POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 07 ສິງຫາ 2026

ກອງບັນຊາການທະຫານແຂວງຜົ້ງສາລີ ປະດັບຫຼຽນໄຊ, ຫຼຽນກາ ແລະ ມອບໃບຍ້ອງຍໍຜົນງານ 5 ປີ
ເວລາອອກຂ່າວ: 2026-07-17 14:34:56 | ຜູ້ຂຽນ : admin2 | ຈຳນວນຄົນເຂົ້າຊົມ: 888 | ຄວາມນິຍົມ:

ໃນວັນທີ 16 ກໍລະກົດ 2026 ນີ້, ຢູ່ທີ່ສະໂມສອນເມືອງບຸນເໜືອ, ກອງບັນຊາການທະຫານແຂວງຜົ້ງສາລີ, ໄດ້ຈັດພິທີ ປະດັບຫຽນໄຊ, ຫຼຽນກາ ແລະ ມອບໃບຍ້ອງຍໍ ສາຍລັດຖະບານຜົນງານ 5 ປີ, ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ, ໃຫ້ນາຍ ແລະ ພົນທະຫານ ກອງບັນຊາການທະຫານແຂວງຜົ້ງສາລີ, ໂດຍການເປັນປະທານຂອງ ສະຫາຍ ພົນຕີ ສົມພອນ ມິດຕະພອນ ກຳມະການສູນກາງພັກ ເລຂາຄະນະບໍລິຫານງານພັກແຂວງ, ປະທານສະພາປະຊາຊົນແຂວງ, ປະທານຄະນະກໍາມະການປ້ອງກັນຊາດ-ປ້ອງກັນຄວາມສະຫງົບແຂວງ, ມີສະຫາຍ ພົນຈັດຕະວາ ຊຽງເພັງ ບົວລະວົງ ກຳມະການພັກແຂວງ, ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງ, ຮອງປະທານຄະນະກໍາມະການ ປ້ອງກັນຊາດ-ປ້ອງກັນຄວາມສະຫງົບແຂວງ ຜູ້ປະຈໍາການ, ມີພະນັກງານອາວຸໂສບໍານານ, ອາດີດຄະນະພັກ-ຄະນະບັນຊາ, ພະນັກງານຫຼັກແຫຼ່ງ, ນາຍ ແລະ ພົນທະຫານ ທົ່ວທະຫານແຂວງເຂົ້າຮ່ວມ. ສະຫາຍ ພັນໂທ ບຸນເພັງ ແສງສຸລີ ຄະນະປະຈໍາພັກ ກອງບັນຊາການທະຫານແຂວງ, ຮັກສາການຫົວໜ້າຫ້ອງການເມືອງ ກອງບັນຊາການທະຫານແຂວງຜົ້ງສາລີ ໄດ້ຜ່ານລັດຖະດຳລັດ ຂອງປະທານປະເທດ ແລະ ດຳລັດຂອງນາຍົກລັດຖະມົນຕີ ວ່າດ້ວຍການປະດັບຫຼຽນໄຊແຮງງານ, ຫຼຽນກາແຮງານ ແລະ ມອບໃບຍ້ອງຍໍລັດຖະບານ ໃຫ້ນາຍ ແລະ ພົນທະຫານ ທົ່ວທະຫານແຂວງຜົ້ງສາລີ ທີ່ມີຜົນງານປະກອບສ່ວນເຂົ້າໃນການປະຕິບັດໜ້າທີ່ວຽກງານປ້ອງກັນຊາດ-ປ້ອງກັນຄວາມສະຫງົບ, ຕະຫຼອດໄລຍະ 5 ປີ, (2019-2024), ຜົນງານດັ່ງກ່າວ ເປັນການປະກອບສ່ວນອັນສໍາຄັນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ ໃນນີ້, ມີຫຼຽນໄຊແຮງງານຊັ້ນ I ຈໍານວນ 10 ສະຫາຍ, ຫຽນໄຊແຮງງານຊັ້ນ II ຈໍານວນ 121 ສະຫາຍ, ຫຼຽນໄຊແຮງງານຊັ້ນ III ຈໍານວນ 270 ສະຫາຍ, ຫຼຽນກາແຮງງານ 537 ສະຫາຍ ແລະ ໃບຍ້ອງຍໍລັດຖະບານ 226 ສະຫາຍ. ໂອກາດນີ້, ສະຫາຍ ພົນຕີ ສົມພອນ ມິດຕະພອນ ໄດ້ໂອ້ລົມຕໍ່ ແລະ ສະແດງຄວາມຊົມເຊີຍ ພ້ອມທັງເນັ້ນໜັກໃຫ້ຮັກສາມູນເຊື້ອປະຕິວັດ, ສືບຕໍ່ປັບປຸງກໍ່ສ້າງພະນັກງານ-ນັກຮົບ ໃຫ້ມີຄວາມໜັກແໜ້ນທາງດ້ານການເມືອງ-ແນວຄິດ, ໃຫ້ເຂັ້ມແຂງທາງດ້ານການຈັດຕັ້ງ, ມີຄວາມຈົງຮັກພັກດີຕໍ່ປະເທດຊາດ, ຕໍ່ລະບອບໃໝ່, ເຊື້ອໝັ້ນຕໍ່ອຸດົມການຂອງພັກຂອງຊາດ, ສືບຕໍ່ຊຸກຍູ້ວຽກງານກໍ່ສ້າງຮາກຖານການເມືອງ-ແນວຄິດ, ເອົາໃຈໃສ່ຈັດຕັ້ງປະຕິບັດລະບຽບກົດໝາຍ, ລະບອບກຽມພ້ອມສູ້ຮົບ ທັງກຳລັງ ແລະ ພາຫະນະໃຫ້ເຂັ້ມງວດ, ສຶກສາອົບຮົມໃຫ້ນາຍ ແລະ ພົນທະຫານ ມີນໍ້າໃຈຮັກຊາດ, ຮັກບ້ານເກີດເມືອງນອນ, ຮັກການຈັດຕັ້ງ, ຮັກກົມກອງ ຍາມໃດກໍຍົກສູງນໍາໃຈເພິ່ງຕົນເອງ, ກຸ່ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ, ມີນໍ້າໃຈເສຍສະຫຼະເພື່ອຜົນປະໂຫຍດສ່ວນລວມ. ໂດຍ: ຮ້ອຍໂທ ທອງໄຊ ແສງອຸດົມ

news to day and hot news