອງບັນຊາການທະຫານແຂວງ ສະຫວັນນະເຂດ, ມີຄະນະຫ້ອງ, ພະແນກນະໂຍບາຍ, ພະແນກພະນັກງານ, ພະແນກປະກັນສັງຄົມ ແລະ ຄອບຄົວພະນັກງານຜູ້ເສຍຊີວິດເຂົ້າຮ່ວມ.
ສະຫາຍ ພັນໂທ ຄຳປ່ຽນ ພີມສົມພູ ຮອງຫົວໜ້າພະແນກປະກັນສັງຄົມ ຫ້ອງການເມືອງ ກອງບັນຊາການທະຫານແຂວງ ສະຫວັນນະເຂດ ໄດ້ກ່າວຈຸດ ປະສົງການມອບເງິນອຸດໜູນເສຍຊີວິດຂອງພະນັກງານບຳນານຈຳນວນ 6 ຄອບຄົວ. ເຊິ່ງແຕ່ລະຄອບຄົວແມ່ນຈະໄດ້ຮັບເງິນແຕກຕ່າງກັນຕາມອາຍຸການ ແລະ ໜ້າ ທີ່ຂອງພະນັກງານ, ນາຍ ແລະ ພົນທະຫານ ທີ່ເສຍຊີວິດ.
ຈາກນັ້ນ, ສະຫາຍປະທານກໍໄດ້ໂອ້ລົມ ແລະ ກ່າວສະແດງຄວາມຍ້ອງຍໍຜົນງານທີ່ບັນດາພະນັກງານທີ່ເສຍຊີວິດໄດ້ປະ ກອບສ່ວນສະຕິປັນຍາເຫື່ອແຮງເຂົ້າໃນການປົກປັກຮັກສາ, ສ້າງ ສາພັດທະນາປະເທດຊາດ ໃນຕະຫຼອດໄລຍະຜ່ານມາ. ພ້ອມທັງຮຽກຮ້ອງໃຫ້ແຕ່ລະຄອບຄົວນຳເອົາເງິນຈຳນວນດັ່ງກ່າວໄປນຳໃຊ້ໃຫ້ເກີດປະໂຫຍດສູງ.
ໂດຍ: ຄຳໃສ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
