POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 07 ສິງຫາ 2026

ກົມໃຫຍ່ພະລາທິການກອງທັບ ຈັດກອງປະຊຸມ ສໍາມະນາວິທະຍາສາດ ຄັ້ງທີ I
ເວລາອອກຂ່າວ: 2026-07-17 10:30:33 | ຜູ້ຂຽນ : admin2 | ຈຳນວນຄົນເຂົ້າຊົມ: 644 | ຄວາມນິຍົມ:

ວັນທີ 16 ກໍລະກົດ 2026 ນີ້, ກົມໃຫຍ່ພະລາທິການກອງທັບ ໄດ້ຈັດກອງປະຊຸມ ສໍາມະນາວິທະຍາສາດ ຄັ້ງທີ I ພາຍໃຕ້ຫົວຂໍ້: ຍົກສູງຄຸນນະພາບວຽກງານຮັບປະກັນພະລາທິການ ໃຫ້ກອງທັບ ດ້ວຍປະສິດທິພາບສູງ ແລະ ປະດິດສ້າງ, ຍູ້ແຮງຂະບວນການສ້າງເສດຖະກິດ ເອກະລາດ ເປັນເຈົ້າຕົນເອງ (ສອຈ) ທົ່ວກອງທັບໃນໄລຍະໃໝ່, ໂດຍການເປັນປະທານ ຂອງສະຫາຍ ພົນຕີ ຈັນດີ ສຸລິວົງສັກ ກຳມະການຄະນະປະຈຳພັກກະຊວງປ້ອງກັນປະເທດ, ຫົວໜ້າກົມໃຫຍ່ພະລາທິການກອງທັບ, ມີຄະນະນໍາ 4 ກົມໃຫຍ່, ຫ້ອງວ່າການກະຊວງປ້ອງກັນປະເທດ, ກົມໃຫຍ່ພະລາທິການ ປກສ, ກົມວິຊາສະເພາະ, ວິທະຍາຄານ, ໂຮງຮຽນ, ໂຮງໝໍ, ກົມກອງອ້ອມຂ້າງເຂດໃຈກາງນະຄອນຫຼວງ, ພະນັກງານປະຕິວັດອາວຸໂສບໍານານ, ແຂກຖືກເຊີນ ແລະ ວິຊາການທີ່ກ່ຽວຂ້ອງ ເຂົ້າຮ່ວມ. ສະຫາຍ ພົນຕີ ຈັນດີ ສຸລິວົງສັກ ໄດ້ກ່າວວ່າ: ເນື່ອງໃນໂອກາດການກະກຽມສະເຫຼີມສະຫຼອງວັນສ້າງຕັ້ງ ຂະແໜງການພະລາທິການກອງທັບປະຊາຊົນລາວ ຄົບຮອບ 70 ປີ (5 ສິງຫາ 1956-5 ສິງຫາ 2026), ໄດ້ຈັດຕັ້ງຫຼາຍກິດຈະກຳທີ່ມີຄວາມໝາຍຄວາມສຳຄັນພິເສດ ເພື່ອລະນຶກຄືນເຖິງປະວັດການກຳເນີດ, ການເຕີບໃຫຍ່ຂະຫຍາຍຕົວ ຂອງຂະແໜງພະລາທິການກອງທັບປະຊາຊົນລາວ, ໂດຍປະຕິບັດຕາມການຕົກລົງເຫັນດີ ຂອງລັດຖະມົນຕີກະຊວງປ້ອງກັນປະເທດ ແລະ ປະຕິບັດຕາມແຜນການ ຂອງກົມໃຫຍ່ພະລາທິການກອງທັບ. ເຊິ່ງການຈັດຕັ້ງກອງປະຊຸມສຳມະນາວິທະຍາສາດຄັ້ງນີ້, ເປັນການປະກອບຄວາມຄິດເຫັນ ເພື່ອສ້າງຄວາມຮັບຮູ້, ເຂົ້າໃຈກ່ຽວກັບສະຖານະພາບ ແລະ ຄົ້ນຄວ້າ ເພື່ອຍົກສູງຄຸນນະພາບວຽກງານຮັບປະກັນພະລາທິການໃຫ້ແກ່ກອງທັບ ຢ່າງມີຫົວຄິດປະດິດສ້າງ ແລະ ມີປະສິດທິຜົນສູງ ຕິດພັນກັບການຍູ້ແຮງຂະບວນການສ້າງເສດຖະກິດເອກະລາດ ເປັນເຈົ້າຕົນເອງ ທົ່ວກອງທັບໃນໄລຍະໃໝ່ ເພື່ອພ້ອມກັນຕີລາຄາກ່ຽວກັບສະຖານະພາບ ຂອງຂະແໜງພະລາທິການກອງທັບ ໃນເງື່ອນໄຂສະພາບຄວາມຫຍຸ້ງຍາກທາງດ້ານເສດຖະກິດ ແລະ ກົນໄກການຈັດຕັ້ງ ທີ່ຈະຊ່ວຍໃຫ້ວຽກງານພະລາທິການ ປັບປຸງສະຖານະພາບຂອງຕົນໃຫ້ດີຂຶ້ນ, ສຶກສາກ່ຽວກັບຮູບແບບອົງການຈັດຕັ້ງ ຂອງຂະແໜງພະລາທິການກອງທັບ ແລະ ຄວາມເປັນໄປໄດ້ ເພື່ອຍົກສູງຄຸນະພາບວຽກງານຮັບປະກັນພະລາທິການໃຫ້ແກ່ກອງທັບຢ່າງປະດິດສ້າງ ແລະ ມີປະສິດທິຜົນສູງຕິດພັນກັບການຍູ້ແຮງຂະບວນການສ້າງເສດຖະກິດເອກະລາດເປັນເຈົ້າຕົນເອງ ທົ່ວກອງທັບໃນໄລຍະໃໝ່. ໂດຍ: ຄໍາປະສົງ ລາດຊະວົງ.

news to day and hot news